“ ʼE Mole Heʼeki ʼAu Sio Ki He Meʼa Feiā!”

ʼI TE 1993 neʼe fakaafe te filiale ʼo te Sosiete Watch Tower ʼi Alasatine ke ina momoli he kau fakafofoga e toko afe ki Santiago, ʼi Sili, ki te fakatahi faka tisitilike “Akonaki Fakaʼatua” ʼa te kau Fakamoʼoni ʼa Sehova ʼaē neʼe fai lolotoga ʼaho e fā. Neʼe ko te hoki fakaafe ʼaia ʼo te kau Fakamoʼoni Alasatine ke nātou fagona fakahahaʼi ki he fenua tai.a Neʼe koteā te tali? Neʼe ko te toko 8 500 tupu neʼe nātou fakaʼui ke nātou kau ki te fakaafe, kae neʼe ko te toko 1 039 kau fofoga ʼaē neʼe fili.

Ko papikā fakatahi e 14 neʼe fakaʼaogaʼi moʼo fai ʼo te fagona ʼaia e kilometa 1 400 mai Buenos Aires ki Santiago. Neʼe ko te fagona neʼe fai lolotoga hola e 26, pea neʼe fakalaka ʼi te ʼu koga meʼa matalelei. ʼI tanatou fakalaka ʼi te ʼu “Moʼuga Andes,” neʼe fakalaka te kau fakafofoga ʼo ōvi ki te Aconcagua, ko tona māʼoluga e meta 6 960 ko te moʼuga māʼoluga tokotahi pe ʼaia ʼo te Potu Toga. Ko te faʼahi ʼe tonu ke fakamanatuʼi, ko te toe mahifo pea mo pikopiko ʼaē ki Sili. Neʼe pasipasi te kau fakafofoga ki te kau tagata taki papikā ʼi tanatou faiva ʼi te taki ʼo te ʼu papikā ʼi te ala fakamataku ʼaia!

Kae, ko te paki matalelei pe ia, ko te maʼu ʼo te fakatahi. ʼI he mālama ʼe ʼi ai te fihi faka puleʼaga pea mo te lanu, neʼe ko he meʼa fakaloto māfana te sio ʼaē ki te toe hahaʼi logo tahi e toko 80 000 mai te ʼu fenua e 24 ʼe nātou kau ki te fakatahi ʼaia—ko he fale tautēhina faka malamanei moʼoni ia! ʼI tanatou sio tonu ki te logo tahi ʼe maʼu ia nātou ʼaē ʼe nātou kau ki te fakatahi, ko ʼihi ʼi te kau taki papikā neʼe nātou fakahā ʼe nātou fia ʼiloʼi he tahi age ʼu meʼa ʼo ʼuhiga mo te kau Fakamoʼoni ʼa Sehova. Neʼe kalaga fēnei te tahi ia nātou: “ ʼE mole heʼeki ʼau sio ki he meʼa feiā!”

[Nota ʼi te lalo pasina]