Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 6 ʼo Maio ʼo aʼu ki te vāhaʼa ʼo te ʼaho 19 ʼo ʼAukusito 2002. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hala” ki te ʼu fehuʼi ʼaenī:

1. ʼE fakahā lelei mai e te Pesalemo 58:4, ʼe mole logo ‘te ʼu taliga’ ʼa te gata, koteʼuhi ʼe tuli. [Lau ʼo te Tohi-Tapu; vakaʼi te Rbi8 p. 1711.]

2. Ko te “foʼi kautahi lahi” ʼo te hahaʼi fafine ʼaē ʼe talanoa ki ai ia Pesalemo 68:11, neʼe ko te ʼu hahaʼi fafine matāpule neʼe kaugana, pea neʼe faka ʼāteaina nātou mai te maʼuli popūla e te ʼu tagata ʼo Iselaele ʼi tanatou tauʼi tanatou ʼu fili. [Lau ʼo te Tohi-Tapu; vakaʼi te wF86 15/10 p. 30 pal. 6.]

3. Ko te ʼui ʼa Paulo “ke ʼaua naʼa fehiʼa he tahi ki tou temi tūpulaga,” ʼe hā ʼaki mai ko Timoteo neʼe kei tamasiʼi, pe neʼe kua taʼu 20 tupu. (1 Tim. 4:12, MN ) [w99 15/9 p. 29 pal. 1-3; p. 31 pal. 3]

4. ʼI te Pesalemo 110:1, ko “toku ʼAliki,” ʼe ko Sesu. [Lau ʼo te Tohi-Tapu; vakaʼi te w94 1/6 p. 28 pal. 5.]

5. Kapau ʼe tou ‘faka maʼuhigaʼi lahi ia Sehova’ ʼaki—totatou temi, totatou ʼu fealagia, totatou mālohi, pea mo totatou ʼu koloā—ʼe lahi anai te ʼu tapuakina fakalaumālie ʼaē ka foaki mai e Sehova. (Taag. 3:9, 10) [w00 15/1 p. 25 pal. 1]

6. Ohage ko tona fakahā mai ia Mateo 24:38, 39, neʼe tokaga lahi te hahaʼi ki te kai, mo te ʼinu pea mo te tahi ʼu gāue, koia ʼaē neʼe fakaʼauha ai te hahaʼi e te Tulivio ʼi te temi ʼo Noe. [w00 15/2 p. 6 pal. 6]

7. ʼE tali tuʼumaʼu e Sehova te ʼu meʼa ʼaē ʼe kole age e tana ʼu kaugana agavaivai, ʼaē ʼe nātou tauhi kia te ia ʼaki tonatou loto katoa. [w00 1/3 p. 4 pal. 3]

8. ʼI te temi ʼaē neʼe fakalaka ai ia Iselaele ʼi te vaitafe ʼo Solotane, neʼe nātou agapoto ʼo tuku ki muʼa te kau malomu pea mo te kau solia. [my 45]

9. ʼI te haʼele takafoli ʼo Iselaele ʼi Seliko, neʼe kalaga hoholo te kau tagata moʼo fakamatakuʼi tonatou ʼu fili. [my 46]

10. Ohage ko tona ʼui ia Pesalemo 76:10, kapau ʼe fakagafua e te ʼAtua ke ʼiʼita te hahaʼi ki Tana hahaʼi, pea ʼe tou tui papau ko tatatou ʼu mamahi pea mo tatatou mate ʼe fua lelei anai. [Lau ʼo te Tohi-Tapu; vakaʼi te wF80 15/6 p. 26 pal. 19.]

Koutou tali ki te ʼu fehuʼi ʼaenī:

11. Koteā te “kolōlia” ʼaē neʼe foaki e Sehova ki te tagata fai pesalemo? (Pes. 73:24) [Lau ʼo te Tohi-Tapu; vakaʼi te wF86 15/12 p. 28 pal. 3.]

12. Ohage ko tona tohi ia Pesalemo 84:1-3, neʼe faka ʼuhiga feafeaʼi e te tagata fai Pesalemo tana ʼu pilivilesio? [Lau ʼo te Tohi-Tapu; vakaʼi te w97 15/3 p. 8 pal. 5-7.]

