Te Toʼotoʼoga ʼe Tonu Ke Koutou Kau Kiai

“Ko te faiofa taulekaleka fuape mo meaofa lelei fuape” ʼe haʼu mai te ʼAtua, totatou Tāmai ʼe ʼi selo.—Sakopo 1:17.

KO te meʼa ʼofa lahi ʼaē neʼe foaki mai e te ʼAtua ki te mālama agahala ʼaenī, ʼe ko te fakatuʼutuʼu ʼaē ke hāofaki tatou ʼaki tona ʼAlo ʼulu tokotahi, ia Sesu Kilisito. Ko te mate ʼo Sesu, ia ia ʼaē neʼe ina Totogi tatou, ʼe ina faka fealagia ia te maʼuli heʼegata ʼi te palatiso ʼi te kele. Ia Luka 22:19, ʼe fakatotonu mai ke tou fakamanatuʼi tona mate.

ʼE fakaafe koutou e te kau Fakamoʼoni ʼa Sehova ke koutou kau mo nātou ki te fakahoko ʼo te fakatotonu ʼa Sesu. Ko te toʼotoʼoga ʼaia ʼaē ʼe fai ʼi te taʼu fuli, ʼe fai anai mokā ʼosi tō te laʼā, ʼi te ʼaho ʼaē ʼe ʼalutahi mo te ʼaho 14 ʼo Nisani ʼo te kaletalio faka māhina ʼo te Tohi-Tapu, ʼi te ʼAhotapu, ʼaho 8 ʼo ʼApelili 2001. Koutou tohi te ʼaho ʼaia ke mole koutou galoʼi. ʼE lava fakahā atu e te kau Fakamoʼoni ʼa Sehova ʼo tokotou kolo te koga meʼa pea mo te hola ʼo te fono.