Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 3 ʼo Sanualio ki te vāhaʼa 18 ʼo ʼApelili 1994. Koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hāla” ʼi te ʼosi ʼo te ʼu kupuʼi palalau ʼaenī:

1. Neʼe fakaʼalikiʼi e Sichem ia Tina. (Sen. 34⁠:​1-3) [Lau ʼo te Tohi-Tapu; vakaʼi te w85 15/6 p. 31.]

2. Ko te fakamatala ia Senesi 38:8-10 ʼo ʼuhiga mo te maumauʼi ʼaē e Onan tana pulapula ʼe fakafeagai ki te fakaʼaogaʼi ʼo te ʼu meʼa ke ʼaua naʼa fanaunau. [Lau ʼo te Tohi-Tapu; vakaʼi te w73 p. 639, 640.]

3. Logope la te mole totonu ʼo te aga ʼa Suta ki te fafine ʼaē neʼe ina ʼui ko te fafine paomutu, neʼe mole ina maumauʼi ia he fakatuʼutuʼu tāfito ʼo te Lao ʼa te ʼAtua. (Sen. 38:11-18) [Lau ʼo te Tohi-Tapu; vakaʼi te w73 p. 576.]

4. Ko te kau Fakamoʼoni ʼa Sehova ʼe nātou tutuʼu fakalelei, peʼe nātou tulolo ia muʼa ʼo he hau ʼo fakaʼapaʼapa ki tona tuʼulaga mokā ʼe ko he agaʼi fenua. (Sen. 44:14) [Lau ʼo te Tohi-Tapu; vakaʼi te w74 p. 286.]

5. Ko te kau Faliseo pea mo te kau sekelipa neʼe nātou fakaʼaogaʼi te kupu faka Hepeleo ʽam haʼarèts, ʼaē ko te “hahaʼi ʼo te fenua [ʼo te kele],” moʼo hinoʼi ʼo te hahaʼi māhani, ʼaē neʼe nātou fakatatau ki te efu. [gt kap. 85]

6. Logope la te veliveli ʼo te ʼofa ʼo Sakopo kia Lea ia Lasele, ka neʼe mole ina gaohi koviʼi ia ia. (Sen. 29⁠:​31, 33) [Lau ʼo te Tohi-Tapu]

7. Ko te aga faka lotu ʼe ko he pipiki mo he loto ʼofa kia Sehova ʼaki tatatou fakafetaʼi kia te ia pea mo tona ʼu ala. [uw kap. 2 § 15]

8. Ko te fakamatala ʼo te Tohi-Tapu ia Luka 16:​19-31 ʼo te tagata maʼu koloā pea mo Lasalo ʼe ko he hisitolia moʼoni. [gt kap. 88]

9. ʼI te talanoa ʼa Sesu ki te “ ʼu koloā heʼe faitotonu” ia Luka 16:​9, neʼe palalau ia ki te koloā ʼe maʼu mai he aga ʼe mole totonu. [gt kap. 87]

10. Ia Luka 17:​34, 35, ko te kupu “toʼo” ʼe faka ʼuhiga ia ki te fakaʼauha. [gt kap. 93]

Koutou tali ki te ʼu fehuʼi ʼaenī:

11. He koʼe neʼe lotolelei ia Lasele ʼo tuku he faigamālie kia Lea ke fanaunau kae ina tali he ʼu mandragores, ohage ko tona fakahā ʼaē ia Senesi 30:14, 15? [Lau ʼo te Tohi-Tapu; vakaʼi te w68 p. 95.]

12. E feafeaʼi te fakahā mai ia Senesi 39:9 ko te akoʼi ʼo te ʼu fānau ki te Folafola ʼa te ʼAtua ʼe fua lelei anai ki tonatou maʼuli ki ʼamuli? [Lau ʼo te Tohi-Tapu; vakaʼi te w74 p. 12 §§ 17, 18.]

13. Koteā te faka ʼuhiga ʼo te ʼui ʼa Sesu ʼe tonu ke “fehiʼa” tana ʼu tisipulo ki tanatou ʼu mātuʼa? (Luka 14:26) [gt kap. 84]

14. Ko te temi fea pea ko ai ʼaē neʼe fai ki ai te ʼu palalau ʼa Sesu ia Soane 11:26 ʼo hā mai ai tona ʼuhiga totonu? [gt kap. 90]

15. He koʼe ko te fakatuʼuake ʼo Lasalo mai te mate ʼe ko he fakafeagai mālohi ki te kau Satuseo? [gt kap. 91]

16. E feafeaʼi tatatou mahino ki te tali ʼa Sesu ki te kau Faliseo ʼi tana ʼui ʼaē: “Ko te puleʼaga ʼo te ʼAtua ʼe ʼi te lotolotoiga ʼo koutou”? (Luka 17:21) [gt kap. 93]

