Te ʼu Tonu
◼ Te tufa ʼo Sanualio Pea Mo Fepualio: Te ʼAtamai Mālama ʼAē ʼe Ina Taki Ki Te Maʼuli Heʼegata peʼe ko te tohi Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke kamata he ʼu ako Tohi-Tapu. ʼApelili: Te Tule Leʼo pea mo te Réveillez-vous ! Tou fai he ʼu apone, mo kapau ʼe loto kiai te ʼu ʼaʼahi. Koutou tufa te tohi Te ʼAtamai Mālama peʼe ko te kaupepa Fakamaʼua, ʼo koutou fakatuʼutuʼu ke koutou kamata he ʼu ako Tohi-Tapu.
◼ ’Koutou fakatokagaʼi ʼe fai anai te Fakamanatu ʼo te taʼu 2002 ʼi te Felianima, ʼaho 28 ʼo Malesio, ʼi te ʼosi tō ʼo te laʼā , kae ʼe mole fai anai ʼi te Feliaono ʼaho 22 ʼo Malesio, ohage ko tona tohi ʼi te fakaʼosi ʼo te kaletalio 2001. Mai tona ʼuhiga ʼaē ʼe maʼuhiga te ʼaho ʼaia, koia ʼe filifili anai e te kolesi ʼo te kau tagata ʼāfea, he tagata ʼāfea ʼe poto lelei ʼi te faiakonaki, kae mole nātou fesuisuiʼaki, peʼe nātou fakaʼaogaʼi te tēhina māhani ʼi te taʼu fuli. Kae kapau ʼe ʼi ai he tagata ʼāfea fakanofo, pea ʼe feala ke ina fai te akonaki ʼaia.
◼ ʼI te Fono Gāue ʼo te vāhaʼa ʼo te ʼaho 8 ʼo Sanualio, ʼe tufa anai kia nātou fuli ʼaē kua papitema te kiʼi kate Instructions médicalesprévisionnelles/Décharge pea mo te Document dʼidentité Médical maʼa nātou liliki.
◼ ʼO kamata atu ʼi Malesio, koʼeni te kupu tāfito ʼo te akonaki foʼou ʼaē ka fai e te ʼu tagata taupau feʼoloʼaki “Te ʼAho ʼo Te Fakamāu—Ko He ʼAho Fakamataku Koa Peʼe Ko He ʼAho ʼo Te ʼAmanaki?”
◼ ʼE tonu ki te ʼu kokelekasio ke nātou fai he ʼu fakatuʼutuʼu ʼo ʼuhiga mo te Fakamanatu ʼo te taʼu ʼaenī ʼaē ka fai ʼi te ʼAhotapu, ʼaho 8 ʼo ʼApelili, ʼi te ʼosi tō ʼo te laʼā. Logope la ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe tonu anai ke feʼāveʼaki ʼi te ʼosi tō ʼo te laʼā. Koutou vakaʼi fakalelei pe ko te temi fea ʼaē ka tō ai te laʼā ʼi te koga meʼa ʼaē ʼe koutou nonofo ai. ʼE lelei ke tahi fakatuʼutuʼu e te ʼu kokelekasio ke nātou tahi fai tonatou ʼAho Fakamanatu, kae ʼe mole lagi feala anai ke fakahoko tuʼumaʼu te faʼahi ʼaia. Ko te ʼu Fale ʼo te Puleʼaga ʼaē ʼe fakatahi ai te ʼu kokelekasio kehekehe ʼi te agamāhani, ʼe lagi tonu anai ke nātou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lelei ke vaha ia minuta e 40 te ʼu fono kehekehe ʼaē ʼe fai, ke maʼu he temi feʼauga moʼo fakaʼalofa ki te hahaʼi, pea mo fakaloto mālohiʼi ia nātou ʼaē ʼe foʼofoʼou mai, pea ke tou maʼu he ʼu fua lelei ʼo te fakatahi makehe ʼaia. ʼE toe tonu anai ke vakaʼi fakalelei te ʼu fihifihia ʼaē ʼe feala ke hoko ʼuhi ko te feʼaluʼaki ʼo te ʼu motokā, mo te taulaga motokā pea mo te tuku mo te toʼo ʼo te hahaʼi ʼaē ʼe ʼolo motokā. ʼE vakaʼi anai e te ʼu tagata ʼāfea pe koteā te ʼu fakatuʼutuʼu ʼaē ʼe lelei ke fai ʼo mulimuli ki te kokelekasio.
◼ Ko te akonaki makehe ki te kaugamālie ʼe fai anai ʼi te temi ʼo te ʼAho Fakamanatu ʼo te taʼu 2001, ʼi te ʼAhotapu, ʼaho 1 ʼo ʼApelili. Koʼeni tona kupu tāfito “Ko Ai ʼAē Ka Hāofaki?” ʼE foaki anai te plan ʼo te akonaki ʼaia. Ko te ʼu kokelekasio ʼaē ʼe nātou fai hanatou vāhaʼa makehe, pea mo hanatou Fakatahi Faka Silikosikilipisio peʼe ko hanatou Fakatahi Makehe ʼaho tahi ʼi te fakaʼosi vāhaʼa ʼaia, ʼe nātou fai anai te akonaki makehe ʼi te vāhaʼa ʼo te ʼaho 9 ʼo ʼApelili. ʼE mole tonu anai ke fai te akonaki makehe ʼaia ʼi muʼa ʼo te ʼaho 1 ʼo ʼApelili 2001.