NAUME
1 Koʼeni te logo ʼo ʼuhiga mo Ninive.+ Ko te tohi ʼo te meʼa ʼae neʼe ha kia Naume,* te tagata mai Elekosi:
2 Ko Sehova ʼe ko he ʼAtua ʼe ina fakamaʼua ke pipiki ʼateaina pe te hahaʼi kia te ia+ pea ʼe lagavaka.
ʼE lagavaka ia Sehova pea ʼe ina fakato tona ita ki ʼona fili.+
ʼEi, ʼe lagavaka ia Sehova kia natou,
Pea ʼe nofo ita ki ʼona fili.
3 ʼE tuai ia Sehova ʼi te ita+ pea ʼe mafimafi.+
ʼE tauteaʼi anai e Sehova ia natou pe ʼae ʼe tonu ke tauteaʼi.+
ʼE haʼele ʼi te ʼahiohio pea mo te afā,
Pea ʼe hage te ʼu ʼao ko te efu ʼae ʼe mafuta ʼi tana haʼele.+
ʼE mamate te ʼu vao ʼakau ʼo Pasani mo Kalemelo,+
Pea ʼe fefe te ʼu fisiʼi teu ʼo Lipane.
ʼE malaga ake anai te kele ʼi ʼona muʼa,
ʼEi, te kele mo natou fuli ʼae ʼe nonofo ai.+
6 Ko ai ʼae ʼe feala ke tuʼu maʼu moka ita te ʼAtua?+
Ko ai ʼae ʼe ina lava katakiʼi tona hauhau?+
ʼE to anai tona ita ki ʼona fili ohage ko he afi,
Pea ʼe makafaʼafaʼa anai te ʼu fuʼu maka ʼuhi ko ia.
7 ʼE agalelei ia Sehova,+ ʼe ko he kolo tau ʼi te ʼaho ʼo te mamahi.+
ʼE tokaga kia natou ʼae ʼe kumi nonoʼaga ia te ia.+
8 ʼE ina fakaʼauha katoa anai te koga meʼa ʼaia* ʼaki he lomaki,
Pea ʼe nonofo anai ʼona fili ʼi te fakapoʼuli.
9 Kotea ʼae ka kotou fakatuʼutuʼu ke kotou fai kia Sehova?
ʼE ina fakaʼauha anai ia koutou fuli.
ʼE mole toe hoko anai te mamahi.+
10 ʼE natou ʼefihia ohage ko ni vao talatala,
Pea ʼe natou hage ko ni hahaʼi konana ʼi tanatou inu te piele,*
Kae ʼe tutu anai natou ohage ko te luna moamoa.
11 ʼE haʼu anai mai ia koe ia ia ʼae ʼe ina fai he fakatuʼutuʼu kovi kia Sehova,
Pea ʼe ina fai hana ʼu tokoni ʼe mole hona ʼaoga.
12 Koʼeni te meʼa ʼae ʼe ui e Sehova:
“Tatau aipe pe ʼe natou malolohi ʼaupito mo kaugamalie,
Kae ʼe ʼohofi mo matehi anai ia natou.
Neʼe au fakalainoaʼi koe,* kae ʼe mole au toe fakalainoaʼi anai koe.
13 ʼI te lakaga leva ʼaeni, ʼe au fasiʼi anai te ʼakau ʼamo ʼae neʼe hili kia koe,+
Pea ʼe au motuhi anai ʼou haʼi.
14 Koʼeni te fakatotonu ʼae neʼe fai e Sehova ʼo ʼuhiga mo koe:*
‘ ʼE mole au tuku anai ke maʼuli tou higoa.
ʼE au pulihi anai te ʼu fakatata ʼae neʼe togi mo te ʼu fakatata ukamea* ʼi te fale lotu* ʼo ʼou ʼatua.
ʼE au teuteuʼi anai hou fale maka, koteʼuhi ʼe fehiʼaʼinaʼi ia koe.’
