Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 4 ʼo Maio ki te vāhaʼa 23 ʼo ʼAukusito 1993. Koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hāla” ʼi te ʼosi ʼo te ʼu kupuʼi palalau ʼaenī:
1. Neʼe mole mahino lelei ki ʼihi te ʼu palalau ʼa Paulo ʼi tana ʼuluaki tohi ki te kau Tesalonika pea ʼui maʼa nātou ko te liliu mai ʼa te ʼAliki kua fakaōvi mai. [si p. 218 § 3]
2. Koteʼuhi neʼe mole lahi te ʼu meʼa feʼaluʼaki pea mo felogoiʼaki ʼi te ʼuluaki sēkulō, neʼe mole lahi te faka mafola ʼo te logo ʼo te Puleʼaga. [Lau ʼo te Tohi-Tapu; vakaʼi si p. 213]
3. Neʼe tohi e te ʼapositolo ko Paulo ko nātou ʼaē ʼe mole gāue ke ʼaua naʼa kakai. [Lau ʼo te Tohi-Tapu; vakaʼi te w 15/1/91 p. 23]
4. Ko te “hāofaki ʼi te fanaunau” ko tona faka ʼuhiga ko te fanaunau ʼe feala ke maʼu ai te hāofaki heʼegata (1 Tim. 2:15). [Lau ʼo te Tohi-Tapu; vakaʼi te w 15/1/91 p. 30]
5. Ko te “ ʼu fakaʼiloga ʼo he tagata kaugana” neʼe lagi ko he ʼu mataʼi lavea kua papate, neʼe lagi hoko ʼuhi ko te ʼu mamahi fakasino neʼe hoko kia Paulo (Kal. 6:17). [Lau ʼo te Tohi-Tapu; vakaʼi te w 15/11/90]
6. Ko te ‘fakatahiʼi ʼo te ʼu meʼa fuli ʼi te kele’ ʼe hoko anai ia ʼo aʼu ki te logo ʼanatou ʼaē ʼi te ʼu faitoka ki te leʼo ʼo Sesu pea ʼe nātou hu mai ki tuʼa (Ef. 1:10). [Lau ʼo te Tohi-Tapu; vakaʼi te w 15/11/90]
7. ʼI tana talitali ki tona fakamāu fakaʼosi pea mo tona matehi, neʼe kole tuʼa lua ia Paulo kia Timoteo ke haʼu fakavilivili kia ia, ʼo haʼu mo Maleko pea mo ʼaumai te ʼu takaiga tohi ʼaē neʼe ina tuku ʼi Toloasi. [si p. 223 §§ 2, 3]
8. Logope la neʼe mole tuʼu te higoa ʼo Paulo ʼi te tohi ʼaē ki te kau Hepeleo, ʼe mole fai he mahalohalo ki ai koteʼuhi ko ia ʼaē neʼe ina tohi. [si p. 229 §§ 2, 3]
9. Logope la tona tuʼu ia Hepeleo te ʼu fakamahino maʼuhiga ʼo ʼuhiga mo te ʼu moʼoni loloto ʼo te Tohi-Tapu, neʼe veliveli ia tona faka maʼuhiga ʼi te maʼuli ʼo te ʼu tēhina Sutea ʼi te ʼaho fuli. [si p. 230 § 9]
10. Ko te ʼuluaki tohi ʼo Tesalonika ʼe lagi ʼe kehekehe ʼi te ʼu tohi ʼaē, heʼe ko te ʼuluaki tohi ʼaia ʼa Paulo neʼe liliu ʼo kau ʼi te “canon” ʼo te Tohi-Tapu. [si p. 215 § 1]
Koutou tali ki te ʼu fehuʼi ʼaenī:
11. He koʼe ko te loto mānumānu ʼe fakatatau ki te tauhi tamapua (Kol. 3:5)? [Lau ʼo te Tohi-Tapu; vakaʼi te w 1/7/78 p. 21]
12. Ko ai koa “te tagata ʼaē ʼe manuki ki te lao”? (2 Tes. 2:3.) [Lau ʼo te Tohi-Tapu; vakaʼi te w 15/1/88 p. 12]
13. Ko ai ʼaē ʼe ʼuluaki kau ki te “misitelio tapu”? (1 Tim. 3:16.) [Lau ʼo te Tohi-Tapu; vakaʼi te w 1/9/88 p. 12]
14. Ko te ʼu kapite fea ʼaē e lua neʼe tohi ai e Paulo te lisi ʼo te ʼu aga ʼe tonu ke maʼu e te kau taupau? [Lau ʼo te Tohi-Tapu]
15. Koteā te ʼu “nahau ulo” ʼe fakafeagai ki tatatou tui (Ef. 6:16). [Lau ʼo te Tohi-Tapu; vakaʼi te w 15/11/90]
16. Koteā “te ikuʼaga” ʼaē neʼe faiga ki ai ia Paulo (Filp. 3:13, 14)? [Lau ʼo te Tohi-Tapu; vakaʼi te w 15/11/90]
