Te Faʼahiga ʼOfa ʼAē ʼe Maʼuhiga ʼAupito

ʼE LAHI te ʼu faʼifaʼitaki ʼi te ʼu Tohi Faka Keleka Faka Kilisitiano, peʼe ko te Tauhi Foʼou, ko te kupu “ ʼofa” ʼe ko te fakaliliu ʼo te kupu faka Keleka agapê.

Moʼo fakamahino te ʼuhiga ʼo te kupu ʼaia, ʼe ʼui fēnei e te tohi Étude perspicace des Écritures :a “Ko te [agapê ] ʼe mole ko he meʼa ʼe malaga feiā pe ʼi te loto, ʼe mole ko he ʼofa neʼe kamata ʼi hakita pipiki pe ki he meʼa, ohage ko tona fai māhani, kae ko te ʼofa ki te aga ʼaē ʼe tonu ke fai peʼe ko te ʼofa ki te hahaʼi, ʼaē ʼe fakatafito ki he fia muliʼi katoa ʼo he pelesepeto, he gāue, he kumi fakamalotoloto ʼo he meʼa lelei ʼi te hahaʼi, ʼo mulimuli ki te aga ʼaē ʼe tonu ke fai. Ko te agapê (te ʼofa) ʼe mole ina tokagaʼi te ʼu fihi ʼaē ʼe hoko; ʼe mole ina uga he tahi ke fakafisi ki te ʼu pelesepeto lelei pea ʼe mole ina liufaki te aga ʼaē ʼe kovi ʼaki he aga ʼe kovi.”

ʼE feala pe foki ke kau ki te agapê ia he ʼofa lahi. Neʼe fakatokagaʼi fēnei e te ʼapositolo ko Petelo: “Ke mālohi takotou feʼofaʼofani [agapê ].” (1 Petelo 4⁠:​8, MN ) Koia ʼe tou lava ʼui ai ko te agapê ʼe fakapipiki ki te loto pea mo te ʼatamai. He koʼe ʼe mole koutou vakaʼi he ʼu vaega ʼe fakahā ai te mālohi pea mo te maʼuhiga ʼo te faʼahiga ʼofa ʼaia? Ko te ʼu koga tohi ʼaē ʼe hoa mai ʼe lava ʼaoga kia koutou: Mateo 5⁠:​43-47; Soane 15⁠:​12, 13; Loma 13⁠:​8-10; Efeso 5⁠:​2, 25, 28; 1 Soane 3⁠:​15-18; 4⁠:​16-21.

[Kiʼi nota]