Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vahaʼa 4 ʼo Maio ki te vāhaʼa 24 ʼo ʼAukusito 1992. koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumi aga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumi aga ʼo Te Tule Leʼo.]
Koutou tohi “moʼoni” peʼe “hāla” ʼi te ʼosi ʼo te ʼu kupuʼi palalau ʼaenī:
1. Ka tou palalau, ko tona ʼuhiga ʼaē ke fakahā ki te hahaʼi ʼo te mālama ko te kau Fakamoʼoni ʼa Sehova ʼe nātou ʼiloʼi lelei pea mo faiva. [sg p. 54 § 7]
2. Ko te ʼu palalau ʼa Etienne ʼe tuʼu ia Gāue kapite 7, ʼe ko he faʼifaʼitaki lelei ʼaia ʼo he akonaki fakafokifā. [sg p. 61 § 7]
3. Ka tou palalau ʼi te mikolo, ʼe tonu ke mamaʼo totatou gutu ʼi te ʼu satimeta e 10 peʼe 15 mo te mikolo. [sg p. 67 § 19]
4. ʼI te foaki ʼo te ʼu kiʼi foʼi piesi e lua, neʼe fakahā e te fafine masiva ʼaē ia Maleko 12:41-44 te faʼifaʼitaki taulekaleka ʼo ʼuhiga mo te tokoni ʼaki te loto katoa ki te tauhi moʼoni. [Lau ʼo te Tohi-Tapu; vakaʼi te w 15/10/89 p. 31]
5. Ia Maleko 13:35, ʼe palalau ai ki te ʼu vaevae ʼaē e fā peʼe ko te ʼu koga ʼaē e fā ʼo te pōʼuli. [Lau ʼo te Tohi-Tapu; vakaʼi te tohi ad 1097 § 1]
6. ʼI te lau ʼo Maleko 15:34, ʼe hage ia neʼe kua vaivai te tui ʼa Sesu, ʼaki tana ʼui kua situʼa ʼosi te ʼAtua kia te ia. [Lau ʼo te Tohi-Tapu; vakaʼi te w 15/6/87 p. 31]
7. Ko te fakamatala ʼa Luka 3:1, 2, ʼe ʼiloga mai ai ko Luka neʼe ko te tagata neʼe ina kumikumi lelei te ʼu fakamatala pea neʼe ina fakasiosio lelei te ʼu tohi faka puleʼaga. [Lau ʼo te Tohi-Tapu; vakaʼi te w 15/11/89 p. 24]
8. Ia Luka 17:26-30 neʼe fakatā e Sesu he fakakaukau, kae neʼe mole ko he ʼu fakamāu ke talu ʼosi ai. [Lau ʼo te Tohi-Tapu; vakaʼi te w 1/6/88 p. 31]
9. Ko te lea faka polofeta ʼaē ʼa Sesu ia Luka 19:43 neʼe hoko ia ʼi te taʼu 70 ʼo totatou temi ʼaki te fakatuʼu e te kautau loma he ā ʼo takatakai ʼo Selusalemi ko tona loa ko te ʼu kilometa e 7. [Lau ʼo te Tohi-Tapu; vakaʼi te tohi rs p. 54 § 4]
10. ʼE ko te fakamatala pe ʼaē ʼa Luka ʼe talanoa ai ki te faitoʼo ʼaē e Sesu te taliga ʼo te tagata kaugana ʼa te pelepitelo lahi. [Lau ʼo te Tohi-Tapu; vakaʼi te w 15/11/89 p. 24]
Koutou tali ki te ʼu fehuʼi ʼaenī:
11. ʼE feafeaʼi te teuteuʼi ʼo he lautohi ki te Ako ʼo te minisitelio faka teokalatike? [sg p. 39 § 6] (Fakahā he ʼu manatu e lua.)