15 Koʼeni ʼi te ʼu moʼuga te ʼu vaʼe ʼo ia ʼae ʼe ina ʼaumai ni logo lelei,
ʼO ia ʼae ʼe ina tala te tokalelei.+
Suta, ke ke fai ʼou ʼaho lalahi,+ mo ke fakahoko ʼau fakapapau,
Koteʼuhi ʼe mole toe fakalaka anai io koe te tagata agakovi.
ʼE pulihi anai ia.”
2 ʼE hake atu kia koe* he tahi ʼe ina fakamavetevete anai tau hahaʼi.+
Kotou leʼo te ʼu kaupa.
Kotou lamalama te ala.
Kotou teuteu pea mo faiga ke kotou malohi ki te tau.
2 ʼE toe foaki anai e Sehova te kololia ʼo Sakopo,
ʼO feia mo te kololia ʼo Iselaele.
Neʼe pulihi natou e ʼonatou fili,+
Pea neʼe natou toe maumauʼi mo te ʼu vaʼa ʼo ʼonatou fuʼu vite.
3 ʼE pena kula te ʼu meʼa tali tau ʼo ʼana tagata malolohi.
ʼE tui e ʼana tagata tau ni teu kula fakapoʼuli.
ʼE gigila te ukamea ʼo ʼana saliote ohage ko te afi
ʼI te ʼaho ʼae ʼe teuteu ai ki te tau,
Pea ʼe hiki te ʼu tao ʼae neʼe fai ʼaki te senelie.
4 ʼE gaholo te ʼu saliote ʼi te ʼu ala ʼo te kolo.
ʼE lele vave ʼi te ʼu malaʼe lalahi.
ʼE natou hage ko ni taume ʼe ulo, mo gaholo ohage ko te tapa ʼo te hila.
5 ʼE ina* pauʼi anai ʼana pule solia.
ʼE natou tukia anai ʼi tanatou haʼele.
ʼE natou feleleʼi ki te ʼu kaupa,
ʼO fakatuʼu ai he ʼa.
6 ʼE avahi anai te ʼu matapa ʼo te ʼu vai tafe,
Pea ʼe holo anai te fale hau.
7 Koʼeni te meʼa ʼae kua ʼosi fakatotonu ʼo ʼuhiga mo te fafine ʼaia:* ʼE huʼi ʼona mutuʼi meʼa pea mo ʼave ia ia.
ʼE fetagihi ʼana fafine kaugana ohage ko ni lupe,
Pea ʼe natou tuki fatafata.
8 Neʼe hage pe ia Ninive+ ko he tane vai,
Kae ʼi te temi nei, ʼe feholaki tana hahaʼi.
ʼE kalaga ʼihi: “Kotou tutuʼu! Kotou tutuʼu!”
Kae ʼe mole maliu he tahi.+
9 Kotou ʼave te siliva! Kotou ʼave te aulo!
ʼE mole malau ʼona koloa.
ʼE maʼu lahi ai te ʼu meʼa maʼuhiga kehekehe.
10 ʼE mole kei he meʼa ʼi te kolo, kua lavaki pea kua maumau!+
Kua lotovaivai te hahaʼi, ʼe mole kei malohi ʼonatou tuli mo ʼonatou koga loto,
Pea kua lau tetea ʼonatou fofoga fuli.
11 Fakaha mai pe ʼe ʼifea te nofoʼaga ʼo te ʼu laione.*+ ʼE fafaga aipe te ʼu ʼuhiʼi laione,
ʼE mavae mai ai te laione mo tona ʼuhi
Pea ʼe mole fakamatakuʼi naua e he tahi.
12 Neʼe feʼauga pe te ʼu manu ʼae neʼe matehi e te laione moʼo fafaga ʼo ʼona ʼuhi,
Mo te ʼu manu ʼae neʼe ina kapu maʼa te ʼu laione fafine.
