Tauhi, Atolasio
ʼE tou atolasio ʼateaina pe kia ai?
Eke 34:14; Tet 5:8-10; Esa 42:8
Faʼifaʼitaki Fakatohi-tapu:
Mat 4:8-10—ʼE foaki e Satana kia Sesu te ʼu puleʼaga fuli ʼo te malamanei mo kapau ʼe atolasio kia ia, kae ʼe fakafisi ia Sesu ki tana kole, ʼo fakapapau ʼe atolasio pe kia Sehova
Fkh 19:9, 10—Logo la tona malohi mo taulekaleka, ʼe fakafisi te ʼaselo ke atolasioʼi e te apositolo ko Soane
ʼE loto ia Sehova ke feafeaʼi tatatou atolasioʼi?
Faʼifaʼitaki Fakatohi-tapu:
Esa 1:10-17—ʼE mole tali e Sehova pea ʼe mole fiafia ʼi te atolasio malualoi ʼa te hahaʼi ʼae ʼe mole fia mulimuli ki ʼana lekula
Mat 15:1-11—ʼE fakaha e Sesu ʼe mole loto ia Sehova ke fakatafito tatatou tauhi ki te ʼu talatisio ʼa te tagata kae ke fakatafito ki te ʼu lao ʼa te ʼAtua
Kapau ʼe fealagia ʼe tonu ke tou tauhi kia Sehova mo ai?
Vakaʼi mo Ps 133:1-3
Faʼifaʼitaki Fakatohi-tapu:
Gau 2:40-42—ʼI te ʼuluaki sekulo, ʼe fakatahitahi te kau Kilisitiano moʼo faikole, mo kakai fakatahi pea mo ako te ʼu faiakonaki ʼae ʼe foaki e te ʼAtua ʼaki tona laumalie maʼoniʼoni
1Ko 14:26-40—ʼE loto e te apositolo ko Paulo ke fakalotomalohi te ʼu fono ʼo te kokelekasio pea ke fakatokatoka lelei ke feala ai ke akoʼi mo mahino te hahaʼi fuli ki te ʼu akonaki ʼae ʼe fai ai
Kotea ʼae ʼe tonu ke tou fai ke tali e Sehova tatatou tauhi?
Faʼifaʼitaki Fakatohi-tapu:
Hep 11:6—ʼE fakamahino e te apositolo ko Paulo ʼe maʼuhiga te tui ke tali e Sehova tatatou tauhi
Skp 2:14-17, 24-26—ʼE fakamahino e Sakopo, te tehina ʼo Sesu, ʼe alu tahi te tui mo ni gaue, ʼe iloga tatatou tui ʼaki ni gaue