13. Ko te kau ʼuluaki Kilisitiano neʼe nātou faka tui ki te ʼAfio ʼa Kilisito ia Taʼu e Afe, ohage ko tona tuʼu ia Apokalipesi, kae koteā te ʼu meʼa ʼaē neʼe tupu ai te fakafisi ʼa te kau Kilisitiano ʼaposita ki te akonaki fakaʼatua ʼaia? [w99 1/12 p. 6 pal. 3–​p. 7 pal. 5]

14. Koteā te tuʼakoi ʼe tonu ke mulimuli kiai te kau Kilisitiano mokā nātou ‘vakaʼi te lelei’ ʼa ʼihi? (Filp. 2:4) [w99 1/12 p. 29 pal. 1]

15. Koteā te tokoni fakapotopoto ʼe fai ia Tāʼaga Lea 31:10 ki he tama ʼe ina kumi hona ʼohoana? [w00 1/2 p. 31 pal. 2]

16. Koteā ʼaē ʼe ina fakatātā te uʼusi ʼa te kau Iselaele e te ʼu gata, pea mo tanatou toe lelei ʼi tanatou sioʼi te gata kapa ʼaē neʼe takatakai ʼi te pou? [my 41]

17. Koutou fakamahino pe koʼe ko Sehova “ ʼe mole fakahemala anai” ʼo ʼuhiga mo tona ʼAlo, ohage ko tona ʼui ia Pesalemo 110:4. [Lau ʼo te Tohi-Tapu; vakaʼi te g77 22/7 p. 27.]

18. ʼI te tuli ʼa te kau Esipito ia te kau Iselaele ʼo aʼu ki te Tai Kula, he koʼe neʼe mole feala ai ke nātou sisio ki te kau Iselaele pea mo tauʼi nātou? [my 33]

19. Koteā ʼaē neʼe hoko ʼi te temi ʼaē neʼe talagataʼa ai te kau Iselaele kia Sehova, pea mo nātou taupau te mane ki te uhu ake? [my 34]

20. Ohage ko tona ʼui e Sesu Kilisito, koteā te ʼu lao tāfito e lua ʼaē neʼe foaki e Sehova ki tana hahaʼi ia te kau Iselaele? [my 35]

Koutou fakakatoa te ʼu kupuʼi palalau ʼaenī:

21. ʼE ʼaoga ia Tāʼaga Lea ia faʼahi e lua—moʼo foaki te ․․․․․․․․ pea mo te ․․․․․․․․. (Taag. 1:1-4) [w99 15/9 p. 13 pal. 2]

22. “Ko te potu fakalilo ʼa te Māʼoluga” ʼe ko he potu ʼe maʼu ai te ․․․․․․․․ kia nātou ʼaē ʼe nātou kau mo te ʼAtua ʼo ʼuhiga mo te ․․․․․․․․ ; ʼe ko he potu ʼe “fakalilo,” peʼe mole ʼiloʼi e te hahaʼi ʼaē ʼe ․․․․․․․․. (Pes. 91:1) [Lau ʼo te Tohi-Tapu; vakaʼi te wF86 15/12 p. 29 pal. 6.]

23. ʼE mahino papau ia ko te ʼui ʼaē ‘ ʼaua naʼa galo te ʼu gāue fuli ʼa Sehova’ ko tona faka ʼuhiga ke tou ․․․․․․․․ki “tana ʼu gāue,” te ʼu gāue ʼaē neʼe ina fai ʼaki tona lotoʼofa, ohage ko tona fakamatala ia Pesalemo 103. (Pesalemo 103:2) [Lau ʼo te Tohi-Tapu; vakaʼi te w99 15/5 p. 21 pal. 5-6.]

24. Ka fakalainoaʼi tatou e te hahaʼi pea mo nātou fakafisi ki tatatou minisitelio, ʼe tonu ke tou manatuʼi ko te fakafeagai ʼaia ʼe mole fai ․․․․․․․․, kae kia ․․․․․․․․, te Matapuna ʼo tatatou logo. (2 Ko. 4:1, 7) [w00 15/1 p. 21 pal. 1]

25. Ko Palake, te hau ʼo Moape, neʼe ina totogi ia ․․․․․․․․ ke faitutuku ki te kau Iselaele. [my 44]

Koutou fakaʼiloga te ʼu tali ʼaē ʼe totonu:

