Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 7 ʼo Sepetepeli ki te vāhaʼa 21 ʼo Tesepeli 1992. Koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumi aga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumi aga ʼo Te Tule Leʼo.]

Koutou tohi “moʼoni” peʼe “hāla” ʼi te ʼosi ʼo te ʼu kupuʼi palalau ʼaenī:

1. Ka ʼe tou fai he tohi ʼo palalau ai ki te Puleʼaga ʼo te ʼAtua, ʼe lelei ke kamata ʼaki te tohi ʼo totatou higoa. [sg p. 85 § 8]

2. Ko te ʼu palalau ʼa Sesu ia Soane 9:41: “Kapau neʼe koutou kivi, ʼe mole ʼi ai anai hakotou agahala”, ko tona faka ʼuhiga ko ʼihi tagata ʼe nātou hāo mai te agahala. [Lau ʼo te Tohi-Tapu; vakaʼi te w 1/8/88 p. 31]

3. Ko te papitema ʼi te laumālie maʼoniʼoni ʼe tali e te kau “maʼoniʼoni” ʼaē ka hau ʼi te Puleʼaga mo Sesu Kilisito (Soane 3:⁠5). [Lau ʼo te Tohi-Tapu; vakaʼi te rs p. 49 § 1]

4. Neʼe fakapapau e Sesu ki te tagata fai fakapō ʼaē neʼe haʼi ʼi ʼona tafa, ʼi te ʼaho pe ʼaia ʼe nofo anai mo ia ʼi te Palatiso. (Luka 23:43) [Lau ʼo te Tohi-Tapu; vakaʼi te ad p. 1133 §§ 2, 3]

5. Ko te ʼu “meʼa vaʼiga” ʼaē ʼe tuʼu ia Gāue 4:25 ʼe faka ʼuhiga ki te ʼu meʼa māhani ʼaē ʼe kumi e te hahaʼi ʼi te maʼuli. [Lau ʼo te Tohi-Tapu; vakaʼi te ad p. 993 § 6]

6. Ia Gāue 2:​24, ko te kupu ʼaē “ko te ʼu mamahi ʼo te mate” ʼe faka ʼuhiga ki te mālohi ʼo te mate ʼaē ʼe faigataʼa ai te ʼāteaina pea mo ina fakagata te gāue fuli. [Lau ʼo te Tohi-Tapu; vakaʼi te ad p. 1048 § 5]

7. Ko te ʼuluaki palalau ʼe māhani ko te fahaʼi ʼaia ʼo te akonaki ʼaē ʼe tou ʼuluaki teuteuʼi. [sg p. 114 § 7]

8. Ko te ʼu “meʼa ʼofa” ʼe kau ki ai te ʼu meʼa ʼofa faka koloā ʼaē ʼe foaki kia nātou ʼe ʼaē faigataʼaʼia (Gāue 9:​36, 39). [Lau ʼo te Tohi-Tapu; vakaʼi te ad p. 1025 § 3]

9. Ko te ʼu manatu ʼo he akonaki ʼe ʼaoga ke mahino lelei pea mo moʼoni ke feala ai tona tāʼofi. [sg p. 109 § 2]

10. Kapau ʼe vaivai te mālama ʼa te hahaʼi, pea ʼe tonu ke lahi anai te ʼu manatu ʼaē ka talanoa ki ai he akonaki. [sg p. 112 § 20]

Koutou tali ki te ʼu fehuʼi ʼaenī:

11. ʼE feala feafeaʼi hatatou fakaʼaogaʼi te ʼu meʼa ʼaē ʼe tou ako ʼi te Ako ʼo te minisitelio faka teokalatike? [sg p. 96 § 3]

12. Neʼe faka ʼuhiga feafeaʼi te ʼu palalau ʼa Sesu ʼaē ʼe tuʼu ia Luka 23:30 ʼi tona temi? [Lau ʼo te Tohi-Tapu; vakaʼi te re p. 112 § 28]

13. Ia ʼaho nei, ko ai te ʼu kaugā hahaʼi e lua ʼaē ʼe ō ki te leʼo ʼo Sesu, pea mo mulimuli ai pea mo taupau ai nātou e Sesu? [Lau ʼo te Tohi-Tapu; vakaʼi te w 15/3/90]

14. Koteā te meʼa ʼaē ʼe tonu ke tou tokaga tafito ki ai mokā tou palalau? (Pes. 44:8; Ef. 4⁠:29)? [sg p. 78 §§ 1, 2]

15. ʼO kehe pe te maʼua ʼaē ke fai palalau, koteā te faka ʼuhiga ʼo te felogoi? [sg p. 78 § 3]

16. Kapau ʼi he kaugā hahaʼi, ʼe mole kei lelei te fai palalau, koteā anai te meʼa ʼe tonu ke tou fai? [sg p. 83 § 22]

17. ʼI te ʼosi fai ʼo he akonaki, koteā te meʼa ʼaē ʼe tonu ke fai ʼe he tahi ʼe kau ʼi te ako mokā ʼe loto ia ke haʼele ki muʼa te lelei ʼo tana ako? [sg p. 108 § 20]

18. ʼI te ʼiloʼi ʼaē ʼo te fakatuʼuake ʼo Lasalo, koteā te meʼa ʼaē neʼe fia fai e te kau pelepitelo pule (Soane 11:53; 12:10)? [Lau ʼo te Tohi-Tapu; vakaʼi te ad p. 897 § 13]

