Te ʼu Tonu
◼ Te ʼu tohi ʼaē ʼe fakahā ʼi Sanualio pea mo Fepualio: E Feala Keke Mauli O Heegata Ite Palatiso Ite Kele ki te 400. Ko te tufa ʼo te tohi ʼaenī ʼe tonu ke hoko ʼaki he ʼu ʼaʼahi, pea ʼe tonu ke tou faigaʼi ke tou kamata he ʼu ako faka Tohi-Tapu. Malesio: La Révélation: le grand dénouement est proche! ki te 400. ʼApelili pea mo Maio: Apone ki Te Tule Leʼo pea mo te Réveillez-vous! ki te falā 1 000 te apone e tahi. FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼe tonu ke nātou fakaʼui te ʼu tohi ʼaia ʼi tanatou Pepa Fakaʼui Tohi (S-14) ʼo te māhina ka hoa mai.
◼ ʼE tonu anai ke fai e te ʼu kokelekasio he ʼu fakatuʼutuʼu ʼaoga ʼo ʼuhiga mo te ʼAho Fakamanatu ʼo te taʼu ʼaenī, ʼaē ʼe fai anai ʼi te Feliaono ʼaho 14 ʼo ʼApelili ʼi te ʼosi tō ʼo te laʼā. Logope la ko he meʼa lelei ki te kokelekasio takitahi hanatou tahi teuteuʼi te ʼAho Fakamanatu, e lagi mole feala ke hoko tuʼumaʼu te potu ʼaia. ʼI te faʼahi ʼaē ʼe lahi ai te ʼu kokelekasio, ʼi te agamāhani ʼe nātou fakatahi ʼi te Fale ʼo te Puleʼaga pe e tahi, e lagi feala ki he kokelekasio e tahi peʼe lahi ke nātou fakaʼaogaʼi he tahi age faʼahi ʼi te afiafi ʼaia. Ko te ʼAho Fakamanatu ʼe mole tonu anai ke kamata tauhala naʼa mole leleiʼia e te hahaʼi ʼaē ʼe foʼofoʼou mai. Tahi ʼaē meʼa, ʼe mole tonu anai ke nounou fau te temi ʼi muʼa pea mo te ʼosi ʼo te toʼotoʼoga ʼo mole feala ai he fakamālo kia nātou ʼaē neʼe hoki ʼōmai, mo foaki ʼo he tokoni fakalaumālie ki niʼihi, peʼe ko te fefakaloto mālohiʼaki. ʼI te ʼosi ʼo te fakatokagaʼi fakalelei ʼo te ʼu meʼa fuli, ʼe tonu anai ke fai e te ʼu tagata ʼāfea he puleʼaki ʼo ʼuhiga mo he fakatuʼutuʼu ʼaē ʼe lelei age moʼo tokoni kia nātou fuli ʼaē ʼe ʼōmai ki te ʼAho Fakamanatu ke fua lelei katoa te fakatuʼutuʼu ʼaia kia nātou.
◼ ʼI te ʼAhotapu, ʼaho 23 ʼo ʼApelili 1995 ʼe fai anai te akonaki makehe ʼi te ʼu kokelekasio fuli. Ko te kupu tāfito ʼo te akonaki “Ko Te Fakaʼauha ʼo Te Lotu Loi Kua Ōvi Mai.” Tou tokakaga ʼo fakaafe ia nātou fuli ʼaē neʼe ʼōmai ki te ʼAho Fakamanatu ʼi te taʼu ʼaenī. ʼE tou fai anai he faiga makehe moʼo tokoni ki te lauʼi miliona hahaʼi ʼaē ʼe nātou ako te Tohi-Tapu. ʼE fakahā anai te tokoni ʼi he ʼaho ʼi te hili ʼo te fono ʼaia, moʼo uga ʼo te hahaʼi ʼaia pea mo ʼotatou ʼu tēhina fuli ke nātou kau ki te tufa ʼo te kiʼi pepa lotu makehe. ʼI te temi pe ʼaia, ʼe foaki anai he ʼu tokoni ʼo ʼuhiga mo te ʼu faigataʼaʼia ʼe feala ke tau mo tatou takitokotahi pea mo te meʼa ʼe ʼaoga ke tou fai ke ʼalutahi tatatou gāue mo te Folafola ʼa te ʼAtua.
◼ ʼO kamata ʼi Fepualio, pea ʼo faka tuʼakoi ki te ʼaho 5 ʼo Malesio, ʼe fai anai te akonaki foʼou e te ʼu tagata taupau faka silikosikilipisio, ko tona kupu tāfito “Ko Te Akonaki Fakaʼatua ʼe Mālo ʼi Te Kele Katoa.” ʼE fai anai te faʼahi ʼaia ʼaki te ʼu diapositives ʼe fakahāhā ai te ʼu puani maʼuhiga ʼo te ʼu fakatahi makehe faka malamanei ko tona kupu tāfito “Akonaki Fakaʼatua” ʼaē neʼe fai ʼi te ʼu taʼu gāue 1993 pea mo te 1994. ʼI te ʼu koga meʼa ʼaē ʼe tuai ai tanatou maʼu te ʼu diapositives, ʼe fai anai e te ʼu tagata taupau faka silikosikilipisio te akonaki ko tona kupu tāfito “Tou Falala Ki Te ʼAtua ʼo Te ʼu Fakafimālie” ʼo nātou talitali ki te temi ʼaē ʼe nātou maʼu ai te ʼu diapositives. ʼI te ʼosi fai ʼo te akonaki mo te ʼu diapositives ʼi te ʼu kokelekasio fuli, ʼe fai anai e te ʼu tagata taupau faka silikosikilipisio te akonaki “Tou Falala Ki Te ʼAtua ʼo Te ʼu Fakafimālie” ʼo aʼu ki te akonaki ʼaē ʼe fakatuʼutuʼu ki te taʼu 1996.
◼ ʼI te vāhaʼa ʼe kamata ʼi te ʼaho 9 ʼo Sanualio, ʼe feala anai ke foaki ki te hahaʼi fai faka mafola fuli ʼaē kua ʼosi papitema, hanatou pepa Instructions médicales — Pas de sang pea mo he Kate maʼa tanatou fānau.
◼ Ko te ʼu pepa e lua moʼo faka felogoi mo te lopitali mokā ʼe hoko mai he meʼa fakapuna’maʼuli, neʼe hā ʼi Te Minisitelio ʼo te Puleʼaga ʼo Novepeli 1990 pea mo Sepetepeli 1992, ʼe tonu anai ke foaki kia nātou fuli ʼaē neʼe hoki papitema. Ko he pepa ʼi te ʼu pepa ʼaia ʼe foaki mai anai e te Sosiete. ʼE mulimuli anai te ʼu tagata ʼāfea ki te fakatotonu ʼaia.