Te ʼu Tonu

◼ Te ʼu tohi ʼaē ʼe tufa ʼi ʼApelili pea mo Maio: Ko te apone ki Te Tule Leʼo pea mo te Réveillez-vous! ki te 1 000 te apone e tahi. Ki te ʼu telituale ʼaē ʼe fai tuʼumaʼu, ʼe toe feala pe foki ke fakaʼaogaʼi he kaupepa. Sūnio: Ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Sūlio pea mo ʼAukusito: Ko he kaupepa lahi ʼi te ʼu kaupepa ʼaē ʼe pasina 32 ki te 50: ʼE tokaga moʼoni koa te ʼAtua kia tatou?, Fiafia Kite Mauli Heegata Ite Kele!, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—ʼE feala koa hanatou tokoniʼi koutou peʼe nātou fakahalaʼi koutou?

◼ Mai tona ʼuhiga ʼaē ʼe tuputupu te gāue ʼa te kaugā fai faka mafola ʼi ʼApelili, koia ʼi te ʼu kokelekasio ʼaē ʼe ʼaoga kiai, ʼe tonu ke fai e te ʼu tagata ʼāfea he ʼu fakatuʼutuʼu ʼo ʼuhiga mo te fai faka mafola ʼi te ʼu afiafi.

◼ Ko te fetogi neʼe fai ʼo ʼuhiga mo te ʼu kate ʼaē ʼe tohi ai te higoa ʼo he tahi ʼe pionie. Koia, ʼe foaki anai e te Sosiete te ʼu kate ʼa te ʼu pionie ʼaē kua fetogi tonatou telituale, ʼaē kua fetogi ʼonatou higoa faka famili, ʼaē kua puli tanatou kate, peʼe neʼe nātou kole ke fetogi tanatou gāue ʼaē neʼe hinoʼi e te Sosiete. Ko te ʼu kate ʼaia ʼe feala ke maʼu e te sikalaipe. Ko te ʼu higoa faka famili ʼaē kua fetogi pea mo te telituale foʼou ʼaē kua hinoʼi kiai te ʼu pionie ʼaia, ohage ko te agamāhani, ʼe tohi anai e te sikalaipe ʼi tuʼa ʼo te pepa (S-1) ʼo te kokelekasio ʼi te māhina. Ki muli age, ʼe foaki anai e te Sosiete ki te kokelekasio te ʼu kate foʼou ʼo te kau pionie. Ko te ʼu meʼa ʼaia ʼe maʼu fakatahi mai mo te tohi ʼaē ʼe foaki mai e te Sosiete ʼo ʼuhiga mo te falā. ʼO ʼuhiga mo te ʼu fetogi, ʼe tonu anai ke foimo ʼave ki te Sosiete ke totonu te ʼu meʼa ʼaē ʼe tou taupau ʼi tatatou ʼu tosie pea mo ʼalutahi mo te ʼu fetogi ʼaē kua fai. Tahi foki, kapau kua tuku e he tahi tana gāue pionie, peʼe kua fakagata tana gāue pionie, ʼe tonu ke fai te pepa S-206 pea ke foimo ʼave ki te Sosiete.

◼ Ko te ʼu meʼa ʼaē ʼe koutou fia ʼiloʼi ʼo ʼuhiga mo te ʼu ʼaho pea mo te ʼu koga meʼa ʼaē ʼe fai ai te ʼu fakatahi faka tisitilike ʼi te tahi ʼu fenua, ʼe tonu ke koutou fakalavelave ki te filiale. Ko te ʼu tuʼasila ʼo te ʼu filiale ʼi te malamanei katoa ʼe feala ke koutou maʼu ʼi te pasina fakaʼosi ʼo te Annuaire.