19. He koʼe ʼe maʼuhiga ʼaupito ke kita fai he ʼu lea ʼe totonu lolotoga te fai ʼo he akonaki? [sg p. 110 §§ 9, 10]

20. Koteā te faka ʼuhiga ʼo te ʼui ʼa Sesu ko ‘tona puleʼaga ʼe mole haʼu mai ai’? (Soane 18:36) [Lau ʼo te Tohi-Tapu; vakaʼi te pe 115 § 8]

21. Koteā ʼaē ʼe faka fealagia ai kia tatou ke fai hatatou ʼu tali ʼi te ʼu fono ʼo te kokelekasio? [sg p. 90 § 3]

Koutou māpunuʼi te ʼu kiʼi lapalasi hina ʼaē ʼe tuku noa ʼi te ʼu kupuʼi palalau ʼaenī:

22. Ia nātou ʼaē neʼe nātou tohi te ʼu evaselio, ko ․․․․․․․ tokotahi pe neʼe talanoa ki te ʼu fai palalau fakahagatonu ʼaē ʼa Sesu mo tana kau ʼapositolo pea mo te kole ʼaē neʼe ina fai ʼo ʼuhiga mo nātou ʼi te po fakaʼosi. [Lau ʼo te Tohi-Tapu; vakaʼi te w 15/3/90 p. 24]

23. Mai ia Gāue 8:​9-24, ko te kau kilisitiano ʼaē ʼe ʼi ai tonatou ʼu tuʼulaga gāue ʼe mole tonu ke nātou fai te aga ʼaē ko te ․․․․․․․ . [Lau ʼo te Tohi-Tapu; vakaʼi te w 15/8/86 p. 15 § 9]

24. Moʼo fetogi ʼo Sutasi Isikaliote, ko ․․․․․․․ ʼaē neʼe hinoʼi ko te ʼapositolo. [ad p. 93 § 2]

25. Neʼe mole kau ia Paulo ki te ʼu ʼapositolo ʼaē e hogofulu-ma-lua, kae neʼe gāue ia ko te ․․․․․․․ (Gāue 9:15). [Lau ʼo te Tohi-Tapu; vakaʼi te ad p. 1146 §§ 3, 4]

26. Ko te papitema ʼa Soane neʼe mole kei ʼi ai hona ʼuhiga ʼo kamata ʼi ․․․․․․․ . (Gāue 2:38; vakaʼi ia Gāue 19:​1-6)? [Lau ʼo te Tohi-Tapu; vakaʼi te ad p. 754 § 4]

Koutou fakaʼiloga te ʼu tali tonu ʼi te ʼu fakamatala ʼaenī:

27. Ko te tagata ʼaē ʼe higoa ko Helote ia Gāue 12:​1, 2 ko (Helote Lahi, Helote Atipasi, Helote Akilipa ʼUluaki). [Lau ʼo te Tohi-Tapu; vakaʼi te w 15/5/90 p. 24]

28. Ko te ʼuluaki folau faka misionea ʼa te ʼapositolo ko Paulo neʼe kamata ʼi (Atiokia ʼi Pisitia; Atiokia, Silia; Selusalemi). [Lau ʼo te Tohi-Tapu; vakaʼi te w 15/5/90 p. 25]

29. ‘Ko te tisipulo ʼofaina’ ʼa Sesu ko (Petelo; Soane; Paulo) (Soane 13:23). [Lau ʼo te Tohi-Tapu; vakaʼi te w 15/3/90]

Fakatahiʼi te ʼu kupuʼi palalau ʼaenī pea mo te ʼu vaega ʼe ʼalu tahi mo ia:

Soane 7:16; Soane 7:37; Soane 14:27; Soane 20:31; Gāue 6:3; Soane 12: 49,50;

30. Te ʼu puleʼaki neʼe fai e te ʼu ʼuluaki kilisitiano moʼo tokoni kia nātou ʼe faigataʼaʼia. [Lau ʼo te Tohi-Tapu; vakaʼi te w 1/6/87 p. 8 § 2]

31. Ko te tokalelei ʼaē neʼe foaki e Sesu ki tana ʼu tisipulo neʼe ʼaoga moʼo fakafimālie ʼo tonatou loto pea mo tanatou fakakaukau. [Lau ʼo te Tohi-Tapu; vakaʼi te w 15/3/90 p. 25]

32. Ko Sesu neʼe ko te Ave-folafola ʼo tana Tāmai lolotoga tona minisitelio ʼi te kele. [Lau ʼo te Tohi-Tapu; vakaʼi te ad p. 1139 § 7]

33. Neʼe palalau Sesu ʼi heni ki he agamahani neʼe toe faka kau ki te lafeti ʼo te ʼu Fale lau ʼaē ʼe ʼaho valu tona fualoa. [Lau ʼo te Tohi-Tapu; vakaʼi te w 15/3/90]

34. Te tupuʼaga ʼo te tohi e Soane tana Evaselio. [Lau ʼo te Tohi-Tapu; vakaʼi te w 15/3/90 p. 31]

35. Ko Sesu neʼe ko te Folafola peʼe ko te Ave-folafola ʼo tana Tāmai. [lau ʼo te Tohi-Tapu; vakaʼi te ad p. 1139 § 7]