Pesalemo

Ki te pule ʼo te kau faimaholo. Ke hiva mo he ʼu meʼa faimaholo kauʼi uka. Pesalemo ʼa Tavite.

61 ʼAtua e, logo mai ki siʼaku kole tokoni atu.

Tokaga mai ki taku faikole.+

2 ʼI te temi ʼae ʼe au lotomamahi ai,

ʼE au tagi kia te koe ʼi te ʼu potu taupotu ʼo te kele.+

Taki au ki he ʼutu ʼe maʼoluga age ia au.+

3 Ko koe toku nonoʼaga,

He tule malohi ʼe puipui ai au mai te ʼu fili.+

4 ʼE au loto ke fakaafe au ki tou fale la ʼo talu ai.+

ʼE au fia nono ʼi ʼou lalo pakakau.+ (Sela)

5 ʼAtua e, neʼe ke logo ki ʼaku fakapapau.

Neʼe ke foaki mai te tofiʼa ʼae ʼe ke vahe kia natou ʼae ʼe manavasiʼi ki tou huafa.+

6 ʼE ke hilifaki anai ni ʼaho ki te maʼuli ʼo te hau,+

Pea ʼe maʼuli anai mai he taʼiake ki he tahi taʼiake.

7 ʼE heka anai ʼi tona hekaʼaga fakahau* ia muʼa ʼo te ʼAtua ʼo talu ai.+

Fakaha age ki ai tou ʼofa* mo tau agatonu, ke puipui ai ia ia.+

8 Pea ʼe au vikiʼi anai tou huafa ʼaki ni hiva* ʼo talu ai,+

Mo fakahoko ʼaku fakapapau ʼi te ʼaho fuli.+