Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 4 ʼo Sanualio ki te vāhaʼa 19 ʼo ʼApelili 1993. Koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Ko tou tohi “moʼoni” peʼe “hāla” ʼi te ʼosi ʼo te ʼu kupuʼi palalau ʼaenī:
1. Neʼe ko Efese ʼaē neʼe fakatahi ai ia Paulo mo te kau tagata ʼāfea. Neʼe ina fakamanatuʼi age neʼe fai akonaki kia nātou ʼi muʼa ʼo te hahaʼi pea mo te ʼu ʼapi. [Lau ʼo te Tohi-Tapu; vakaʼi te w 15/5/90, p. 26; 271 3/90]
2. Kapau ko te vai ʼo te papitema ʼe ina fufulu te ʼu agahala, pea ʼe tonu ke toe papitemaʼi tuʼumaʼu he tahi mokā ʼe toe agahala (Gāue 22:16). [Lau ʼo te Tohi-Tapu; 271 3/90]
3. Ko te fakahoahoa ʼo te ʼu manatu ʼi he akonaki ʼe mole faʼa maʼuhiga ia. Ko te meʼa ia ʼaē ʼe maʼuhiga, ko te faigaʼi ke tui ia nātou ʼe nātou logo ki ai. [sg 151, § 15; 198 2/88]
4. Ko te galoʼi ʼo he manatu tāfito ʼi he akonaki, ʼe tatau mo te fakatuʼu ʼo he fale lau fata tahi ka mole ʼi ai hona tuʼuga. [sg 152, § 21; 198 2/88]
5. Ko te fakamahani ʼo he fakaʼaogaʼi ʼo he pepa ʼo he akonaki, ʼe ʼaoga muʼa ia ke fai he pepa ʼe tohi fuli ai te ʼu manatu, pea ʼosi ia pea hoki fai leva he pepa ʼe tohi fakanounou ai te ʼu manatu ke fakaʼaogaʼi ʼi te fai ʼo te akonaki. [sg 141, § 18; 197 12/87]
6. Ko he tagata fai akonaki lelei ʼe tokaga anai ki tana palalau ki te hahaʼi ke ʼaua naʼa ina fakaʼapiʼi. [sg 140, § 8; 197 12/87]
7. Kapau ʼe ʼi ai he ʼu mikolo, pea ʼe mole ʼaoga te palalau leʼo lahi ʼa nātou ʼaē ʼe fai akonaki. [sg 117, § 6]
8. Ka tou fai he akonaki ʼi te ako, ʼe tokoniʼi tatou ke ai hatatou tuʼu veliveli pe, ʼe maʼuhiga foki tona fakaʼilogaʼi ʼi te pepa ʼe ia ʼaē ʼe fai akonaki ke mahino kia ia te fahaʼi ʼe tonu ke tuʼu ai. [sg pp. 120-1, §§ 20, 23] ʼE moʼoni.
9. Ko te faigafua ʼo te palalau, ʼe tonu muʼa ia ke mālama lelei te ʼu manatu ʼaē ʼe tou fia palalau ki ai ʼi totatou ʼatamai. [sg 143, § 5; 197 12/87]
10. Ko te veliveli ʼo te ʼu puani tāfito ʼo he akonaki ʼe feala ke 10. [sg 136, § 14; 196 10/87]
11. Ko te fakanounouʼi ʼo he akonaki ʼe ko he toe vakaʼi pe ia ʼo te ʼu puani peʼe ko te ʼu manatu. [sg 131, § 7; 196 10/87]
Koutou tali ki te ʼu fehuʼi ʼaenī:
12. Koteā te secte (Gāue 24:5)? [Lau ʼo te Tohi-Tapu; vakaʼi te g 8/1/88, p. 26; 271 3/90]
13. Fakahā te ʼu tohi faka kanonike e nima ʼaē neʼe tohi e Paulo lolotoga tona ʼuluaki pilisoniʼi ʼi Loma? [Lau ʼo te Tohi-Tapu; vakaʼi te w 15/5/90, p. 26; 271 3/90].
