Te ʼu Tonu

◼ Te tufa ʼo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili mo Maio: Ko Te Tule Leʼo pea mo te Réveillez-vous ! Koutou ʼave mo koutou te kaupepa Fakamaʼua maʼa te hahaʼi ʼaē ʼe nātou fia lau, pea koutou faiga ke koutou kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua Kia Tatou? Koutou faiga ke koutou kamata he ʼu ako Tohi-Tapu.

◼ Ko te kau fai faka mafola ʼaē ʼe nātou fakaʼamu ke nātou pionie vaeluaʼi temi ʼi te ʼu māhina ʼo ʼApelili pea mo Maio, ʼe tonu ke nātou fai nei hanatou ʼu fakatuʼutuʼu pea mo foimo tohi hanatou kiʼi pepa pionie. Ko te faʼahi ʼaia ʼe ina faka fealagia anai ki te kau tagata ʼāfea ke nātou fai he ʼu fakatuʼutuʼu ʼo ʼuhiga mo te telituale pea ke feʼauga te ʼu nusipepa pea mo te ʼu tohi. ʼE tala anai te ʼu higoa ʼo te ʼu pionie vaeluaʼi temi ʼi te māhina fuli.

◼ ʼE fakahā ʼi Te Minisitelio ʼo Te Puleʼaga ʼaenī te polokalama katoa ʼo te ako ʼo te tohi Te Kalavi ʼo Te Manuʼia Faka Famili. ʼE feala ke koutou tā he tahi pepa feiā pea mo koutou ʼai ki takotou tohi ke feala hakotou maʼu gafua.

◼ Ko te tēhina taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ʼi te hili pe ʼo te ʼaho ʼaia. Ka ʼosi fai te faʼahi ʼaia, pea ʼe tala anai ki te kokelekasio te falā ʼo te māhina.

◼ ʼE fai anai te ʼAho Fakamanatu ʼi te Feliafā, ʼaho 19 ʼo ʼApelili 2000. Kapau ʼe fono māhani tokotou kokelekasio ʼi te Feliafā, pea ʼe tonu anai ke hiki ki te tahi ʼaho ʼo te vāhaʼa mo kapau ʼe ava ai te Fale ʼo te Puleʼaga. Kapau ʼe mole lava fai te ʼu akonaki ʼo te Fono Gāue, pea ʼe feala ke hilifaki ki te tahi Fono Gāue te ʼu koga ʼaē ʼe ʼaoga tāfito ki takotou kokelekasio.

◼ ʼE feala ʼi te temi nei, ke fakaʼui e te ʼu kokelekasio te Watchtower Library​—1999 Edition. Ko te pa ʼaia ʼe maʼu anai ia lea e hiva ohage ko tona fai ʼi te taʼu 1997, ʼi te lea faka Danois, te Fakafalani, te faka Holani, te faka Italia, te Fakapilitānia, te faka Potukalia, te faka Saponia (ʼaē ʼe fakamaʼua kiai te polokalama faka Saponia ʼo te Windows), te faka Sepania, pea mo te faka Siamani. ʼE feala ke fai te ʼu fakaʼui ʼo te ʼu kokelekasio, kae ʼe tonu ke nātou manatuʼi ʼe kau te faʼahi ʼaia ki te ʼu fakaʼui makehe.

◼ Te ʼu Tohi Foʼou:

Watch Tower Publications Index 1999​—Fakapilitānia

◼ Te ʼu Fime Puke Leʼo Foʼou:

Te ʼAtamai Mālama ʼAē ʼe Ina Taki Ki Te Maʼuli Heʼegata (ko fime e nima ʼi tona ʼaiʼaga e tahi)​—Fakafalani