Neʼe fonu tuʼumaʼu pe ʼona nofoʼaga ko te ʼu manu ʼae neʼe ina matehi,
Pea mo te ʼu manu ʼae neʼe ina hae.
13 Koʼeni te meʼa ʼae ʼe ui e Sehova ʼo te ʼatu kautau: “Koʼeni, ʼe au tauʼi anai ia koe.+
ʼE au tutu anai ʼau saliote,+
Pea ʼe matehi anai ʼou ʼuhiʼi laione ʼaki te heleta.
ʼE au fakagata anai ʼau kaihaʼa ʼi te kele,*
Pea ʼe mole toe logo anai ki te leʼo ʼo ʼau tagata ʼave logo.”+
3 Malaʼia ki te kolo faifakapo!
ʼE lahi te kaka mo te kaihaʼa ʼae ʼe fai ai.
Pea ʼe mole hala he ʼaho mo tana kaihaʼa ni koloa!
2 ʼE au logo ki te ta ʼo te huipi pea mo te logoaʼa ʼo te ʼu foʼi teka,
ʼE au sio ki te lele ʼa te hosi mo te alu ʼo te saliote.
3 ʼE au toe sio foki ki te tagata ʼae ʼe heka ʼi tana hosi, mo te heleta, mo te tao ʼae ʼe gigila,
Pea mo te kaugamalie ʼo natou ʼae neʼe matehi, ʼei, mo te ʼu tuʼuga sino mate.
ʼE lahi te mātea.
ʼE tukia tuʼumaʼu pe te hahaʼi ʼi te ʼu sino mate.
4 ʼE hoko te faʼahi ʼaia ʼuhi ko te lahi ʼo te ʼu faiaga ʼa te fafine paomutu.
ʼE finemui mo gutukaka, pea ʼe faiva ʼi te ʼu meʼa faifakalauʼakau,
ʼE ina kakaʼi ni puleʼaga ʼaki tana faiaga pea mo ni famili ʼaki ʼana meʼa faifakalauʼakau.
5 ʼE ui e Sehova ʼo te ʼatu kautau: “Koʼeni, ʼe au tauʼi anai ia koe.*+
ʼE au hueʼi ake anai tou kofu ki tou fuga ʼulu.
Pea ʼe au tuku anai ke sisio te ʼu puleʼaga ki tou telefua,
ʼEi, ke natou sisio ki tou lainoa.
6 ʼE au laku atu anai ni ʼotaʼota kia koe,
Pea ʼe au fakalainoaʼi anai koe.
ʼEi, ʼe au fakaliliu anai koe ko he meʼa fakalialia.+
7 ʼE feholaki mamaʼo anai ia natou fuli ʼae ka sisio kia koe+ pea ʼe natou ui anai:
‘Kua maumau ia Ninive!
Ko ai ʼae ka lotomamahi anai ʼo ʼuhiga mo ia?’
ʼE maʼu anai ʼifea ni hahaʼi ke natou fakalotofimalieʼi koe?
8 ʼE ke lelei age koa koe ia No-amoni,*+ ʼae neʼe tuʼu ia tafa ʼo te ʼu tafega vai ʼo te Nile?+
Neʼe ʼa takai ia ia e te ʼu vai.
Neʼe ina maʼu ʼona koloa mai te tai, pea neʼe hage te tai ko hona kaupa.
9 Neʼe ina maʼu hona toe malohi mai Etiopea mo Esipito.
Neʼe ʼomai ʼo tokoni kia ia* ia Puti+ mo te kau Lipi.+
10 Kae neʼe toe ʼave foki mo ia ʼo ʼaunofo,
ʼEi, neʼe ʼave popula.+
Neʼe matehi ʼana fanau ʼi te ʼu pokoʼi ala fuli.
Neʼe fai ni toho ʼo ʼuhiga mo tana kau ʼaliki,
Pea neʼe haʼi ʼana tagata maʼuhiga fuli ʼaki ni seini.
