Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vahaʼa 6 ʼo Sanualio ki te vahaʼa 20 ʼo ʼApelili 1992. Koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumi aga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumi aga ʼo Te Tule Leʼo.]
Koutou tohi “moʼoni” pe ʼe “hala” ʼi te ʼosi ʼo te ʼu kupuʼi palalau ʼaenī:
1. Neʼe mole tapuʼi e Sesu te ʼu faikole ʼaē ʼi muʼa ʼo te ʼu hahaʼi, kae neʼe palalau ia ʼo ʼuhiga mo te ʼu faikole ʼaē ʼe fai ke sioʼi mo vikiʼi ai kita e te hahaʼi (Mateo 6:5, 6). [Lau te Tohi-Tapu; vakaʼi te w 1/11/86, p. 8]
2. Ko te ʼu palalau ʼaē ʼa Sesu ʼe tuʼu ia Mateo 9:16, 17 ʼe fakahā mai ai neʼe mole haʼu ia moʼo toe fakatuʼu pe ʼe moʼo fakafoʼou ʼo te lotu ʼa te kau sutea, kae neʼe haʼu ia ko te fakatuʼutuʼu ʼo he tauhi foʼou. [Lau te Tohi-Tapu; vakaʼi te w 15/7/89]
3. Ko te ʼu akonaki ʼa Sesu ʼo ʼuhiga mo te fai faka mafola ʼe tuʼu ia Mateo, kapite 10, neʼe ina fai pe ki tana kau ʼapositolo e 12. [Lau te Tohi-Tapu; vakaʼi te w 1/8/87, p. 8]
4. ʼE lelei ke tou faikole ʼi muʼa ʼo hatatou ako. ʼE tou fakahā ai tatatou holi ʼaē ke tokoni mai te laumālie ʼo Sehova ke tou mahino ai ki tana Folafola. [sg p. 33, pal. 5]
5. Ko te ʼu tagata ʼaē neʼe fakaʼaogaʼi moʼo tohi ʼo te Tohi-Tapu neʼe mole nātou tohi tuʼumaʼu pe te ʼu tohi neʼe laugutu totonu age. [sg p. 15 pal. 6]
6. ʼI tatatou fakalogo lelei ʼaē ki te ʼu fono ʼo te kokelekasio ʼe tou fia fakahā ai tatatou fakaʼapaʼapa kia Sehova pea mo tana ʼu fakatuʼutuʼu moʼo tatou akoʼi. [sg p. 24 pal. 2]
7. Ko te “fakalogo” ko tona ʼuhiga pe ke tou fakalogo ki te ʼu palalau ʼaē ʼe fai mai e he tahi. [sg p. 23 pal. 1]
8. Ka tou lau te ʼu alatike ʼaē ʼo te Tule Leʼo mo tou akoʼi pea mo te tahi atu ʼu fono ʼo te kokelekasio, ko tatatou faiga, ke feala hatatou tali ki te ʼu fehuʼi pea mo fakahā tatatou ʼu manatu. [sg p. 20 pal. 8]
9. Ka kotou teuteu ʼo lau te alatike ʼo he nusipepa pe ʼe ko he kapite ʼo he tohi, ʼe mole feala ke puli tokotou temi mokā kotou sioʼi te ʼu faʼahiga kupu, kae ʼe feala takotou lau ʼo kamata ʼi te ʼuluaki palakalafe. [sg p. 22 pal. 14]
10. Ki te lelei ʼo ta kita lautohi ʼi muʼa ʼo he kaugā ʼapi ʼe maʼuhiga ke tou teuteuʼi lelei. [sg p. 29 pal. 3]
Koutou tali ki te ʼu fehuʼi ʼaenī:
11. Neʼe koteā koa “te fakaʼiloga ʼo Sonasi” ʼaē ʼe tuʼu ia Mateo 16:4? [Lau te Tohi-Tapu; vakaʼi te w 1/2/83, p. 31]
12. Koteā ʼaē ʼe kehekehe ai te Evaselio ʼo Maleko mo Mateo? [si p. 172, pal. 7]
13. ʼI te fakatā ʼaē ʼo Mateo 13:24-30, 36-43, ko ai koa te tagata to pulapula ʼo te gāueʼaga, te pulapula, pea mo te sisania? [Lau te Tohi-Tapu; vakaʼi te ad 1395, pal. 4]
14. Neʼe feafeaʼi te faiga ʼa Sosefo ke mavete fakafūfū ia mo Malia kae mole heʼeki nā ʼohoana (Mateo 1:19)? [Lau te Tohi-Tapu; vakaʼi te w 15/7/89]
15. He koʼe neʼe fakalaka halaʼi te kau tisipulo ʼa Sesu ‘he neʼe mole fufulu tonatou ʼu nima ʼi muʼa ʼo tanatou kakai’? (Mateo 15:2.) [Lau te Tohi-Tapu; vakaʼi te w 1/11/87, p. 8]
16. Neʼe ʼaoga koa ki te ā te ʼu “kalavi” ʼaē neʼe foaki age kia Petelo (Mateo 16:19)? [Lau te Tohi-Tapu; vakaʼi te rs p. 389]
17. Ia Mateo 22:18, he koʼe neʼe ʼui e Sesu ko te kau tisipulo ʼa te kau Faliseo ko te kau malualoi? [Lau te Tohi-Tapu; vakaʼi te ad p. 688, pal. 9]
