Te ʼu Tonu
◼ Te tufa ʼo Sanualio: Te tagata ʼaē ʼe lahi tokotahi ʼo te ʼu temi fuli. Fepualio: Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili: Te Tule Leʼo pea mo te Réveillez-vous! Koutou ʼave mo te kaupepa Fakamaʼua moʼo tufa ki te hahaʼi ʼaē ka nātou fia lau, pea mo koutou faiga ke koutou kamata he ʼu ako Tohi-Tapu.
◼ Ko te kau fai faka mafola fuli ʼaē ka nātou kau ʼi te Fono Gāue ʼo te vāhaʼa ʼaē ʼe kamata ʼi te ʼaho 10 ʼo Sanualio, ʼe ʼavage anai hanatou kiʼi kate Attestation prévisionnelle pea mo te ʼu kate dʼidentité maʼa tanatou fānau.
◼ ʼO kamata atu ʼi te māhina ʼo Fepualio, pea ʼi muʼa ʼo te ʼaho 5 ʼo Malesio, ʼe fai anai te akonaki foʼou ʼa te tagata taupau feʼaluʼaki ko tona kupu tāfito ʼaenī, “ ʼE Hoko Moʼoni Anai Ia Halamaketone—Koteā Tona Tupuʼaga? ʼE Hoko ʼAfea?”
◼ ʼE tonu anai ke fai e te ʼu kokelekasio he ʼu fakatuʼutuʼu ke nātou fai te ʼAho Fakamanatu ʼo te taʼu ʼaenī ʼi te Feliafā, ʼaho 19 ʼo ʼApelili, ʼi te ʼosi tō ʼo te laʼā. Logope la ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe hoki feʼāveʼaki anai ʼi te ʼosi tō ʼo te laʼā. Koutou vakaʼi fakalelei pe ko te temi fea ʼaē ka tō ai te laʼā ʼi tokotou koga meʼa. Logola ʼe lelei ke tahi fakatuʼutuʼu e te ʼu kokelekasio tanatou ʼAho Fakamanatu, kae ʼe mole lagi feala anai ke fai tuʼumaʼu te faʼahi ʼaia. Ko te ʼu kokelekasio kehekehe ʼaē ʼe nātou fakaʼaogaʼi he Fale ʼo te Puleʼaga e tahi, ʼe lagi tonu anai ke nātou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lagi lelei ke fakavaha ia minuta e 40 te ʼu Fakamanatu kehekehe ʼaē ka fai, ke maʼu he temi feʼauga moʼo fai palalau mo te hahaʼi pea mo fakaloto mālohiʼi te hahaʼi foʼou. ʼE toe maʼua anai ke vakaʼi fakalelei te ʼu fihifihia ʼo ʼuhiga mo te feʼaluʼaki ʼo te ʼu motokā pea mo te taulaga motokā, pea mo te ʼaumai ʼa te hahaʼi. ʼE vakaʼi anai e te ʼu tagata ʼāfea te ʼu fakatuʼutuʼu ʼaē ʼe tonu ke nātou fai ʼo ʼuhiga mo te faʼahi ʼaia.
◼ Ko te akonaki makehe ʼe fai anai ʼi te māhina ʼo te ʼAho Fakamanatu ʼo te taʼu 2000, ʼi te ʼAhotapu, ʼaho 16 ʼo ʼApelili. Koʼeni te kupu tāfito ʼo te akonaki “He Koʼe ʼe ʼAoga He Totogi Ki Te Malamanei?” ʼE foaki anai te pepa ʼaē ʼe tohi ai te ʼu manatu tāfito ʼo te akonaki ʼaia. Ko te ʼu kokelekasio ʼaē ʼe nātou fai hanatou vāhaʼa makehe, peʼe ko hanatou Fakatahi Faka Silikosipisio peʼe ko hanatou Fakatahi Makehe ʼaho tahi ʼi te fakaʼosi vāhaʼa ʼaia, ʼe nātou fai anai te akonaki makehe ʼaia ʼi te vāhaʼa ʼaē ʼe hoa mai kiai. ʼE mole tonu anai ke fai te akonaki makehe ʼaia ʼi muʼa ʼo te ʼaho 16 ʼo ʼApelili 2000.
◼ Te ʼu Tohi Foʼou:
Tou Vakaʼi Te Tohi-Tapu ʼi Te ʼAho Fuli 2000—Fakaʼuvea
T-73 Qui sont les Témoins de Jéhovah?—Fakafalani
T-74 Lʼenfer—Expression de la justice divine?—Fakafalani
◼ Kua Toe Maʼu Te Tohi:
Recueil d’histoires bibliques—Fakafalani