Te ʼu Tonu
◼ Te tufa ʼo te māhina ʼo Sanualio: Ko he ʼu kaupepa ʼe pasina 32 ki te 50: ʼE tokaga moʼoni koa te ʼAtua kia tatou?; Koteā ʼAē ʼe Fakamaʼua Mai e Te ʼAtua Kia Tatou? pea Mokā mate he tahi ʼaē ʼe tou ʼofa mamahi ai. ʼE feala foki ke fakahā mo te kaupepa Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Fepualio: Te tagata ʼaē ʼe lahi tokotahi ʼo te ʼu temi fuli ki te 400. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼE tou faiga tāfito anai ke tou kamata he ʼu ako Tohi-Tapu. ʼApelili: Ko te apone ki Te Tule Leʼo pea mo te Réveillez-vous! ki te foʼi 1 000 takitahi (ki te taʼu katoa) peʼe ki te 500 (kia māhina e ono). Koutou ʼave mo koutou he ʼu kaupepa Fakamaʼua moʼo tufa ki te hahaʼi ʼaē ʼe fia logo, pea koutou faiga ke koutou kamata he ʼu ako Tohi-Tapu.
◼ Ko te kau fai faka mafola fuli ʼaē ka nātou kau anai ʼi te Fono Gāue ʼaē ka fai ʼi te vāhaʼa ʼe kamata ʼi te ʼaho 4 ʼo Sanualio, ʼe nātou tahi maʼu anai hanatou kiʼi kate Attestation prévisionelle pea mo te ʼu kate dʼidentité maʼa tanatou fānau.
◼ ʼO kamata atu ʼi te māhina ʼo Fepualio, pea ʼi muʼa ʼo te ʼaho 1 ʼo Malesio, ʼe fai anai te akonaki foʼou ʼa te tagata taupau feʼaluʼaki ko tona kupu tāfito ʼaenī, “ ʼE moʼoni feafeaʼi te ʼAtua kia koutou?”
◼ ʼE tonu anai ke fai e te ʼu kokelekasio he ʼu fakatuʼutuʼu ke nātou fai te ʼaho fakamanatu ʼo te taʼu ʼaenī ʼi te Felianima, ʼaho 1 ʼo ʼApelili, ʼi te ʼosi tō ʼo te laʼā. Logope la ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe tonu anai ke feʼāveʼaki ʼi te ʼosi tō ʼo te laʼā. Koutou vakaʼi fakalelei pe ko te temi fea ʼaē ka tō ai te laʼā ʼi te koga meʼa ʼaē ʼe koutou nonofo ai. Logope la ʼe lelei ke tahi fakatuʼutuʼu e te ʼu kokelekasio ke nātou fai tanatou ʼAho Fakamanatu, kae ʼe mole lagi feala anai ke fai tuʼumaʼu te faʼahi ʼaia. Ko te ʼu Fale ʼo te Puleʼaga ʼaē ʼe fakatahi ai te ʼu kokelekasio kehekehe ʼi te agamāhani, ʼe lagi tonu anai ke nātou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lelei ke vāhaʼa ia minuta e 40 te ʼu fono kehekehe ʼaē ʼe fai, ke maʼu he temi feʼauga moʼo fakaʼalofa ki te hahaʼi, pea mo fakaloto mālohiʼi ia nātou ʼaē ʼe foʼofoʼou mai, pea ke tou maʼu he ʼu fua lelei ʼo te fakatahi makehe ʼaia. ʼE toe tonu anai ke vakaʼi fakalelei te ʼu fihifihia ʼaē ʼe feala ke hoko ʼuhi ko te feʼaluʼaki ʼo te ʼu motokā, mo te taulaga motokā, pea mo te tuku mo te toʼo ʼo te hahaʼi ʼaē ʼe ʼolo motokā. ʼE vakaʼi anai e te ʼu tagata ʼāfea pe koteā te ʼu fakatuʼutuʼu ʼaē ʼe lelei ke fai ʼo mulimuli ki te kokelekasio.
◼ Ko te akonaki makehe ki te kaugamālie ʼe fai anai ʼi te temi ʼo te ʼAho Fakamanatu ʼo te taʼu 1999, ʼi te ʼAhotapu, ʼaho 18 ʼo ʼApelili. Ko te kupu tāfito ʼo te akonaki “Ko te kaumeʼa moʼoni mo te ʼAtua pea mo te kāiga.” ʼE foaki anai te plan ʼo te akonaki ʼaia. Ko te ʼu kokelekasio ʼaē ʼe nātou fai hanatou vāhaʼa makehe, pea mo hanatou Fakatahi Faka Silikosikilipisio peʼe ko hanatou Fakatahi Makehe ʼaho tahi ʼi te fakaʼosi vāhaʼa ʼaia, ʼe nātou fai anai te akonaki makehe ʼi te vāhaʼa ʼaē ʼe hoa kiai. ʼE mole tonu anai ke fai te akonaki makehe ʼi muʼa ʼo te ʼaho 18 ʼo ʼApelili 1999.
◼ Ko te ʼu tohi kua maʼu:
Kaletalio 1999—Fakapilitānia, Fakafalani
Tou Vakaʼi Te Tohi-Tapu ʼi Te ʼAho Fuli 1999—Fakapilitānia
Étude perspicace—Fakafalani
◼ Ko te ʼu tohi kua toe maʼu:
Doit-on croire à la Trinité ?—Fakafalani