18. He koʼe koa ko te “huafa” ʼo Sesu ʼaē neʼe hoko ai ki tana kau tisipulo “tonatou fehiʼaʼinaʼi e te hahai ʼo te ʼu atu puleʼaga”? (Mateo 24:9) [Lau te Tohi-Tapu; vakaʼi te ad p. 810, pal. 1]
19. Koutou fakahā mai he ʼu manuʼia ʼe tou maʼu mai he ako ʼe tou fai tuʼumaʼu. [sg p. 37, pal. 15]
20. Fakahā mai he manatu ʼo ʼuhiga mo te faʼahiga teuteuʼi ʼo Te Tule Leʼo pe ʼe ko te ako tohi. [sg p. 35, pal. 11]
21. ʼE feafeaʼi hatatou maʼu he lelei mai te lau ʼo te Tohi-Tapu faka famili? [sg pp. 33, 34 ʼu pal. 6, 7]
22. Koteā te fahaʼi tāfito ʼo te tohi ʼo Mateo ʼo ʼuhiga mo tona maʼuhiga kia tatou? [sg p. 170 pal. 30]
Koutou mapunuʼi te ʼu kiʼi lapalasi hina ʼaē ʼe tuku noa ʼi te ʼu kupuʼi palalau ʼaenī:
23. ʼAki tona agapoto ia Mateo 26:64 neʼe faka ʼuhigaʼi e Sesu ․․․․․․․ te lea faka polofeta ʼaē ia Taniela 7:13, 14. [Lau te Tohi-Tapu; vakaʼi te w 1/1/88, p. 10]
24. Neʼe mole fia ․․․․․․․ ia Sesu ko ia ʼaē neʼe fakafisi ai ia ki te ʼinu ʼo te vino neʼe ai ai te ʼahuʼi manu (Mateo 27:34). [Lau te Tohi-Tapu; vakaʼi te w 15/7/89, p. 25]
25. Ko te “Telepinale maʼoluga” ʼaē ʼe tuʼu ia Mateo 5:22 neʼe ko te ․․․․․․․ . [Lau te Tohi-Tapu; vakaʼi te w 15/7/89]
26. Neʼe fakaʼaogaʼi e Sesu te ʼu fakatā moʼo ․․․․․․․ (Mateo 13:10-15). [Lau te Tohi-Tapu; vakaʼi te w 1/4/87, p. 8]
Koutou fakaʼiloga te ʼu tali tonu ʼi te ʼu fakamatala ʼaenī:
27. Ia Mateo 24:29, ko te kupu ʼaē “i te temi pe ʼaia (ʼe mole ko he hoholo aipe ʼo te ʼu faʼahiga fakatuʼutuʼu; ko te fakahā mai ʼo te ʼu fakatuʼutuʼu ʼe hoko mai ki te mamahi ʼaē neʼe hoko ʼi te taʼu 70; ʼe fakahā mai ai he kiʼi temi nounou). [ad 1483, ʼu pal. 6, 7]
28. Ko te tanakiʼaga tohi ʼo te Fale ʼo te Puleʼaga ʼe taupau e te “taupau ʼo te ako; te sikalaipe; te taupau pelesita”. [sg p. 11 pal. 12]
Fakatahiʼi te ʼu kupuʼi palalau ʼaenī pea mo te ʼu vaega ʼe ʼalu tahi mo ia:
Mateo 22:30; Mateo 23:27, 28; Maleko 4:38; Mateo 24:14; Mateo 28:19, 20.
29. ʼAki te taupau ki te tokoni ʼaenī neʼe fai e Sesu, ʼe tou fakamamaʼo ānai mai te aga fakakākā mo te malualoi. [Lau te Tohi-Tapu; vakaʼi te w 15/7/89, p. 25]
30. Ko he kilisitiano neʼe kua mate tona ʼohoana ʼe mole ʼaoga ānai tana nofo tokotahi ʼaki tana falala ʼaē ʼe nā toe fakatahi ānai mokā fakatuʼuake ia mai te mate. [Lau te Tohi-Tapu; vakaʼi te w 1/6/87, pp. 30, 31]
31. Neʼe lagi mālōlō Sesu ʼi te tau muli ʼo te vaka, ʼi he foʼi pila neʼe lagi fakaʼaogaʼi moʼo heka ʼi te vaka. [Lau te Tohi-Tapu; vakaʼi te w 15/10/89, p. 30]
32. Ko te evaselio fakamālohi ʼo te hisitolia katoa ʼe hoko ānai ʼi te “temi fakamuli”. [Lau te Tohi-Tapu; vakaʼi te ad p. 504 pal. 4-6]
33. ʼI te ʼosi ʼo te foaki e he tahi tona maʼuli ki te ʼAtua, ʼe feala ānai ke papitema ia ʼi te vai ʼo fakahā kia nātou fuli kua ina foaki ia ia. [Lau te Tohi-Tapu, vakaʼi pe p. 251 ʼu pal. 5, 6]
ʼE tou maʼu ʼi te fahaʼi fea ʼo te Tohi-Tapu te ʼu manatu ʼaenī (te ʼu tohi, te ʼu kapite pea mo te ʼu vaega):
34. “ ʼE mole ko nātou ʼaē ʼe nātou fēnei mai kia te ʼau: ‘ ʼAliki, ʼAliki’, ka nātou hu ānai ki te puleʼaga ʼo selo, ka ko ʼaē ʼe ina fai te finegalo ʼo taku Tāmai ʼi selo.” [Lau te Tohi-Tapu; vakaʼi te rs p. 152]
35. “Tuku tau heletā ki tona tuku aga, he ko nātou fuli ʼaē ʼe nātou toʼo te heletā ʼe nātou mamate ānai ʼi te heletā.” [Lau te Tohi-Tapu; vakaʼi te ad p. 1100, pal. 4]