11 ʼE ke konahia anai mo koe,+
ʼE ke alu anai ʼo nono.
ʼE ke kumi anai hou nonoʼaga ʼuhi ko ʼou fili.
12 ʼE hage ʼou kaupa fuli ko ni fuʼu fiku kua momoho ʼonatou fua.
Ka luluʼi pea ʼe maluku ifo te ʼu fiku ki te gutu ʼo natou ʼae ʼe natou kai.
13 Koʼeni, ʼe hage tau kau solia ko ni hahaʼi fafine io koe.
ʼE avahi lahi anai te ʼu matapa ʼo tou fenua ki ʼou fili.
Pea ʼe tutu anai te ʼu ʼakau fakamaʼu ʼo ʼou matapa.
14 Ke ke ohu he vai he ʼe ʼa takai anai te kolo!+
Ke ke fakamalohiʼi ʼou kaupa.
Ke ke hifo ki te pela ʼo molomoloki,
Pea ke ke fai ʼaki ni piliki.
15 Kae maʼiape la ʼi te temi ʼaia, ʼe tutu anai koe.
ʼE matehi anai koe ʼaki te heleta.+
ʼE kai anai ia koe ohage pe ko te kai e te ʼu heʼe ʼae ʼe kei liliki ia te vao ʼakau.+
Ke ke liliu ʼo kaugamalie ohage ko te ʼu heʼe ʼae ʼe kei liliki,
ʼEi, ke ke kaugamalie ohage ko te ʼu heʼe.
16 Kua kaugamalie age ʼau hahaʼi faikoloa ʼi te ʼu fetuʼu ʼo te lagi.
ʼE fetogi e te heʼe ʼae ʼe kei veliveli tona kili ʼo lele.
17 ʼE hage ʼau tagata leʼo ko ni heʼe,
Pea mo ʼau pule solia ko he faga heʼe.
ʼE natou fenonoʼi ʼi te ʼu ʼa maka moka momoko,
Kae ʼe natou feleleʼi moka ʼasi leva te laʼa.
Pea ʼe mole iloʼi e he tahi pe ʼe natou ʼifea.
18 Siʼi hau ʼo Asilia, ʼe tulemomoe ʼau tagata tauhi ovi,
Pea ʼe nonofo tau kau ʼaliki ʼi ʼonatou fale.
ʼE mavetevete tau hahaʼi ʼi te ʼu moʼuga,
Pea ʼe mole fakatahiʼi ia natou e he tahi.+
19 ʼE hoko he tuʼutamaki kia koe kae ʼe mole fakalotofimalieʼi ia koe,
Pea ʼe mole feala ke mole tou mataʼi lavea.
ʼE pasipasi anai ia natou fuli ʼae ka maʼu logo ʼo ʼuhiga mo koe,+
Koteʼuhi neʼe mamahi tuʼumaʼu pe te hahaʼi ʼuhi ko tau agakovi.”+
Ko tona fakaʼuhiga “Tagata Fakalotofimalie.”
Hep. “tona koga meʼa,” ʼe fakaʼuhiga ki Ninive.
Peʼe “te piele ʼae neʼe fai ʼaki te fulumeto.”
ʼE fakaʼuhiga ki Suta.
ʼE fakaʼuhiga ki Asilia.
Peʼe “fakatata ukamea neʼe haka.”
Hep. “fale.”
ʼE fakaʼuhiga ki Ninive.
ʼE lagi fakaʼuhiga ki te hau ʼo Asilia.
ʼE fakaʼuhiga ki Ninive, ʼae ʼe fakata ki he fineʼaliki.
Ko te laione neʼe ko he fakata ʼo te puleʼaga ʼo Ninive.
Hep. “ ʼE au toʼo anai ʼi te kele te manu ʼae ʼe ke puke.”
ʼE fakaʼuhiga ki Ninive.
ʼE fakaʼuhiga ki Tepese.
Hep. “kia koe.”