Te ʼu Tonu
◼ Tufa ʼo Fepualio: Te Tohi ʼo Te ʼu Hisitolia Faka Tohi-Tapu. ʼE feala hakotou tufa Te ʼAtamai Mālama ʼAē ʼe Ina Taki Ki Te Maʼuli Heʼegata peʼe ko Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili Pea Mo Maio: Te Tule Leʼo pea mo te Réveillez-vous ! Ka fia logo te hahaʼi ʼaē ʼe koutou ʼaʼahi, pea ʼe feala ke koutou apone nātou. Koutou foaki te tohi Te ʼAtamai Mālama peʼe ko te kaupepa lahi Fakamaʼua, ʼaki te fakatuʼutuʼu ʼaē ke kamata he ʼu ako Tohi-Tapu.
◼ Mokā gāueʼi te ʼu telituale ʼo te vao, pea ʼe feala ki te kau fai faka mafola ke nātou tufa te tohi Te ʼAtamai Mālama peʼe ko te kaupepa Fakamaʼua. ʼE feala hakotou ʼavage he tahi tohi mo kapau kua ʼosi maʼu e te hahaʼi te ʼu tohi ʼaia e lua. Koutou ʼave mo koutou he ʼu kiʼi pepa lotu kehekehe moʼo tuku ʼi te ʼu ʼapi ʼaē ʼe lāvaki, peʼe koutou tuku ki te hahaʼi ʼaē ʼe mole nātou tali he tohi. Koutou faiga ke koutou hoko atu te ʼaʼahi ʼo te ʼu hahaʼi ʼaia, tāfito la mo kapau ʼe feala ki te ʼu telituale ʼo te vao ke gāueʼi e te ʼu kokelekasio ʼaē ʼe ōvi kiai.
◼ Ko te tēhina taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ʼi te hili pe ʼo te ʼaho ʼaia. Ka ʼosi te faʼahi ʼaia, pea ʼe tala anai ki te kokelekasio te falā ʼo te māhina.
◼ Ko te sikalaipe pea mo te tēhina taupau ki te gāue, ʼe nā vakaʼi anai te gāue ʼa te kau pionie katoa fuli. Kapau ʼe faigataʼa ki he tahi ke ina fai tana ʼu hola, pea ʼe fai anai e te kau tagata ʼāfea he ʼu fakatuʼutuʼu ke nātou tokoni ki ai. ʼE koutou maʼu anai he ʼu tokoni ki te faʼahi ʼaia ʼi te tohi ʼaē ʼe fai e te Sosiete ʼi te taʼu fuli, te S-201. Vakaʼi mo te ʼu palakalafe 12-20 ʼo te pepa ʼaē ʼe ʼalutahi mo Te Minisitelio ʼo Te Puleʼaga Fakafalani ʼo ʼAukusito 1986.
◼ ʼE tonu ki te sikalaipe ke ina vakaʼi peʼe lelei te ʼu naunau ʼaē ʼe maʼu e te Komite Laga Fale Fakakolo ʼo ʼuhiga mo te ʼu kaugā faka mafola fuli ʼaē kua papitema, ʼaē neʼe nātou tohi te ʼu pepa Construction des Salles du Royaume—Questionnaire pour les volontaires (S-82). Kapau ʼe ʼi ai he ʼu fetogi ʼo ʼuhiga mo te kau gāue ʼaia, ohage la ka fetogi ʼapi he tahi peʼe kua tagata faifekau peʼe tagata ʼāfea, pea ʼe tonu ke foimo tohi he ʼu pepa foʼou ʼo ʼuhiga mo te faʼahi ʼaia, pea ke ʼavage ki te komite. Kapau ʼe nātou fetogi tuʼasila peʼe fetogi numelo telefoni, peʼe kapau ʼe mole kei lelei tanatou gāue ʼi te kokelekasio, pea ʼe tonu ki te kau tagata ʼāfea ke nātou foimo fai he tohi moʼo fakahā te faʼahi ʼaia ki te Komite Laga Fale Fakakolo.
◼ Koutou tokaga ki te ʼu kole ʼaē ʼe feala ke fai ʼi te Internet pea mo te ʼu faitohi ʼaē ʼe momoli ai, ʼo ʼuhiga mo he falā moʼo tokoni ki totatou ʼu tēhina ʼaē neʼe tau mo te ʼu tuʼutāmaki neʼe hoko. ʼI te ʼu lakaga fuli pe ʼaē ʼe tonu ai ke fakatuʼu he komite ʼe falala kiai, moʼo foaki he tokoni ki te kau Fakamoʼoni ʼa Sehova, ʼe fakatokagaʼi anai te faʼahi ʼaia ki te ʼu tēhina takitaki. Ko te ʼu meʼa ʼofa ki te faʼahi ʼaia ʼe tonu ke momoli ki te Watch Tower, 25 Columbia Heights, Brooklyn, NY 11201-2483.
◼ Ko te akonaki makehe ki te kaugamālie ʼe fai anai ʼi te temi ʼo te ʼAho Fakamanatu ʼo te taʼu 2002, ʼi te ʼAhotapu, ʼaho 14 ʼo ʼApelili. Koʼeni tona kupu tāfito “Tou Manatuʼi Tuʼumaʼu Te ‘ ʼAho Fakamanavahe.’ ” ʼE foaki anai te plan ʼo te akonaki ʼaia. Ko te ʼu kokelekasio ʼaē ʼe nātou fai hanatou vāhaʼa makehe, pea mo hanatou Fakatahi Faka Silikosikilipisio peʼe ko hanatou Fakatahi Makehe ʼaho tahi ʼi te fakaʼosi vāhaʼa ʼaia, ʼe nātou fai anai te akonaki makehe ʼi te vāhaʼa ʼaē ʼe hoa kiai. ʼE mole tonu anai ke fai te akonaki makehe ʼaia ʼi muʼa ʼo te ʼaho 14 ʼo ʼApelili 2002.
◼ Kua Toe Maʼu Te ʼu Tohi:
ʼE Koutou Lava Kaumeʼa Mo Te ʼAtua!—Fakafalani
Koteā ʼAē ʼe Hoko Kia Tatou Mokā Tou Mamate?—Fakaʼuvea
Les Témoins de Jéhovah : Qui sont-ils ? Quelles sont leurs croyances ?—Fakafalani
Quel est le but de la vie ? Comment le découvrir ?—Fakafalani
Te Kalavi ʼo Te Manuʼia Faka Famili—Fakafalani
Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?—Fakaʼuvea
Une vie pleinement satisfaisante : Comment ?—Fakafalani