Te ʼu Tonu

◼ Ko te tufa ʼo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼE tou faiga tāfito anai ke tou kamata he ʼu ako Tohi-Tapu. ʼApelili pea mo Maio: Ko te apone ki Te Tule Leʼo pea mo te Réveillez-vous! ki te foʼi 1 000 takitahi (ki te taʼu katoa) peʼe ki te foʼi 500 (kia māhina e ono). Koutou ʼave mo koutou he ʼu kaupepa Fakamaʼua moʼo tufa ki te hahaʼi ʼaē ʼe fia logo, pea koutou faiga ke koutou kamata he ʼu ako Tohi-Tapu. Sūnio: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150.

◼ Ko te kau fai faka mafola ʼaē ʼe nātou fakaʼamu ke nātou pionie vaeluaʼi temi ʼi te ʼu māhina ʼo ʼApelili pea mo Maio, ʼe tonu ke nātou tohi fakatomuʼa hanatou kiʼi pepa pionie. Ko te faʼahi ʼaia ʼe ina faka fealagia anai ki te kau tagata ʼāfea ke nātou fai he ʼu fakatuʼutuʼu ʼo ʼuhiga mo te telituale pea ke feʼauga te ʼu nusipepa pea mo te ʼu tohi. ʼE tonu anai ke fakahā ki te kokelekasio te ʼu higoa ʼo nātou ʼaē ka pionie.

◼ Ko te tēhina taupau pelesita pe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ʼi te hili pe ʼo te ʼaho ʼaia. ʼI te ʼosi fai ʼo te faʼahi ʼaia, pea ʼe tala anai ki te kokelekasio te falā ʼo te māhina.

◼ ʼE fai anai te Fakamanatu ʼi te Felianima, ʼaho 1 ʼo ʼApelili 1999. Kapau ʼe fono māhani tokotou kokelekasio ʼi te Felianima, pea ʼe tonu anai ke hiki ki te tahi ʼaho ʼo te vāhaʼa, mo kapau foki ʼe ʼi ai he tahi afiafi ʼe ava ai te Fale ʼo te Puleʼaga. Kapau ʼe mole feala te faʼahi ʼaia pea kapau ʼe mole lava fai te ʼu akonaki ʼo te Fono Gāue, pea ʼe feala anai ke hilifaki he ʼu koga ʼo te fono ʼaia ki te tahi Fono Gāue ʼo te māhina.

◼ Ko nātou ʼaē ʼe kau ki he kokelekasio, ʼe tonu ke nātou momoli ʼi te kokelekasio tanatou ʼu kiʼi pepa apone ʼo Te Tule Leʼo pea mo te Réveillez-vous!