Ke Fua Lelei Age Kia Koe Tau Lau Ia Te Tohi-Tapu

ʼE kotou loto koa ki he tahi ʼu fakamahino peʼe ko he ako Tohi-Tapu ʼe mole totogi?

Kapau ʼe kotou fia foaki he meʼa ʼofa, kotou olo ki te Neti www.pr418.com.

Kapau ʼe mole fakaha, pea ko te ʼu vaega ʼo te Koga Tohi-Tapu Fakahepeleo ʼe toʼo mai Te Tohi Tapu i te fakauvea. Ko te ʼu vaega ʼo te Koga Tohi-Tapu Fakakeleka Fakakilisitiano ʼe toʼo mai te Fakaliliu ʼo Te Malama Foʼou ʼo Te Koga Tohi-Tapu Fakakeleka Fakakilisitiano ʼi te Fakaʼuvea. Kapau ʼe tuʼu MN ʼi he vaega ʼo te Koga Tohi-Tapu Fakahepeleo, ko tona fakaʼuhiga neʼe fakaliliu mai Te Tohi-Tapu. Fakaliliu ʼo Te Malama Foʼou ʼi te Fakafalani.

KO TE NUSIPEPA ʼAENI, ia Te Tule Leʼo, ʼe ina foaki he fakavikiviki kia Sehova ʼAtua, te Pule ʼo te ʼatulaulau. ʼE ina fakafimalie te loto ʼo te hahaʼi ʼaki te logo lelei ʼaeni kua vave pulihi e te Puleʼaga ʼo te ʼAtua ia te agakovi fuli pea ʼe ina fakaliliu anai te kele ko he palatiso. ʼE tokoni ki te kau lautohi ke natou tui kia Sesu Kilisito, ʼae neʼe mate ke feala hanatou maʼu ia te maʼuli heʼe gata pea ʼe lolotoga ʼafio nei ko te Hau ʼo te Puleʼaga ʼo te ʼAtua ʼi selo. Neʼe ta e te kau Fakamoʼoni ʼa Sehova ia te nusipepa ʼaeni talu mai te taʼu 1879 pea ʼe mole lagolago ki he politike. ʼE mulimuli pe ia ki te Tohi-Tapu.