12. ʼE feafeaʼi koa tatatou fili te kupu tāfito ʼo he akonaki? [sg p. 43 § 2]
13. Koteā te ʼu fua e lua ʼe tonu ke aʼu ki ai te ʼu ʼuluaki palalau ʼo he akonaki? [sg p. 45 § 9]
14. Koteā te faka ʼuhiga ʼo te ʼu palalau ʼa Sesu ʼi tana ʼui ʼo ʼuhiga mo te temonio: “Ko te faʼahiga ʼaenā ʼe hoki feala pe tana mavae ʼaki te faikole.” (Maleko 9:29)? [Lau ʼo te Tohi-Tapu; vakaʼi te w 1/9/82 p. 31.]
15. ʼE feafeaʼi te fakahā ia Luka 2:8 neʼe mole feala ke tupu ia Sesu ʼi tesepeli? [Lau ʼo te Tohi-Tapu; vakaʼi te tohi ad p. 807 § 3]
16. Ia Luka 7:44-46, neʼe feafeaʼi te fakatalitali ʼo he tahi neʼe fakaafe ʼi te kau Sutea ʼo te ʼuluaki sekulo? [Lau ʼo te Tohi-Tapu; vakaʼi te tohi ad p. 681 § 6]
17. Neʼe feafeaʼi te tali e Sesu te hahaʼi ʼaē neʼe ʼomai kia te ia ʼi te temi ʼe mālōlō ai (Luka 9:10, 11)? [Lau ʼo te Tohi-Tapu; vakaʼi te tohi ad p. 813 § 6]
18. Koteā te manatu ʼa Sesu ʼi tana ʼui age ʼaē ki tana kau tisipulo ke ‘vakaʼi naʼa nātou feʼaluʼaki ʼi te ʼu ʼapi’? (Luka 10:7) [Lau ʼo te Tohi-Tapu; vakaʼi te tohi ad p. 682 § 6]
19. Koteā te manatu tāfito ʼo te fakatā ʼaē ʼe tuʼu ia Luka 12:16-59? [Lau ʼo te Tohi-Tapu; vakaʼi te w 15/7/86 p. 31.]
20. Koteā te faka ʼuhiga ʼo te palalau ʼa Sesu ʼi tana ʼui ʼaē ʼe mole feala anai ke tou liliu ko hana ʼu tisipulo mo kapau ʼe mole tou fehiʼa ki te ʼu hahaʼi ʼo totatou famili (Luka 14:26)? [Lau ʼo te Tohi-Tapu; vakaʼi te tohi ad 635 § 13]
Koutou māpunuʼi te ʼu kiʼi lapalasi hina ʼaē ʼe tuku noa ʼi te ʼu kupuʼi palalau ʼaenī:
21. Kapau ʼe koutou teuteuʼi he akonaki, ʼe tonu ke koutou toʼo kehe te ʼu puani ʼaē ʼe mole lagolago takotou ․․․․․․․ tāfito. [sg p. 40 § 10]
22. Kapau ʼe tou teuteuʼi lelei te ʼu akonaki fuli ʼo te Ako ʼo te minisitelio faka teokalatike, ʼe tou tuku anai ia tatou ke ․․․․․․․ tatou e te polokalama fai akonaki ʼaia ʼe foaki mai e Sehova. [sg p. 42 § 18]
23. ʼI te maʼua ʼo Maleko ke ina fakamahino te kupu ʼaē ko te “corban” ia Maleko 7:11 ʼe hā ai neʼe faitohi ʼo ina ʼuluaki manatuʼi muʼa te kau lautohi ․․․․․․․ . [Lau ʼo te Tohi-Tapu; vakaʼi te w 15/10/89 p. 30]
24. Ko te Evaselio pe ʼaē e tahi ʼe talanoa ki te fakatā ʼo te Samalita manavaʼofa ʼe ko te Evaselio ʼa ․․․․․․․ . [Lau ʼo te Tohi-Tapu; vakaʼi te w 15/11/89 p. 24]