17. Neʼe lave feafeaʼi ki te kau kilisitiano te afi lahi ʼi te taʼu 64 ʼo totatou temi ʼi Loma? [si p. 223 § 1]
18. Ko ai ʼaē neʼe ko te pule ʼo te kaugana ko Onesime ʼaē neʼe hola? [si p. 227 §§ 1, 2]
19. Neʼe feafeaʼi te logo ʼa te kau Filipe ki te logo lelei? [si p. 210 §§ 1, 2]
20. Koteā te meʼa ʼaē neʼe hoko ʼi te fua lelei ʼo te minisitelio ʼo Paulo ʼi Tesalonika? [si p. 215 §§ 3, 4]
21. Ko ʼanafea ʼaē neʼe tohi ai ia 2 Tesalonika? [si p. 218 § 4]
Koutou māpunuʼi te ʼu kiʼi lapalasi hina ʼaē ʼe tuku noa ʼi te ʼu kupuʼi palalau ʼaenī:
22. Neʼe fakaloto mālohiʼi e Paulo te kau Filipe ʼo ʼuhiga mo ․․․․․․․ ʼaē neʼe kovi tona mahaki. [Lau ʼo te Tohi-Tapu ʼo te vāhaʼa; vakaʼi te w 15/11/90]
23. Ko te ʼuluaki tohi kia Timoteo neʼe fai e Paulo ʼi te taʼu ․․․․․․․ . [si p. 220 § 2]
24. ʼI te mavae ʼa ․․․․․․․ mai te kau Senitile ʼaē ʼe tui ʼi Atiokia ʼuhi ko tana tuʼania ia te kau kilisitiano Sutea ʼo Selusalemi, neʼe fakatonutonuʼi ia ia e ․․․․․․․ . [Lau ʼo te Tohi-Tapu; vakaʼi te w 15/11/90]
25. Kapau ko te ․․․․․․․ ʼo he lea fakatā neʼe mole fai, ʼe feala pe ke mahino te puani ʼaia ki niʼihi, kae mole ko te hahaʼi fuli. [sg p. 168 § 10]
26. (Ko te faka ʼuhiga tafito; te ʼaveʼave ʼo te leʼo; te ʼalutahi) ʼe ko te fakatokagaʼi ʼo he ʼu kupu peʼe ko he ʼu manatu ʼe ʼalutahi mo tona ʼuhiga totonu; [sg p. 158 § 2]
Koutou fakaʼiloga te ʼu tali tonu ʼi te ʼu fakamatala ʼaenī:
27. Neʼe faitohi ia Paulo kia Tito ʼi te temi ʼaē neʼe nofo ai ʼi (Loma; Kolonito; Kelete). [si p. 225 § 1]
28. Ko te ʼatua fafine lahi ʼo Efese ko (Vénus; Artémis; Aphrodite). [si p. 208 § 5]
29. ʼI te temi ʼaē neʼe tohi ai e Paulo tana lua tohi ki te kau Kolonito, (ko te kokelekasio neʼe mole heʼeki ina maʼu tana ʼuluaki tohi; neʼe mole lahi he ʼu māhina ʼi te ʼuluaki pea mo te lua tohi; ʼi te hili ʼo te ʼu taʼu e tolu). [si p. 202 § 1]
30. Ia 2 Kolonito 3:18, neʼe talanoa ia ki te aga ʼa (Moisese; Sosue; Elia). [Lau ʼo te Tohi-Tapu; vakaʼi te w 15/9/90 p. 26]
31. Neʼe fakahāhā e Paulo te faʼifaʼitaki lelei ʼa te kau (Kolonito; Masetonia; Efese) koteʼuhi neʼe nātou foaki te ʼu meʼa ʼofa ʼo laka age ʼi te meʼa ʼaē ʼe nātou lavaʼi. [Lau ʼo te Tohi-Tapu; vakaʼi te w 15/9/90 p. 27]
Fakatahiʼi te ʼu kupuʼi palalau ʼaenī pea mo te ʼu vaega ʼe ʼalu tahi mo ia:
Sen. 1:3-28; 2 Ko. 6:7; 1 Tes. 5:8; 2 Tim. 1:7
32. Logope la tanatou tau mo te ʼu faigataʼaʼia mai te ʼu faʼahi fuli, ko Paulo pea mo tona ʼu kaugā gāue neʼe nātou maʼu tanatou mahafu ki te tau fakalaumālie. [Lau ʼo te Tohi-Tapu; vakaʼi te w 15/9/90 p. 24]
33. Ko te poto fakatagata moʼoni ʼe ʼalutahi mo te fakaʼaluʼalu ʼo te ʼu meʼa fuli ʼaē neʼe fakatupu [td 6A]
34. Ko te laumālie ʼofa ʼaē ʼe foaki e te ʼAtua ki tana kau minisi. [Lau ʼo te Tohi-Tapu; vakaʼi te w 15/1/91 p. 31]
35. Moʼo taupau maʼu e te kau kilisitiano tanatou agatonu, ʼe ʼaoga ke nātou kofuʼi te teu tau fakalaumālie. [Lau ʼo te Tohi-Tapu; vakaʼi te w 15/1/91 p. 22]