Te ʼu Tonu

◼ Te tufa ʼo Maio: Ko Te Tule Leʼo pea mo te Réveillez-vous ! Koutou ʼave mo koutou te kaupepa Fakamaʼua moʼo tufa ki te hahaʼi ʼaē ʼe nātou fia lau, pea koutou faiga ke koutou kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua Kia Tatou? Koutou faiga ke koutou kamata he ʼu ako Tohi-Tapu. Sūlio mo ʼAukusito: ʼE feala ke koutou tufa he kaupepa lahi e pasina 32: ʼE tokaga moʼoni koa te ʼAtua kia tatou?, Koteā ʼAē ʼe Hoko Kia Tatou Mokā Tou Mamate?, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—⁠ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?

◼ ʼE tonu ke telefoni te tēhina taupau pelesita ki te Sosiete, kapau ʼi te ʼaho 25 ʼe mole heʼeki maʼu e te kokelekasio te ʼu Minisitelio ʼo Te Puleʼaga ʼo te māhina ʼaē ka hoko mai.

◼ Tou fakamanatuʼi ki te ʼu kaugā fai faka mafola fuli ʼe mole tonu ke fakaʼaogaʼi te tuʼasila ʼo te Sosiete kapau ʼe nātou faitohi ki he tahi. ʼE kau kiai tatatou ʼu faitohi pea mo te ʼu tohi fuli ʼaē ʼe tou momoli ʼi tatatou fai faka mafola kia nātou ʼaē ʼe fia logo, ki te hahaʼi ʼaē neʼe mole maʼu atu kiō nātou, peʼe ka tou faka mafola kia nātou ʼaē ʼe nonofo ʼi te ʼu koga meʼa ʼaē ʼe faigataʼa hakita ʼalu kiai. Ka koutou faitohi moʼo fai faka mafola, koutou fakaʼaogaʼi tokotou tuʼasila peʼe ko te tuʼasila ʼo te Fale ʼo te Puleʼaga. ʼAua naʼa koutou fakaʼaogaʼi te tuʼasila ʼo te Sosiete.

◼ ʼE tonu anai ki te tēhina taupau pelesita pe ko he tahi neʼe ina hinoʼi, ke ina vakaʼi te falā ʼo te kokelekasio ʼi te ʼaho 1 ʼo Sūnio peʼe ʼi te hili pe ʼo te ʼaho ʼaia. Ka ʼosi fai te faʼahi ʼaia, pea ʼe tala anai ki te kokelekasio mokā lau anai te falā ʼo te māhina.

◼ Te Tohi Foʼou:

Annuaire 2000—⁠Fakafalani

◼ Kua Toe Maʼu Te Foʼi Fime Puke Leʼo:

Jéhovah délivre ceux qui invoquent son nom (Te kiʼi gaoʼi, foʼi fime e tahi)​—⁠Fakafalani