Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 6 ʼo Sanualio ki te vāhaʼa 21 ʼo ʼApelili 1997. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” moʼo tali ki te ʼu palalau ʼaē ʼe hoa mai:
1. Ko te fakatuʼutuʼu ʼo te Ako ʼo Te Minisitelio ʼo Te Puleʼaga ʼe ko te teuteuʼi ʼo nātou tagata ki tonatou ʼuhiga minisi. [jv p. 231 § 3]
2. Ko te fakatuʼutuʼu ʼaē ʼe tou fai ʼo ʼuhiga mo te ʼu foʼi huki toto ʼe fakatafito ki te poto lahi ʼo te kau tōketā. [jv p. 186 § 2]
3. Kua mahino ki te kau Fakamoʼoni ʼa Sehova ʼe mole takitaki tanatou kautahi e te ʼu tagata, kae ʼe ko te kautahi ʼa te ʼAtua pea ʼe takitaki e te ʼAlo totonu ʼo te ʼAtua, ko Sesu. [jv p. 235 § 5]
4. Ia Pesalemo 49:15 ʼe ko te fakahā ʼaia ʼo te tui ki te ʼamanaki ʼo te fakatuʼuake. [Lau te Tohi-Tapu; vakaʼi te w89 1/3 p. 22 § 13]
5. ʼO mulimuli ki te Pesalemo 58:4, ko te gata ʼe mole feala ke logo ki he meʼa. [Lau te Tohi-Tapu]
6. Neʼe fakamalotoloto te Hau ko Akasi ʼi te tauhi moʼoni, koia neʼe mole faigataʼa ai te tauhi ʼo tona foha ko Esekiasi kia Sehova. [pepa ʼe ʼalutahi mo te Te Minisitelio ʼo Te Puleʼaga ʼo ʼApelili]
Koutou tali ki te ʼu fehuʼi ʼaenī:
7. Koteā te faka ʼuhiga ʼo te talanoa ʼa Te Tule Leʼo ʼo te ʼaho 1 ʼo ʼAukusito 1938, ʼo ʼuhiga mo “Te Sosiete”? [jv p. 219 § 2]
8. He koʼe neʼe fakafisi te kau Fakamoʼoni ʼa Sehova ʼi Siamani ki te ʼui ʼaē: “Heil Hitler”? [jv p. 196 § 1]
9. Neʼe feafeaʼi te fakaloto mālohiʼi e Paulo, mo Timoteo, pea mo Tito te ʼu kokelekasio ʼaē neʼe nātou gāue ai, ʼo nātou tuku ai he faʼifaʼitaki ki te ʼu tagata taupau feʼoloʼaki ia ʼaho nei? [jv p. 222 § 1]
10. Ko te ʼu faʼahi fea ʼaē ʼe fua lelei ai te sakilifisio ʼa Sesu ki te hahaʼi ʼo te temi ʼaenī? [kl pp. 68 ki te 69 §§ 17-19] 11. Koteā te meʼa ʼaē neʼe tui kiai te kau Ako ʼo te Tohi-Tapu ʼaki te fakaliliu ʼo Loma 13:1 ʼi te Tohi-Tapu King James Version, ʼo tupu ai tanatou mole taupau tuʼumaʼu ʼi te 1918 te manatu ʼaē ʼe mole tonu ke nātou kau ki te ʼu tau? [jv p. 191 § 3, 4]
12. ʼI muʼa ʼo te sinie ʼo te Traité de Versailles ʼi Sūnio ʼo te taʼu 1919, koteā te meʼa ʼaē neʼe fakahā e te Fono Faka Puleʼaga ʼo te ʼu ’Ēkelesia ʼo Kilisito ʼi Amelika? [jv p. 192 § 3]
13. Neʼe feafeaʼi te mafola ʼo te agahala ki te tagata fuli? [kl p. 58 § 13]
14. He koʼe neʼe fakagata te ʼu kalasi ʼaē neʼe fai maʼa te ʼu fānau ʼi te kokelekasio ʼi te taʼu 1938? [jv p. 246 § 2]
15. Koteā te meʼa fakaloto mālohi ʼaē ʼe tou maʼu ia Pesalemo 27:10? [Lau te Tohi-Tapu; vakaʼi te w92 15/3 p. 22 § 17]
16. Koutou fakahā he ʼu meʼa e lua ʼe hā lelei ai te tupuʼaga ʼo te fakagafua e te ʼAtua te agakovi. [15, kl pp. 77 ki te 78 §§ 18 ki te 20]
17. He koʼe koa neʼe feala ke ʼui e Tavite kia Sehova ia Pesalemo 51:4, “Kia koe, kia koe tokotahi, kua ʼau agahala,” ʼi te temi ʼaē neʼe ina ʼiloʼi ai ko tana ʼu agahala neʼe ko he ʼu meʼa fakatupu mamahi ki tona ʼu kaugā tagata? [Lau ʼo te Tohi-Tapu; vakaʼi te w93 15/3 p. 11 § 13]
18. ʼO mulimuli ki te meʼa ʼe tuʼu ia Pesalemo 58:3-5, e feafeaʼi te tatau ʼo te kau agakovi mo he gata? [Lau te Tohi-Tapu; vakaʼi te w86 15/10 p. 30]
Koutou tohi te ʼu kupu ʼaē ʼe ʼaoga moʼo fakakatoa ʼo te ʼu kupuʼi palalau ʼaenī:
19. Ko te mate ʼo Sesu Kilisito ʼe fakamanatu ʼi te taʼu fuli ʼi te ʼaho ․․․․․․․․ , kae neʼe hoki fakaafe te toe hahaʼi tokolahi ʼi te taʼu ․․․․․․․․ , ke nātou ʼolo ki te ʼAho Fakamanatu. [jv p. 242 § 2, p. 243 § 2]
20. Ko te “laumālie” ʼaē ʼe mavae ʼi te hahaʼi ʼi tanatou mamate, ʼe ko te ․․․․․․․․ ʼaē ʼe haʼu mai totatou Tupuʼaga. (Pes. 146:4) [kl p. 81 §§ 5-6]
21. ʼO mulimuli kia Pesalemo 26:4, 5, ʼe tonu ke tekeʼi e te kau Kilisitiano ․․․․․․․․ . [Lau te Tohi-Tapu; vakaʼi te w71 15/12 p. 752 § 14]
22. Ko te “laumālie” ʼaē ʼe tuʼu ia Pesalemo 31:5 ʼe faka ʼuhiga ki ․․․․․․․․ . [Lau te Tohi-Tapu; vakaʼi te ad p. 491 § 9]
23. Neʼe faka ʼuhiga e te ʼu tisipulo ʼa Sesu te Pesalemo 69:9 kia Sesu ʼi tana ․․․․․․․․ . [Lau te Tohi-Tapu; vakaʼi te w79 15/10 p. 9 § 3]
24. Ia Pesalemo 48:2 ʼe talanoa fakakikite ʼo ʼuhiga mo te Puleʼaga ʼo te ʼAtua ʼe ko he meʼa ʼe ․․․․․․․․ . [Lau te Tohi-Tapu; vakaʼi te w80 15/1 p. 14 § 11.]
