ʼE Ke Fai Anai Koa Te Finegalo ʼo Sehova?

ʼE matou fakamalō atu ʼi tau toʼo he temi moʼo vakavakaʼi ia te kaupepa lahi ʼaeni ke ke iloʼi lelei ai te kau Fakamoʼoni ʼa Sehova, mo ʼamatou gaue pea mo mahino lelei ki tamatou kautahi. ʼE matou fakaʼamu neʼe tokoni atu ia te kaupepa lahi ʼaeni ke ke iloʼi ʼe matou fakahoko ia te finegalo ʼo Sehova ia ʼaho nei. ʼE matou fakalotomalohiʼi koe ke hoko atu tau fekumi ʼo ʼuhiga mo te ʼAtua pea mo fakaha ki tou kiʼi famili pea mo ʼou kaumeʼa te ʼu meʼa ʼae neʼe ke ako pea mo hoko atu tau fakatahi mo matou ʼi ʼamatou fono Fakakilisitiano.​​—⁠Hepeleo 10:​23-25.

ʼE ke tokagaʼi anai moka lahi tau mahino ki te ʼuhiga ʼo Sehova, pea ʼe toe lahi anai tau mahino ki tona ʼofa moʼoni ʼae kia koe. Pea ʼe ke lotomalohi anai ʼo fai ia meʼa fuli ʼe ha ai tou ʼofa ʼae kia te ia. (1 Soane 4:​8-10, 19) Kaʼe ʼe feafeaʼi hau fakaha ia te taʼi ʼofa ʼaia ʼi tou maʼuli? He koʼe ʼe ʼaoga lahi kia koe ke ke fakalogo ki ʼana lekula ʼo ʼuhiga mo te aga ʼae ʼe tonu ke fai? Pea kotea ʼae ka tokoni atu anai kia koe ke ke fakahoko ia te finegalo ʼo te ʼAtua pea mo matou? ʼE fiafia anai ia ia ʼae ʼe ina fai tau ako ʼi tana vakavakaʼi mo koe ia te ʼu tali ke feala kia koe mo tou kiʼi famili “ke kotou haga nonofo ai ʼi te ʼofa ʼo te ʼAtua, . . . ke kotou maʼu te maʼuli heʼe gata.”​​—Suta 21.