Te ʼu Tonu

◼ Ko te tufa ʼo ʼApelili mo Maio: Te ʼu nusipepa Te Tule Leʼo pea mo te Réveillez-vous ! Koutou ʼave mo koutou te kaupepa Fakamaʼua ke koutou ʼavage ki te ʼu hahaʼi ʼaē ʼe nātou loto kiai, pea mo koutou faiga ke kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua Kia Tatou? Koutou faiga tāfito ke koutou kamata he ʼu ako Tohi-Tapu. Sūlio mo ʼAukusito: ʼE feala ke koutou tufa he kaupepa ʼi te ʼu kaupepa ʼaē ʼe pasina 32 ʼaenī: ʼE tokaga moʼoni koa te ʼAtua kia tatou?, Koteā ʼAē ʼe Hoko Kia Tatou Mokā Tou Mamate?, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—⁠ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?

◼ Ko te ʼu kate ki te fakatahi faka tisitilike ʼo te taʼu 2000 ʼe kau anai ki te ʼu tohi ʼaē ka fakamomoli mai. ʼE mole ʼaoga anai ke fakaʼui te ʼu kate ʼaia. ʼE momoli anai te ʼu pake ʼaki te ʼu kate e 25 takitahi, pea ʼe fakafuafua anai ki te kaugamālie ʼo te ʼu kokelekasio. Kapau ʼe fia maʼu e te ʼu kokelekasio he tahi ʼu kate, pea ʼe tonu ke fakaʼui ʼi te Pepa Fakaʼui Tohi (S-14). Kapau ʼe loto kiai ʼihi, pea ʼe feala ke fakaʼui e te kokelekasio te ʼu palasitike ʼaē ʼe ʼai kiai te ʼu kate ʼaia.

◼ Ohage ko tona tala atu ʼi Te Minisitelio ʼo Te Puleʼaga ʼo Malesio 2000, ko te CD-ROM ʼo te Watchtower Library​—⁠1999 Edition kua maʼu nei ia lea e hiva. Koutou manatuʼi ʼe mole ko he meʼa ʼe tonu ke tufa ki te hahaʼi, mo te ʼu tānakiʼaga tohi ʼo te faleako, peʼe ko te ʼu hahaʼi ʼaē ʼe nātou fia ʼiloʼi he ʼu meʼa ʼo ʼuhiga mo te kau Fakamoʼoni ʼa Sehova. Ko te Watchtower Library​—⁠1999 Edition neʼe fai maʼa nātou ʼo te kokelekasio pea ʼe tufa pe ʼi te kokelekasio. ʼO aʼu ki te maʼu ʼo te ʼu CD-ROM pea mo tonatou momoli atu, ʼe tohi anai ʼi te ʼu lisi ʼo te ʼu meʼa ʼaē ʼe tonu ke totogi e te kokelekasio “En attente.”

◼ Ko tatatou fakatahi faka tisitilike “Tou Maʼuliʼi Te Folafola ʼa Te ʼAtua,” ʼe fai anai ʼi Niumea ʼi Sepetepeli 2000, ʼi te ʼaho 15 ki te ʼaho 17, pea ʼi te ʼaho 22 ki te ʼaho 24. ʼI Vanuatu, ʼi Port-Vila, kua fetogi te ʼu ʼaho ki te ʼaho 1 ki te ʼaho 3 ʼo Sepetepeli 2000.