Te ʼu Tonu
◼ Te ʼu tohi ʼe fakahā ʼi ʼOketopeli pea mo Novepeli: Ko te apone ki te Réveillez-vous! peʼe ko Te Tule Leʼo ki te 1 000 (ʼi te taʼu) peʼe ko te 500 (ʼi te ʼu māhina e ono). ʼE ʼaoga ke tou fai he faiga makehe ke tou tuku he ʼu nusipepa pea mo fai he ʼu apone. Tesepeli pea mo Sanualio: Ko te kaupepa Te Kau Fakamoʼoni ʼa Sehova—Logo Tahi Moʼo Fai ʼo Te Finegalo ʼo Te ʼAtua ʼi Te Malamanei peʼe ko he kaupepa ʼi te ʼu kaupepa ʼe pasina 32 ʼi te lea fakaʼuvea ki te 50.
◼ Ko te pepa ʼe pipiki tahi mo Te Minisitelio ʼo Te Puleʼaga ʼo te māhina ʼaenī, ko te “Polokalama ʼo Te Minisitelio Faka Teokalatike Ki Te Taʼu 1996” pea ʼe tonu ke fakaʼaogaʼi lolotoga te taʼu 1996.
◼ ʼE tonu ke kamata fakaʼui e te ʼu kokelekasio te kiʼi kaupepa ʼaē Tou Vakaʼi Te Tohi-Tapu ʼi Te ʼAho Fuli—1996 ʼi tanatou ʼu pepa fakaʼui tohi ʼo ʼOketopeli. Ko te ʼu kiʼi kaupepa ʼaia ʼe maʼu anai ʼi te ʼu lea faka Pisilama, Fakapilitānia, Fakafalani, Fakaʼuvea. ʼO aʼu ki tatatou maʼu te ʼu kiʼi kaupepa ʼaia pea mo tona fakamomoli mai, ʼe tohi anai “Fakatalitali” ʼi te ʼu lisi ʼo te kokelekasio. Ko te kiʼi kaupepa ʼaē Tou Vakaʼi Te Tohi-Tapu ʼe kau ki he fakaʼui makehe.
◼ ʼI te Réveillez-vous! ʼo te ʼaho 8 ʼo Novepeli ʼe tuʼu ai anai te ʼu alatike ʼo ʼuhiga mo te magaʼi lotu ʼaē ko te Mormon. Ko te ʼu alatike ʼaia ʼe mole ko he fakafeagai ki te tui ʼa te kau Mormons kae ʼe ko he ʼu fakamatala ʼo ʼuhiga mo he ʼu meʼa ʼe tui kiai te kau Mormons ʼo fakatatau mo te manatu ʼa te Tohi-Tapu. Ko te ʼu alatike ʼaia neʼe fai kiai te ʼu kumi fakalelei pea neʼe vakavakaʼi fakalelei mai te kau Mormons. ʼE mātou faka tui ko te sivi ʼaenī ʼo te hisitolia pea mo te akonaki ʼo te kau Mormons ʼe tokoni anai ki te ʼu hahaʼi fakamalotoloto ke nātou vakaʼi peʼe ʼifea te mālama ʼo te moʼoni.
◼ Te ʼu tohi foʼou kua maʼu ʼi te temi nei:
Les Témoins de Jéhovah et lʼinstruction—Fakapilitānia, Fakafalani
Te ʼAtamai Mālama ʼAē ʼe Ina Taki Ki Te Maʼuli Heʼegata—ʼi te lea Faka Pisilama, Faka Siaina, Fakapilitānia, Fakafalani, Faka Saponia, Fakaʼuvea, Faka Vitename
Te Kau Fakamoʼoni ʼa Sehova—Logo Tahi Moʼo Fai ʼo Te Finegalo ʼo Te ʼAtua ʼi Te Malamanei—ʼi te lea Fakaʼuvea
◼ Te ʼu fime viteo foʼou kua maʼu ʼi te temi nei:
La société du monde nouveau en action (Ko he toe fakafoʼou ʼo te foʼi fime faka hisitolia ʼo te taʼu 1954 ʼaē ʼe toe tatau pe tona kupu tāfito)—ʼi te lea Fakapilitānia