“Neʼe ʼAu ʼAʼahi Te Fale ʼo Te Puleʼaga”

Ko Lauraa ʼe ko te finemui ʼe ako ʼi te Univelesitē, pea neʼe kole age kia ia ke kau ʼi he fono faka lotu pea ke ina tohi te ʼu meʼa ʼaē ka sio kiai. Neʼe ina filifili te fono ʼa te kau Fakamoʼoni ʼa Sehova, pea neʼe fēnei te kupu tāfito ʼo tana fakamatala, “Neʼe ʼAu ʼAʼahi Te Fale ʼo Te Puleʼaga.” Koteā ʼaē neʼe fakatokagaʼi e Laura ʼo ʼuhiga mo te kau Fakamoʼoni ʼa Sehova? Koʼeni te ʼu puani ʼaē neʼe talanoa kiai.

Te ʼu Tamaliki: “Ko te ʼu tamaliki fuli neʼe nātou fono fakatahi mo ʼanatou mātuʼa. ʼI te ʼu ʼēkelesia fuli ʼaē neʼe ʼau ʼaʼahi, ʼe mole kau fakatahi te ʼu mātuʼa pea mo te fānau ki te fai kapite.”

ʼE felogoi te ʼu lanu fuli: “ ʼI te agamāhani, ʼe ʼi ai te ʼu lotu ʼe nātou tali he faʼahiga lanu pe ko he faʼahiga hahaʼi . . . Kae ko te kau Fakamoʼoni ʼa Sehova ʼe nātou heheka fakatahi pea ʼe mole fakakehekeheʼi te hahaʼi.”

ʼE fai he tali kāiga lelei: “Tokolahi neʼe nātou ʼōmai ʼo fai palalau mo ʼau. . . . Neʼe ʼi ai ʼihi neʼe nātou kole mai pe neʼe ʼau ako te Tohi-Tapu mo he tahi. Kae neʼe mole nātou fakakinauʼi ʼau ki te faʼahi ʼaia. Neʼe nātou . . . tuku ke ʼau fili tonu te faʼahi ʼaia.”

ʼE mole fai he tae falā: “Ko te meʼa ʼaē neʼe ʼau punamaʼuli tāfito ai, he neʼe mole fai he tae falā. . . . ʼI te ʼu ʼēkelesia ʼaē neʼe ʼau ʼalu kiai, ʼe fai he tae falā māʼia ʼi te ʼu fono ʼa te kau tamaliki.”

ʼE ʼi ai te ʼu kokelekasio ʼe teitei 90 000 ʼa te kau Fakamoʼoni ʼa Sehova ʼi te malamanei katoa. He koʼe koa ʼe mole koutou ʼaʼahi te kokelekasio ʼaē ʼe ōvi atu kiō koutou?

[Nota ʼi te lalo pasina]