Ko He ʼAho ʼe Tonu Ke Fakamanatuʼi

ʼI TE po ʼi muʼa ʼo tana mate, neʼe vaevae e Sesu Kilisito pea mo tana kau ʼapositolo, te pane pea mo te ipu vino kula, ʼo ina fakatotonu age ke nātou kai pea mo ʼinu. Neʼe ina toe ʼui age foki kia nātou: “Koutou haga fai te meʼa ʼaenī moʼo fakamanatu kia te ʼau.”​—Luka 22⁠:​19, MN.

ʼI te taʼu ʼaenī, ko te fakamanatu ʼo te toʼotoʼoga ʼaia, ʼe fai anai ʼi te ʼAhotapu ʼaho 4 ʼo ʼApelili, ʼi te ʼosi tō ʼo te laʼā. Ko te kau Fakamoʼoni ʼa Sehova ʼi te malamanei katoa, ʼe nātou fakatahitahi anai ʼi te po ʼaia moʼo fai te ʼAho Fakamanatu ʼaia, ʼo mulimuli ki tona faʼahiga fakatotonu mai e Sesu. Koia ʼe fakaafe koutou ke koutou kau fakatahi mo nātou. Koutou kole age ki te kau Fakamoʼoni ʼa Sehova ʼo tokotou fenua te hola pea mo te koga meʼa ʼaē ka fai ai te fono makehe ʼaia.