Te ʼu Tonu

◼ Te ʼu tohi ʼaē ʼe fakahā ʼi Novepeli: Ko te Tohi-Tapu Les Saintes Écritures Traduction du monde nouveau mo te tohi E Feala Keke Mauli O Heegata Ite Palatiso Ite Kele? ki te foʼi 1 000. Tesepeli: Te Tagata ʼAē ʼe Lahi Tokotahi ʼo Te ʼu Temi Fuli ki te 400. Sanualio pea mo Fepualio: Ko te tohi E Feala Keke Mauli O Heegata Ite Palatiso Ite Kele ki te 400. Ko te tufa ʼo te tohi ʼaenī ʼe tonu ke hoko ʼaki ai he ʼu ʼaʼahi, pea ʼe tonu ke fai he ʼu faiga moʼo kamata ʼo he ʼu ako faka Tohi-Tapu. FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼe tonu ke nātou fakaʼui te ʼu tohi ʼaia ʼi tanatou Pepa Fakaʼui Tohi (S-14) ʼo te māhina ka hoa mai.

◼ ʼO kamata ʼi te ʼaho 1 ʼo Sanualio 1995, ʼe puke anai e te Sosiete te ʼu fime ʼo Te Tule Leʼo ʼi te lea faka Sepania. Ko te ʼu apone ki te ʼu fime ʼaia ʼe tonu ke fai ʼi te kokelekasio.