Fakalotomalohi
He koʼe ʼe maʼuhiga ke fefakalotomalohiʼaki te ʼu kaugana ʼa te ʼAtua?
Esa 35:3, 4; Kol 3:16; 1Te 5:11; Hep 3:13
Faʼifaʼitaki Fakatohi-tapu:
2Kk 32:2-8—ʼE fakalotomalohiʼi e te Hau ko Esekiasi tana hahaʼi ʼi tanatou tau mo te aluʼaga fakamataku
Tan 10:2, 8-11, 18, 19—ʼE fakalotomalohiʼi e te ʼaselo te polofeta ko Taniela ʼae kua vaivai matuʼa
He koʼe ʼe fakamaʼua e Sehova ki te kau tagata ʼafeā ke natou fakalotomalohiʼi niʼihi?
Vakaʼi mo Mat 11:28-30
Faʼifaʼitaki Fakatohi-tapu:
Tet 3:28; 31:7, 8—ʼE fakatotonu e Sehova kia Moisese ke ina fakalotomalohiʼi ia Sosue ʼae ka ina fetogi ia ia
Gau 11:22-26; 14:22—ʼE fakalotomalohiʼi e te ʼu apositolo ko Paulo mo Palenapa te kau Kilisitiano ʼi Atiokia ʼi te temi ʼae ʼe fakatagaʼi ai natou
He koʼe ʼe maʼuhiga ke kita fakalotomalohiʼi he tahi ʼo fakamalo ki ʼana faiga?
Faʼifaʼitaki Fakatohi-tapu:
Tfm 11:37-40—ʼE olo te ʼu taʼahine ʼo Iselaele ʼo fakasiosio te ʼofafine ʼo Sefeteo ʼi te taʼu fuli pea natou vikiʼi tana maʼuli fakasakilifisio
Fkh 2:1-4—ʼE tonu ke fakatonutonuʼi te kau Kilisitiano ʼo Efeso kae ʼe toe fakamalo ia Sesu ki te ʼu gaue lelei ʼae ʼe natou fai
ʼE feafeaʼi he fefakalotomalohiʼaki ʼa te ʼu kaugana ʼa Sehova?
Taa 15:23; Efe 4:29; Flp 1:13, 14; Kol 4:6; 1Te 5:14
Vakaʼi mo 2Ko 7:13, 15, 16
Faʼifaʼitaki Fakatohi-tapu:
1Sa 23:16-18—ʼE alu ia Sonatane ʼo kumi tona kaumeʼa tupulaga ko Tavite moʼo fakalotomalohiʼi he ʼe tau mo te aluʼaga faigataʼa
Soa 16:33—ʼE fakalotomalohiʼi e Sesu tana kau tisipulo ʼaki tana faʼifaʼitaki pea mo fakapapau age ʼe toe malo foki mo natou ʼi te ʼahiʼahi
Gau 28:14-16—ʼI te faifagona ʼa Paulo ki Loma ke fakamauʼi ai, ʼe fimalie ʼi tana sio ki te ʼu tehina ʼae neʼe ʼomai moʼona fakalotomalohiʼi
He koʼe ʼe maʼuhiga ke mole tou meo pea ke tou fakaʼapaʼapa ki ʼihi?
Faʼifaʼitaki Fakatohi-tapu:
Num 11:10-15—ʼE lotovaivai ʼaupito te polofeta ko Moisese ʼuhi ko te meo ʼa te hahaʼi pea mo tanatou agatuʼu
Num 13:31, 32; 14:2-6—ʼE fakatupu lotovaivai te ʼu fakamatala ʼa te toko 10 ʼae neʼe olo ʼo vakavakaʼi te fenua ʼo agatuʼu ai te hahaʼi
He koʼe ko he fakalotomalohi te fakatahitahi mo natou ʼae ʼe tauhi kia Sehova?
Taa 27:17; Lom 1:11, 12; Hep 10:24, 25; 12:12
Faʼifaʼitaki Fakatohi-tapu:
2Kk 20:1-19—ʼE fakatahiʼi e te Hau ko Sosafate te hahaʼi ke natou faikole kia Sehova he ʼe ʼamanaki tauʼi natou e te kautau kaugamalie
Gau 12:1-5, 12-17—ʼE faikole fakatahi te kokelekasio ʼo Selusalemi hili te matehi ʼo te apositolo ko Sakopo mo te pilisoniʼi ʼo te apositolo ko Petelo
He koʼe ʼe tokoni mai tatatou ʼamanaki ke tou faʼa kataki moka ʼahiʼahiʼi tatou?