26. Ko te (poto; te fakatonutonu; te faitotonu) ʼe maʼu ai te tahi ʼu kalitate, ohage ko te ʼatamai, te fakasiosio lelei, te lava fai ʼo he tonu ʼaki te fakasiosio lelei, pea mo te fealagia fakakaukau; ka (agalelei; ʼatamai; fai he tonu ʼe lelei e) he tahi pea ʼe ina lava sio loloto ki he meʼa pea mo mahino ki te ʼu meʼa kehekehe ʼaē ʼe pipiki kiai, ʼo mahino ki te ʼalutahi ʼo te ʼu faʼahi fuli ʼaia pea mo mahino ki tona ʼaluʼaga katoa, pea mo tona faka ʼuhiga. (Taag. 1:1-4) [w99 15/9 p. 13 pal. 3]

27. Neʼe feala ke mālohi ia Sosefo ʼo tekeʼi te ʼu faiga ʼa te ʼohoana ʼo Potifale ke fai feʼauʼaki, he neʼe (mālama ki te Lao ʼa Moisese, ʼaē neʼe tauteaʼi ai te fai folonikasio; neʼe fakaʼapaʼapa ki te tuʼulaga maʼuhiga ʼo Potifale; neʼe maʼuhiga age kia ia tana ʼu felogoi lelei mo Sehova). (Sen. 39:7-9) [w99 1/10 p. 29 pal. 3]

28. ʼE ʼasi mai ko te tagata ʼaē neʼe ina tohi te Pesalemo 119 neʼe ina leleiʼia ʼaupito (te folafola, peʼe ko te lao ʼa te ʼAtua; te meʼa ʼofa ʼaē ko te maʼuli; te ʼamanaki ki te hāofaki), ʼaē ʼe teitei talanoa kiai ʼi te ʼu vaega fuli ʼo te Pesalemo. [Lau ʼo te Tohi-Tapu; vakaʼi te w99 1/11 p. 10 pal. 5; wF87 15/3 p. 24 pal. 2.]

29. ʼI tana tohi ʼo ʼuhiga mo tana sio kia Sesu ʼi tana kolōlia ʼi selo, neʼe talanoa Paulo kia ia totonu ohage ko he “fanau-to,” ko tona faka ʼuhiga (neʼe hoki fakanofo ia ia e te laumālie; neʼe hinoʼi fakatomuʼa ko te ʼapositolo ʼo te ʼu puleʼaga; neʼe hage neʼe foaki kia ia te pilivilesio ʼaē ke tupu, peʼe ke fakatuʼuake tautonu ki te maʼuli fakalaumālie). (1 Ko. 9:1; 15:8) [w00 15/1 p. 29 pal. 5]

30. ʼI te fale lahi ʼo te tapenakulo neʼe ʼi ai te laupapa, pea neʼe hili ʼi te laupapa ʼaia (te iseso; te ipu neʼe fonu ai te mane; te ʼu pane e 12). [my 37]

Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:

Pes. 77:11, 12; 110:2; Taag. 2:19; 24:16; Hep. 13:18

31. Ko te kau Kilisitiano ʼe mole feala ke nātou kākāʼi te hahaʼi ʼi tanatou gāue peʼe nātou meʼa noaʼi te ʼu meʼa ʼaē ka hoko kia nātou. [w99 15/9 p. 10 pal. 2]

32. Ko nātou ʼaē ʼe nātou fai he ʼu felāveʼi fakasino heʼeʼaoga ʼe mole feala ke nātou toe liliu mai ai, ko tona faka ʼuhiga ʼe nātou mamate ai. [w99 15/11 p. 27 pal. 4-5]

33. Logola ʼe feala pe ke mole iku hatatou ʼu fakatuʼutuʼu, kae ko ia ʼaē ʼe pipiki ki te ʼAtua ʼe mole ina līaki anai tana faiga ʼaē ke ina fai te meʼa ʼaē ʼe lelei. [w00 1/2 p. 5 pal. 1]

34. Logola kei maʼuli tana ʼu fili, kae kua foaki kia Kilisito te pule. [Lau ʼo te Tohi-Tapu; vakaʼi te td 32B.]

35. Ke tou maʼu he ʼu lelei mai te Tohi-Tapu, ʼe tonu ke tou metitasio tuʼumaʼu ki te Folafola ʼa te ʼAtua. [Lau ʼo te Tohi-Tapu; vakaʼi te si p. 351 pal. 12.]