25. Ka tou teuteu ki he fai ʼo he ako faka tohi-tapu, ʼe tonu ke tou tokaga ki ․․․․․․․ ʼaē ʼe feala ke fai mai ʼe he tahi ʼuhi ko te ako faka lotu ʼaē ʼe nofo mo ia. [sg p. 49 § 8]
Koutou fakaʼiloga te ʼu tali tonu ʼi te ʼu fakamatala ʼaenī:
26. ʼE lelei ke fai ni fehuʼi ki te hahaʼi, heʼe feala (ke fakatupu ʼaki hanatou fia logo; ke fakatokagaʼi age ʼe mole nātou ʼiloʼi tona tali; ke tokoni kia nātou ke nātou mahino neʼe mole lelei tonatou ako e te lotu hāla). [sg p. 51 § 12]
27. Ko te ʼu kolo ʼo te Tekapole ʼe ko te lotolotoiga ʼaia (ʼo te sivilisasio faka keleka; ʼo te lotu samalita; ʼo te lotu sutea). — Maleko 5:20. [Lau ʼo te Tohi-Tapu; vakaʼi te w 15/10/89 p. 30]
28. Ko te faʼifaʼitaki ʼaē ʼe tuʼu ia Maleko 9:38-40 ʼo he tagata neʼe fai milakulo ʼaki te huafa ʼo Sesu ʼe hā ai (ko te tagata sutea ʼaia neʼe fakamoʼoni ki ai te ʼAtua, ko nātou fuli ʼaē ʼe fai milakulo ʼaki te huafa ʼo Sesu ʼe fakamoʼoni kia nātou te ʼAtua). [Lau ʼo te Tohi-Tapu; vakaʼi te tohi ad p. 717 § 12]
29. ʼI te kau ʼapositolo ʼaē e 12, ko te tokotahi pe ʼaē neʼe haʼu mai sutea ko (Petelo; Mateo; Sutasi Isikaliote) (Luka 6:12-16). [Lau ʼo te Tohi-Tapu; vakaʼi te w 1/9/86 p. 8]
30. Ko Luka (neʼe sio mata ia ki te ʼu faʼahiga meʼa ʼaē neʼe ina tohi; neʼe logona ia ʼuhi ko te matala lelei ʼaupito ʼaē ʼo tana tohi; neʼe ko ia ʼaē neʼe faitohi fakamuli ʼi te kau Evaselio). [si p. 177 §§ 2, 4, 5]
Fakatahiʼi te ʼu kupuʼi palalau ʼaenī pea mo te ʼu vaega ʼe ʼalu tahi mo ia:
Mat. 28:19, 20; Luka 3:16, 17; Luka 16:9; Luka 5:1-6; Luka 8:30-32.
.31 ʼAki te ʼu fakahāhā ʼaia, ʼe ʼaoga ki te kilisitiano takitokotahi ke ina fakatuputupu ke lahi ake tona poto ʼi te fai akonaki. [sg p. 48 § 2]
32. ʼI te temi ʼe kei tou maʼuʼuli ai, ʼe tonu ke tou fakaʼaoga ʼotatou ʼu koloā ke liliu ai Sehova pea mo tona ʼAlo, ia Sesu ko hotatou ʼu kaumeʼa. [Lau ʼo te Tohi-Tapu; vakaʼi te g 22/4/88 p. 8]
33. ʼE ʼiloʼi e te ʼu temonio ko te vanu ʼe ko te fakamāu ʼaia ʼe tāʼofi e te ʼAtua maʼa nātou. [Lau ʼo te Tohi-Tapu; vakaʼi te w 15/5/87 p. 8]
34. Ko te milakulo e tahi ʼi te ʼu milakulo ʼaē e ono ʼaē ʼe gata pe ki te Evaselio ʼa Luka ʼe talanoa ki ai. [Lau ʼo te Tohi-Tapu; vakaʼi te tohi w 15/11/89 p. 24]
35. Ko te ikuʼaga ʼo te papitema ʼi te afi ʼe ko te mate heʼegata. [Lau ʼo te Tohi-Tapu; vakaʼi rs p. 50]