Sopo
6 Pea neʼe tali e Sopo:
2 “ ʼE au ʼamusia age la ke fuafua te mamafa ʼo toku lotomamahi+
Pea ke fakatahiʼi mo toku malaʼia ʼo hili ki he meʼa fua!
3 ʼI te temi nei, kua mamafa age ia ʼi te ʼone ʼo te tai.
Koia ʼae neʼe au hoko palalau ai.*+
4 Neʼe fana au e te Mafimafi ʼaki ni kauʼi nahau,
Pea ʼe inu e toku ʼatamai tonatou kafokona.+
ʼE tauʼi au e te ʼAtua ʼo kovi ai toku mataku.
5 ʼE tagi anai koa he asino vao+ moka ina kai te luna?
ʼE tagi anai koa he vitulo moka ina kai tana meʼa kai?
6 ʼE feala koa ke kai he meʼa kai kae neʼe mole masimaʼi?
ʼE kano lelei koa te hina ʼo te fuaʼi moa?
7 Neʼe mole au fia fāfā ki te ʼu meʼa ʼaia
Naʼa kovi taku meʼa kai.
8 ʼOfa pe ke tali taku kole,
Pea ke foaki mai e te ʼAtua te meʼa ʼae ʼe au loto ki ai!
9 Ke lotolelei te ʼAtua ʼo fakamafasiaʼi au,
Ke ina faoʼi tona nima ʼo pulihi au!+
10 ʼE au toe fimalie aipe anai.
ʼE au hopo fakafiafia anai logope la te kovi ʼo toku mamahi,
He neʼe mole au fakafihiʼi te ʼu folafola ʼa te Maʼoniʼoni.+
11 ʼE kei au malohi koa ke au haga talitali?+
Kotea ʼae ka hoko kia au ke tupu ai hoku fia maʼuli?
12 ʼE hage koa toku malohi ko te malohi ʼo he fuʼu maka?
ʼE hage koa toku kakano ko te kapa?
13 ʼE au haofaki feafeaʼi ia au
Kae kua mamaʼo mo au ia tokoni fuli?
15 Neʼe agakaka ʼoku tehina+ ohage ko he vai tafe ʼo te temi nive,
ʼEi, ohage ko ni vai tafe ka mamaha.
16 ʼE pela te ʼu vai tafe
He ʼe kua huhuʼa te ʼaisi mo te nive.
17 Kae ka hoko tona temi, ʼe mamaha ʼo moamoa ai,
Pea ka hoko te temi vevela, ʼe magemage ia.
18 ʼE ofeʼi kehe te vai,
Pea ʼe alu ki te toafa ʼo puli ai.
19 ʼE kumi e te hahaʼi fagona ʼo Tema+ te ʼu vai tafe ʼaia,
20 ʼE natou ufiufi ʼi tanatou falala ki he meʼa ʼe mole tuha mo te falala.
ʼE natou kaku ki ai, kae ʼe mole natou maʼu te meʼa ʼae ʼe natou kumi.
22 Neʼe au ui atu koa la ke kotou foaki mai haku meʼa?
Pea neʼe au kole atu koa ʼokotou koloa?
23 Neʼe au kole koa ke haofaki au mai te fili
Peʼe ke haofaki* au mai te kau agakovi?
24 Kotou akoʼi au, pea ʼe au nofo fakalogologo anai.+
Kotou tokoni mai ke au mahino ki taku hala.
25 ʼE mole fakatupu mamahi te ʼu folafola moʼoni!+
Kae kotea koa te fua lelei ʼo takotou fakatonutonuʼi au?+
26 ʼE kotou fia valokiʼi koa ʼaku palalau?
Ko ni palalau pe ia ʼa he tagata lotomamahi+ ʼae ʼe ʼave e te matagi.
27 ʼE kotou lava fai ni toho ʼo ʼuhiga mo he tamasiʼi hala mo tamai,+
Pea ʼe kotou lava fakatau hokotou kaumeʼa totonu!+
28 Koia ʼi te lakaga leva ʼaeni, kotou sisio lelei mai,
He ʼe mole au lohiʼi anai koutou.
29 Fakalelei siʼokotou loto, kotou toe fakakaukauʼi te faʼahi ʼaeni. ʼAua naʼa kotou faihala ʼo ʼuhiga mo au.
ʼEi, kotou toe fakakaukauʼi te faʼahi ʼaeni, kei au faitotonu pe.
30 ʼE ui koa la e toku ʼalelo ni meʼa ʼe heʼe faitotonu?
ʼE mole iloʼi koa la e toku gutu te meʼa ʼae ʼe hala?