Koutou fakaʼiloga te ʼu tali ʼaē ʼe totonu:
25. ʼI te taʼu (1879; 1886; 1895) neʼe fai te fakatuʼutuʼu maʼuhiga ʼi te kokelekasio ʼo mulimuli ki te faʼifaʼitaki faka apositolika, ʼi te temi ʼaē neʼe faitohi ai te Tēhina ko Russell ʼo ina fakahā ʼe ʼaoga ke fili (he ʼu pionie; he ʼu tagata ʼāfea; he ʼu tagata faifekau ʼi te temi mālōlō) ʼi te ʼu kūtuga fuli (ʼi te kokelekasio) ke nātou tokakaga ki te faga ōvi. [jv p. 206 § 2.]
26. ʼI te ʼaho 23 ʼo ʼApelili 1900, neʼe fakatuʼu te ʼuluaki filiale ʼo te Sosiete Watch Tower ʼi (Ositalalia; Pilitania; Siamani). [jv p. 210 § 2]
27. ʼE mahino ia, ko te ʼu “ ʼatua” ʼaē neʼe talanoa kiai ia Pesalemo 82 ʼe ko (Satana pea mo te kau temonio; te ʼu ʼatua pagani ʼo te ʼu puleʼaga; te ʼu tagata ʼaē neʼe fai fakamāu ʼi Iselaele). [Lau te Tohi-Tapu; vakaʼi te w86 15/12 p. 28.]
28. Ia Pesalemo 63:3, neʼe ʼui e Tavite ko te felogoi lelei mo Sehova neʼe (ko te meʼa lelei ʼaē ʼe hoa ki te maʼuli; ko he meʼa ʼe lelei ohage ko te maʼuli; maʼuhiga ʼaupito age ia ʼi te maʼuli.) [Lau te Tohi-Tapu; vakaʼi te w85 1/4 p. 4.]
29. Neʼe liliu ia Sesu ko te Mesia ʼi tona (tupu; papitema; fakatuʼuake), ʼaē neʼe hoko ʼi te taʼu (2 ʼi muʼa ʼo totatou temi; 29 ʼo totatou temi; 33 ʼo totatou temi). [kl p. 65 § 12.]
Fakatahiʼi te ʼu vaega faka Tohi-Tapu ʼaē ʼe ʼalutahi mo te ʼu kupuʼi palalau ʼaenī:
Hepeleo 10:23-25; Pesalemo 24:1; Sake 1:13; Sosue 7:24, 25; 1 Soane 5:19; 1 Timoteo 3:2, 3, 8
30. Ko tatatou ʼiloʼi ʼaē ko te tagata pea mo te kele neʼe fakatupu e te ʼAtua pea ko meʼa fuli ʼe ʼa Sehova, ʼe tonu ke tokoni kia tatou ke tou agavaivai pea mo tou fakalogo. [Lau te Tohi-Tapu]
31. ʼE mole ko te ʼAtua ʼaē ʼe ina fakatupu te ʼu faigataʼaʼia lahi ʼaē ʼe fakatupu mamahi ki te malamanei. [kl p. 71 § 3.]
32. Tatau aipe peʼe faigataʼa te ʼu ʼaluʼaga ʼaē ʼe tau mo nātou, ʼe faiga te kau Fakamoʼoni ʼa Sehova ke nātou kau tuʼumaʼu ki tanatou ʼu fono. [jv p. 236 § 1]
33. Ko he tēhina ʼe ina fakaʼaogaʼi fakavalevale te kava, ʼe mole feala ke ina maʼu he ʼu pilivilesio ʼi te kokelekasio. [jv p. 182 § 3.]
34. Ko te talagataʼa kia Sehova pea mo te faʼifaʼitaliha ʼi te fai ʼo te ʼu agakovi ʼe feala ke ina ʼaumai te ʼu fua kovi ʼe lahi ʼaupito. [pepa ʼe ʼalutahi mo Te Minisitelio ʼo Te Puleʼaga ʼo Malesio]
35. ʼE maʼu e te kau Kilisitiano te ʼu tupuʼaga lelei ke nātou maliu mai te malamanei. [kl p. 60 § 18.]