Te ʼu Tonu
◼ Tufa ʼo ʼApelili Pea Mo Maio: Te Tule Leʼo pea mo te Réveillez-vous ! ʼE feala ke koutou ʼave tuʼumaʼu te ʼu nusipepa kia nātou ʼaē ʼe nātou leleiʼia. Koutou foaki te kaupepa lahi Fakamaʼua, ʼaki te fakatuʼutuʼu ʼaē ke kamata he ʼu ako Tohi-Tapu. Sūnio: Koteā ʼAē ʼe Fakamaʼua Mai e Te ʼAtua Kia Tatou? peʼe ko Te ʼAtamai Mālama ʼAē ʼe Ina Taki Ki Te Maʼuli Heʼegata. Kapau kua ina maʼu te ʼu tohi ʼaia, pea koutou foaki he kaupepa lahi ʼe maʼu ʼi te kokelekasio. Sūlio: ʼE feala ke fakaʼaogaʼi he kaupepa ʼi te ʼu kaupepa lahi ʼaenī ʼe pasina 32: ʼE tokaga moʼoni koa te ʼAtua kia tatou?, Koteā ʼAē ʼe Hoko Kia Tatou Mokā Tou Mamate?, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?, Kote puleaga ae ka ina fakatuu anai te Palatiso.
◼ ʼE tonu ke taupau e te filiale te ʼu tuʼasila pea mo te ʼu numelo telefoni ʼo te ʼu tēhina taupau pelesita fuli pea mo te ʼu sikalaipe. Kapau ʼe hoko he fetogi, pea ʼe tonu ki te Komite Gāue ʼo Te Kokelekasio ke ina foimo tohi, mo sinie, pea mo momoli ki te filiale te pepa (S-29) Fetogi Tuʼasila ʼo Te Taupau Pelesita/Sikalaipe. ʼE toe fai feiā anai mo kapau ʼe ko he fetogi numelo ʼo te kolo.
◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ki te Fakaʼui ki te Selevisi Pionie Katoa (S-205) pea mo te Fakaʼui ki te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa ʼe feʼauga ki te taʼu. Toe vakaʼi peʼe neʼe tohi lelei te ʼu pepa fuli ʼo te fakaʼui pionie katoa. Kapau ʼe mole kei manatuʼi e ʼihi te ʼaho totonu ʼo tonatou papitema, pea ʼe feala ke nātou fakafuafua pe neʼe ko te taʼu fea, pea mo tohi ke nātou manatuʼi.
◼ Kapau ʼe koutou ʼolo ki he tahi fenua, pea mo koutou ʼolo ki te ʼu fono, peʼe ki te ʼu fakatahi faka silikosikilipisio pea mo faka tisitilike, koutou fakalavelave ki te filiale ʼo te fenua ʼaia, te ʼu ʼaho, mo te ʼu hola pea mo te ʼu koga meʼa ʼaē ʼe fai ai. ʼE koutou maʼu anai ʼi te pasina fakaʼosi ʼo te Annuaire fakamuli, te ʼu tuʼasila ʼo te ʼu filiale.
◼ Te ʼu Foʼi Fime Viteo Kua Maʼu:
Faithful Under Trials—Jehovah’s Witnesses in the Soviet Union—Fakapilitānia
No Blood—Medicine Meets the Challenge—Fakapilitānia