He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo San.

“Tokolahi te hahaʼi ʼe nātou tauhi ki te ʼAtua ʼaki te ʼu fakatātā. Kia koe la, ʼe feala koa ki te ʼu fakatātā ʼaia ke nātou hāofaki tatou? [Tuku ke fai mai hana tali.] ʼE feala ke ke fakatokagaʼi te meʼa ʼaē ka fai e te ʼAtua moʼoni maʼa tatou. [Lau ia Apokalipesi 21⁠:​3, 4.] ʼE gata pe ki he ʼAtua ʼe maʼuli moʼoni ʼe feala ke ina fai te meʼa ʼaia. ʼE fakahā e te nusipepa ʼaenī pe ko ai te ʼAtua pea mo te ʼu lelei ʼaē ʼe tou maʼu mokā tou falala kia te ia.”

Réveillez-vous ! ʼaho 22 ʼo San.

“ ʼE lagi ko he meʼa māhani kia tatou te maʼu ʼo hotatou ʼapi. Kae ko te lauʼi miliona hahaʼi ʼi te malamanei neʼe feholaki mai tonatou fenua kae mole honatou tokoni, pea ʼe mole nātou maʼu te maʼuli fīmālie ʼaē ʼe nātou kumi. ʼE talanoa te Réveillez-vous ! ki te fihifihia ʼaia pea mo te fakapapau ʼa te Tohi-Tapu, ʼe ʼi ai te ʼaho ʼe maʼu fuli anai e te hahaʼi honatou nofoʼaga.”

Te Tule Leʼo ʼaho 1 ʼo Fep.

“Kua lahi te tuʼania ʼo ʼuhiga mo te ʼulihi ʼo totatou kele. Kae neʼe kua ke fakakaukauʼi koa la ʼo ʼuhiga mo te ʼulihi ʼo te ʼatamai? [Tuku ke fai mai hana tali.] ʼE fakahā lelei e te Tohi-Tapu te maʼuhiga ʼaē ke tou maʼa ʼi te faʼahi fakasino pea ʼi te faʼahi fakalaumālie. [Lau ia 2 Kolonito 7⁠:⁠1.] ʼE ʼau tui papau ʼe tokoni anai te ʼu manatu ʼaenī kia koe pea mo ʼaoga anai kia koe.”

Réveillez-vous ! ʼaho 8 ʼo Fep.

“ ʼE mahino ia neʼe ke tokagaʼi ʼi te agamāhani ko te ʼu ʼohoana ʼe kamata lelei, kae ki muli age ko te tokolahi ʼe nātou mavete. ʼE ʼau fia tuku atu te Réveillez-vous ! ʼaenī, heʼe talanoa ai ʼo ʼuhiga mo te manatu ʼa te Tohi-Tapu ki te meʼa ʼe tonu ke kita fai ke tologa pea mo fiafia ai te nofo ʼohoana.”