E Feafeaʼi Te Fakaʼaogaʼi ʼo Te Kaupepa Lahi ʼAenī?

Ko te kaupepa lahi ʼaenī ʼe ko he kaupepa moʼo fai ʼaki he ako Tohi-Tapu. ʼE tonu ke fakaʼaogaʼi feafeaʼi? ʼE mātou fakahā atu tona faʼahiga fai ʼaenī: ʼI te kamata ʼo te ʼu ako fuli, ʼe tuʼu ai te ʼu fehuʼi. Pea ʼi te fakaʼosi ʼo te ʼu fehuʼi fuli, ʼe koutou maʼu anai te ʼu numelo ʼo te ʼu palakalafe ʼaē ʼe maʼu ai te ʼu tali. Koutou ʼuluaki lau muʼa te ʼu fehuʼi. Koutou fakakaukauʼi te ʼu fehuʼi ʼaia. Pea koutou lau leva te ʼu palakalafe takitahi, pea mo koutou vakaʼi te ʼu vaega ʼi takotou Tohi-Tapu. Ka ʼosi takotou ako, koutou toe vakaʼi te ʼu fehuʼi pea mo koutou faigaʼi ke koutou toe manatuʼi te ʼu tali ʼa te Tohi-Tapu ki te ʼu fehuʼi fuli. ʼI te temi ʼaē kua koutou ʼosi ako fuli ai te kaupepa lahi, koutou toe liliu ki te kamataʼaga pea koutou toe vakaʼi te ʼu fehuʼi fuli.