Pesalemo
Ki te pule ʼo te kau faimaholo, ʼo mulimuli ki Setutune.*+ Pesalemo ʼa Tavite.
ʼE au mapunuʼi anai toku gutu,+
ʼI te temi ʼae ʼe kei nofo ai te tagata agakovi ʼi ʼoku muʼa.”
2 Neʼe mole au palalau, neʼe au fakalogologo.+
Maʼiape la mo te meʼa ʼae ʼe lelei, neʼe mole au palalau ki ai,
Kae neʼe kovi ʼosi toku mamahi.
3 Neʼe vela toku loto.
Neʼe hoko atu pe tona vela lolotoga taku fakakaukau.*
Pea neʼe au palalau leva:
4 “Sehova e, fakaha mai toku ʼaho fakaʼosi,
Pea mo te lahi ʼo ʼoku ʼaho,+
Ke au iloʼi ai te nounou ʼo toku maʼuli.
ʼEi, logo la ʼe hage mai te tagata fuli ʼe tuʼu malohi, kae ʼe ko he ʼaele pe ia.+ (Sela)
6 ʼE mahino papau ia, ʼe fealuʼaki te tagata fuli ohage pe ko te fealuʼaki ʼa he malu.
ʼE felelenoaʼaki ʼi he mo he.*
ʼE ina tanaki ni koloa kae ʼe mole ina iloʼi pe ko ai anai ka fiafia ai.+
7 Sehova e, kotea la ʼe au toe ʼamanaki ki ai?
Ko koe pe toku falalaʼaga.
8 Haofaki au mai ʼaku talagataʼa fuli.+
ʼAua naʼa ke tuku te tagata vale ke ina fakalainoaʼi au.
9 Neʼe au nofo fakalogologo.
Neʼe mole feala ke au avahi toku gutu,+
He neʼe hoko te meʼa ʼaia ʼuhi ko koe.+
10 Toʼo atu te tautea ʼaia ia au.
Kua au gaʼegaʼe ʼuhi ko tau taʼi au.
11 ʼE ke fakatonutonuʼi te tagata pea mo fakatuʼā ia ia ʼuhi ko tana hala.+
ʼE ke maumauʼi te ʼu meʼa ʼae ʼe ina leleiʼia ohage ko tona fai e te ʼu kiʼi manu.
ʼE mahino papau ia, ko te tagata fuli pe ko he ʼaele.+ (Sela)
12 Sehova e, fagono mai ki taku faikole,
Fagono mai ki taku tagi.+
ʼAua naʼa ke meʼa noaʼi ʼoku loʼimata.
13 ʼAua naʼa ke sio itaita mai ke feala ai haku toe lotomalohi,
ʼI muʼa ʼo toku mate ʼo au pulinoa ai.”