Gau 5:40, 41; Lom 8:35-39; 1Ko 4:11-13; 2Ko 4:16-18; 1Pe 1:6, 7
Faʼifaʼitaki Fakatohi-tapu:
Sen 39:19-23; 40:1-8—ʼE tukugakoviʼi ia Sosefo ʼo pilisoniʼi ai kae ʼe nofo agatonu pe ki te ʼAtua mo lotolelei ke tokoni ki ʼihi
2Ha 6:15-17—ʼE mole tuʼania te polofeta ko Eliseo logo la te aluʼaga fakamataku ʼae neʼe hoko pea neʼe faikole ke maʼu e tana tagata faifekau tana faʼahiga sio
ʼE fakalotomalohiʼi tatou e te Folafola ʼa Sehova
Kotea te ʼu fakapapau ʼofa ʼae ʼe fai mai e Sehova?
He koʼe ko he fakalotomalohi tatatou fakakaukauʼi te kataki fualoa mo te manavaʼofa ʼo Sehova?
Kotea ʼae ʼe fai e Sehova ki ʼana kaugana ʼae ʼe gaʼegagaʼe?
Ps 46:1; Esa 12:2; 40:29-31; Flp 4:13
Faʼifaʼitaki Fakatohi-tapu:
1Sa 1:10, 11, 17, 18—ʼE fagono ia Sehova ki te faikole ʼa Ana ʼae ʼe lotohoha mo lotomamahi pea ʼe tokoni ki ai ke fimalie
1Ha 19:1-19—ʼI te temi ʼae ʼe lotovaivai ai te polofeta ko Elia, ʼe tokoni ki ai ia Sehova ʼi te faʼahi fakasino. Pea ʼe ina fakalotomalohiʼi mo fakalotofimalieʼi
He koʼe ʼe feala ke tou lotomalohi ʼaki te ʼu fakapapau ʼae ʼe tou maʼu ʼi te Tohi-Tapu?
2Kk 15:7; Ps 27:13, 14; Hep 6:17-19; 12:2
Faʼifaʼitaki Fakatohi-tapu:
Sop 14:1, 2, 7-9, 13-15—ʼI te ʼu temi ʼae ʼe kovi ʼaupito ai te mamahi ʼo Sopo, ʼe lotofimalie ʼuhi ko te ʼamanaki ki te fakatuʼuake
Tan 12:13—ʼE fakalotomalohiʼi e te ʼaselo ia te polofeta ko Taniela ʼae kua teitei taʼu 100 ʼo palalau age ki te fakapale ʼae ka ina maʼu
He koʼe ko he fakalotomalohi moka tou faikole kia Sehova mo metitasio ki te ʼu aluʼaga ʼae ʼe tou iloʼi ʼo ʼuhiga mo ia?
Faʼifaʼitaki Fakatohi-tapu:
1Sa 30:1-9—ʼE faikole te Hau ko Tavite kia Sehova ʼi te temi ʼae ʼe tau ai mo te toe fihifihia, pea ʼe lotomalohi ai
Luk 22:39-43—ʼI tana tau mo te toe ʼahiʼahi, ʼe faikole fakamalotoloto ia Sesu kia Sehova pea ʼe ina tali ki ai ʼo fekauʼi ifo he ʼaselo moʼona fakalotomalohiʼi
He koʼe ʼe fakalotomalohi moka tou maʼu ni logo mo ni fakamatala fakafiafia? Pea koʼe ʼe lelei ke vaevae mo ʼihi?
Faʼifaʼitaki Fakatohi-tapu:
Gau 15:2-4—ʼE fakalotomalohiʼi e te ʼu apositolo ko Paulo mo Palenapa ia te ʼu kokelekasio ʼae ʼe nā ʼaʼahi
3So 1-4—ʼE lotomalohi te apositolo ko Soane ʼae kua vaivai matuʼa ʼi tana iloʼi ʼae ʼe nofo agatonu ia natou ʼae neʼe ina akoʼi age te moʼoni