14. ʼE feafeaʼi hatatou taki fakapotopoto ia nātou ʼi te fono ke nātou toʼo te Tohi-Tapu mokā tou fai he akonaki? [sg p. 122 § 3]
15. Koteā te tupuʼaga ʼo te fia ʼalu ʼa Paulo ki Loma (Loma 1:11, 12)? [Lau ʼo te Tohi-Tapu; vakaʼi te w 1/8/90, p. 23; 271 3/90]
16. Koteā te ʼu meʼa ʼe tonu ke tokaga ki ai ia ia ʼaē ʼe fai akonaki mokā ʼe ina fakaʼaogaʼi he ʼu talanoa moʼo lagolago ki tana akonaki? [sg 155, § 11; 199 5/88]
17. Koteā te fakanounou lelei mokā fai he akonaki? [sg 155, § 14; 199 5/88]
18. Fakahā mai te ʼu faʼahiga meʼa e lua ʼe feala ai te puʼaki lelei ʼo te kupuʼi palalau. [sg 148, §§ 32-34; 198 2/88]
19. ʼI he lolotoga ʼo he akonaki, koteā ʼaē ʼe feala ai ki he tahi ʼe fai akonaki ke fesio lelei ʼaki mo te hahaʼi? [sg 139, §§ 3, 4; 197 12/87]
20. Fakahā te ʼu kalitate e lua ʼi te ʼu kalitate ʼaē ʼe ʼaoga ke kita maʼu ai te palalau lelei ʼi he akonaki [sg 145 § 14; 197 12/87]
Koutou māpunuʼi te ʼu kiʼi lapalasi hina ʼaē ʼe tuku noa ʼi te ʼu kupuʼi palalau ʼaenī:
21. ʼI tana tohi ki te kau Loma, neʼe fakahā e Paulo ko te fakatotonu ʼe haʼu mai te tui kia Sesu Kilisito pea mo te ʼofa makehe ʼo te ʼAtua, kae ʼe mole haʼu mai te fakaʼapaʼapa ki te ․․․․․․․ . [si p. 194, § 2; 271 3/90]
22. Ko he puleʼaki ʼi te ʼu puleʼaki tāfito ʼe feala ai kia koutou ke koutou tokoni kia nātou ʼe nātou fakalogo te akonaki ke nātou fakapipiki takotou ʼu fakamatala ʼi tonatou ʼatamai ko te palalau ․․․․․․․ ki te ʼu puani ʼaē ʼe maʼuhiga. [sg 130 § 1; 245 5/85]
23. Ko te ʼu manatu ʼaē ʼe hā makehe ʼi he akonaki ʼe ko te ʼu ․․․․․․․ ʼaia ʼo te akonaki. [sg p. 135 § 10; 245 5/85]
24. ʼE mole palalau ․․․․․․․ anai mokā ʼe fakatahitahi ni ʼu tēhina ʼi te ʼu hekaʼaga muʼa ʼo te fale ʼo te Puleʼaga, ʼo kehekehe pe mokā ʼe fonu te fale. [sg p. 117 § 4; 244 3/85]
Koutou fakaʼiloga te ʼu tali tonu ʼi te ʼu fakamatala ʼaenī:
25. Ko te kokelekasio ʼo Loma neʼe lagi fakatuʼu (e te ʼapositolo ko Paulo, e te kau Sutea neʼe ʼi Selusalemi lolotoga te Penikosite ʼo te taʼu 33, pe ko te ʼapositolo ko Petelo). [si p. 194, § 3, 271 3/90]
26. ʼI Kolonito, neʼe lahi ʼaupito te fia logo ʼa te hahaʼi ki te moʼoni koia neʼe nofo ai ia Paulo ʼi te ʼu (māhina e 18; e 12; e 6). [Lau ʼo te Tohi-Tapu; vakaʼi te w 15/5/90, p. 25; 271 3/90]
27. Ko ʼihi ʼi te kokelekasio ʼo Kolonito, neʼe lagi nātou maʼu he ʼu faʼahiga fakakaukau mai (te filosofia faka keleka, te hoha ʼo te loto, te ʼu Tohi faka hepeleo), neʼe ʼui maʼa nātou ʼe mole ʼi ai he fakatuʼuake (1 Ko. 15:32). [Lau ʼo te Tohi-Tapu; vakaʼi te w 15/9/90, p. 25; 272 12/90 E]
28. Ko te ʼu faʼahiga palalau moʼo hiki ʼi he manatu ki he tahi atu manatu ʼe feala ke fakatatau (ki he ʼapi; ki he aleso; ki he ala). [sg 149 § 4; 246 7/85 E]
29. Ko te tali ki te fehuʼi (ʼE feafeaʼi? Ko ai? ʼIfea? Anafea? Koteā? He koʼe?) ʼe ina fakahā te ʼu tupuʼaga ka mole gata ʼaki pe he ʼu meʼa neʼe hoko. [sg 154 § 8; 246 7/85]
Fakatahiʼi te ʼu kupuʼi palalau ʼaenī pea mo te ʼu vaega ʼe ʼalu tahi mo ia:
Loma 1:16, 17; 10:9, 10; 12:11; 1 Ko. 9:27; 14:15
30. Ko te tauhi ʼaē neʼe fai ʼe te ʼu ʼuluaki kilisitiano neʼe kau ai mo te hiva ʼo te ʼu katiko. [Lau ʼo te Tohi-Tapu; 195 8/87]
31. Ko te kau kilisitiano fuli, tatau aipe pe kofea te potu ʼe nātou nonofo ai, ʼe tonu ko nātou ko te kau faka mafola evaselio. [Lau ʼo te Tohi-Tapu, 185 9/85]
32. ʼE maʼuli te tagata agatonu ʼuhi ko te tui. [Lau ʼo te Tohi-Tapu; vakaʼi te w 1/8/90, p. 21; 271 3/90]
33. ʼE fakaloto mālohiʼi te kau kilisitiano ke nātou mālolohi. [Lau ʼo te Tohi-Tapu; 197 12/87]
34. Neʼe mole haga noa ia Paulo ʼi he temi ki te tauʼi ʼo tona kakano agahala. [Lau ʼo te Tohi-Tapu; 197 12/87]
35. Ko te maʼuli foʼou ʼaē ʼe maʼu e te kau kilisitiano ia Sesu ʼe ina fakamaʼua ia nātou ke nātou tauʼi tonatou ʼu vaivai faka kakano. [Lau ʼo te Tohi-Tapu; vakaʼi te w 1/8/90, p. 22; 271 3/90]