17. Koteā te aga ʼa te kau Faliseo, ohage ko tona fakahā ia Luka 18:​11, 12, ʼe tonu ke ʼaua naʼa fai e te kau Kilisitiano? [gt kap. 94]

18. ʼI tona ʼuhiga ʼaē ko Sesu neʼe ko te tagata haohaoa neʼe mole agahala, he koʼe neʼe mole ina tali ke fakahigoaʼi ia ia e te pule tūpulaga maʼu koloā ko te tagata “agalelei”? (Maleko 10:​17, 18) [gt kap. 96]

19. Koteā he ʼu faʼahi tāfito e lua ʼe faka fealagia ai te logo tahi faka Kilisitiano? [uw kap. 1 § 8]

20. Kapau ʼe ʼui atu e he tahi ʼe tui ia ki te Tahitolu, he koʼe ia ʼe ko he aga fakapotopoto takotou fakaafe ia ia ke ina fakahā atu tana manatu ʼo ʼuhiga mo te faʼahi ʼaia ia muʼa ʼo te fakatonutonuʼi ʼo te Tahitolu? [uw kap. 2 § 10]

Koutou māpunuʼi te ʼu kiʼi lapalasi hina ʼaē ʼe tukunoa ʼi te ʼu kupuʼi palalau ʼaenī:

21. Ko te mate ʼo Sesu neʼe faka fealagia ai ki te hahaʼi ke nātou maʼu te ․․․․․․․ . (Luka 23⁠:43) [td 42A]

22. Logope la neʼe fakaʼaogaʼi te toko ․․․․․․․ “sikalaipe” tagata moʼo tohi ʼo te Tohi-Tapu, kae ko te tohi ia ʼa ․․․․․․․ tokotahi pe. [uw kap. 3 § 2]

23. Ko te loto faʼitaliha ʼe haʼu mai ia ․․․․․․․ . [uw kap. 1 § 10]

Koutou fakaʼiloga te ʼu tali tonu ʼi te ʼu fakamatala ʼaenī:

24. Ko te ʼu tisipulo ʼe ko te masima ʼo te kele koia ʼe (feala ai ke nātou kātakiʼi te fakataga; ke nātou palalau ʼaki te agamālū; ke ia nātou te mālohi moʼo hāofaki ʼo te hahaʼi). [gt kap. 84]

25. Ko te vaega ʼo Soane 1:1 ʼe talanoa ki te toko (tahi; lua; tolu). [uw kap. 2 § 11 (3)]

26. ʼO ʼalutahi mo Pesalemo 9:​10, ko te ʼiloʼi ʼo te huafa ʼo te ʼAtua ʼe faka ʼuhiga (pe ki te ʼiloʼi ʼo te huafa ʼo Sehova; ki he maʼu ʼo he faʼahiga mālama ki tana ʼu fakatuʼutuʼu; ki te fakaʼapaʼapa ki tana pule pea mo te fakalogo ki tana ʼu fakatotonu). [uw kap. 2 § 14]

27. Ko Lasalo, Maleta, pea mo Malia neʼe nonofo ʼi (Selusalemi; Petelehemi; Petania). [gt kap. 89]

28. Ia Senesi 1:1 pea mo 1:​26, ko te kupu faka Hepeleo ʼaē neʼe fakaliliu ko te “ ʼAtua” ko (Adhonai; Elohim; Shaddai). [uw kap. 2 § 11 (4)]

Fakatahiʼi te ʼu kupuʼi palalau ʼaenī pea mo te ʼu vaega ʼe ʼalutahi mo ia:

29. Ko te ʼu tagata kumi meʼa ʼāfea neʼe nātou maʼu te ʼu maka ʼe fakamoʼoni ai te agaʼi fenua ʼaē ʼe maʼu e te ʼu hahaʼi kaugana te tofiʼa ʼo te ʼu taumatuʼa ʼaē ʼe mole maʼu fānau. [Lau ʼo te Tohi-Tapu; vakaʼi te w81 1/1 p. 7.]

30. ʼE fakahā mai e te fakamatala ʼaenī pe neʼe feafeaʼi te fakagata e Sehova ʼo tana felogoi mo Iselaele koteʼuhi neʼe līaki e Iselaele ia Sesu Kilisito, te hāko totonu ʼo Apalahamo. [Lau ʼo te Tohi-Tapu; vakaʼi te w89 1/7 p. 21 § 16]

31. Ko te fuakava ʼaenī ʼe fakahoko e te tokotahi. [Lau ʼo te Tohi-Tapu; vakaʼi te w89 1/2 p. 11 §§ 8, 9]

32. Ko totatou maʼuli katoa ʼe tonu ke hā ai ko ʼatatou manatu pea mo te ʼu meʼa ʼe tou loto ki ai ʼe ʼekenaki mālohi e te ʼAtua. [uw kap. 1 § 11]

33. Ko te ʼohoana ʼe ko he fakatuʼutuʼu taputapu ia ʼa te ʼAtua. [Lau ʼo te Tohi-Tapu]