Te ʼu Tonu

◼ Ko te tufa ʼo Sepetepeli: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼOketopeli: Ko te ʼu nusipepa Te Tule Leʼo pea mo te Réveillez-vous! ki te 50 takitahi. Kapau ʼe fia fai kiai te hahaʼi, pea ʼe feala ke fai hanatou apone, ki te foʼi 1 000 ki te taʼu katoa peʼe 500 kia māhina e ono. Novepeli: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Tesepeli: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150 pea mo te Tohi-Tapu Traduction du monde nouveau ki te 600.

◼ Ko te tagata taupau pelesita peʼe ko he tahi neʼe ina hinoʼi, ʼe tonu anai ke ina lau te falā ʼo te kokelekasio ʼi te ʼaho 1 ʼo Sepetepeli peʼe ina fai fakavilivili ʼi te hili ʼo te ʼaho ʼaia. ʼE fakahā anai ki te kokelekasio mokā ʼosi fai te faʼahi ʼaia.

◼ ʼE fakamanatuʼi ki te kau tagata ʼāfea ke nātou mulimuli ki te ʼu tokoni ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo ʼApelili 1991, pasina 21 ki te 23, ʼo ʼuhiga mo he tahi neʼe fakamavae pe neʼe mavae ʼi tona loto tokotahi, pea kua lagi ina fakahā ʼe toe fia liliu mai ki te kokelekasio.

◼ Ko nātou ʼaē ʼe kau ki he kokelekasio, ʼe tonu ke nātou fai ʼi tonatou kokelekasio te ʼu apone foʼou peʼe ko te fakafoʼou ʼo te ʼu apone ki Te Tule Leʼo pea mo te Réveillez-vous!, ʼo kau ai mo tanatou ʼu apone totonu.

◼ ʼE mole ko te Sosiete ʼaē ka ina tohi te ʼu pepa ʼaē ʼe fakaʼui ai te ʼu tohi ʼaē ʼe ʼaoga ki te ʼu tēhina mo tuagaʼane. ʼE tonu ke fakatuʼutuʼu e te tagata taupau pelesita ke fakahā ʼi te māhina fuli, ʼi muʼa ʼo te momoli ʼo te pepa fakaʼui tohi ʼa te kokelekasio ki te Sosiete, ke feala ai kia nātou ʼaē ʼe fia fakaʼui hanatou ʼu tohi ke nātou ʼolo ki te tēhina ʼaē ʼe gāue ʼi te ʼu tohi. Koutou manatuʼi te ʼu tohi ʼaē tonu ke kehe age tanatou fakaʼui.