Te ʼu Tonu

◼ Te ʼu tohi ʼaē ʼe tufa ʼi Fepualio: Te tohi Te Tagata ʼAē ʼe Lahi Tokotahi ʼo Te ʼu Temi fuli ki te falā 400. Malesio: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te falā 150. ʼApelili mo Maio: Apone ki Te Tule Leʼo peʼe ko te Réveillez-vous! peʼe ko te ʼu nusipepa lualua. Ki te ʼu telituale ʼaē ʼe fai tuʼumaʼu, ʼe toe feala pe foki te fakaʼaogaʼi he kaupepa (gata pe ki te kaupepa Lʼinstruction peʼe ko te kaupepa L’école). FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼaē ka tou tufa ʼi te fai faka mafola, ʼe tonu ke nātou fakaʼui ʼi tanatou Pepa Fakaʼui Tohi (S-14) ʼo te māhina ka hoa mai.

◼ Ko te sikalaipe pea mo te tagata taupau ki te gāue ʼe tonu anai ke nā toe vakaʼi te gāue ʼa te ʼu pionie katoa fuli. Kapau ʼe nātou faigataʼa ʼo ʼuhiga mo tanatou ʼu hola, ʼe tonu anai ke foaki e te ʼu tagata ʼāfea he tokoni. Toe vakaʼi te ʼu puani ʼi te ʼu palakalafe 12-20 ʼo te pepa ʼaē ʼe ʼalutahi mo Te Minisitelio ʼo Te Puleʼaga (fakafalani) ʼo ʼAukusito 1986.

◼ Ko te ʼAho Fakamanatu ʼe fai anai ʼi te Feliatolu, ʼaho 2 ʼo ʼApelili 1996. Logope la te kamata fakatomuʼa ʼo te akonaki, koutou manatuʼi ko te feʼāveʼaki ʼo te pane pea mo te vino ʼi te ʼAho Fakamanatu ʼe tonu anai ke kamata mokā ʼosi tō te laʼā. Koutou fakatokagaʼi te hola ʼaē ʼe tō ai te laʼā ʼi tokotou kolo. ʼE mole fai anai he fono ʼi te ʼaho ʼaia, gata pe ki te fai faka mafola. Kapau ʼe fono māhani tokotou kokelekasio ʼi te Feliatolu, ʼe feala ke koutou holo atu ki he tahi ʼaho ʼo te vāhaʼa mo kapau ʼe ava te Fale ʼo te Puleʼaga.

◼ Ko te kau kaugā fai faka mafola ʼaē ʼe nātou loto ke nātou pionie vaeluaʼi temi ʼi Malesio, ʼApelili pea mo Maio ʼe tonu anai ke nātou fai hanatou ʼu fakatuʼutuʼu ʼi te temi nei pea ke nātou foimo fai tanatou pepa pionie. Ko te faʼahi ʼaia ʼe tokoni anai ki te ʼu tagata ʼāfea ke nātou fai he ʼu fakatuʼutuʼu ʼo ʼuhiga mo te gāue fai faka mafola pea ke feʼauga te ʼu nusipepa pea mo te tahi ʼu tohi.