Te ʼu Tonu
◼ Tufa ʼo Fepualio Pea Mo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata, pea ʼe faiga tāfito anai ke kamata he ʼu ako Tohi-Tapu. ʼApelili Pea mo Maio: Te Tule Leʼo pea mo te Réveillez-vous ! Ka koutou ʼaʼahi te hahaʼi ʼaē neʼe fia logo, koutou ʼaʼahi mo te hahaʼi ʼaē neʼe ʼōmai ki te ʼAho Fakamanatu peʼe ko te tahi ʼu fakatahi, kae ʼe mole nātou gāue fakatahi mo te kokelekasio, pea mo koutou fakatuʼutuʼu ke koutou tuku age te kaupepa Koteā ʼAē ʼe Fakamaʼua Mai e Te ʼAtua Kia Tatou? ʼE tonu ke tou faiga lahi ke tou kamata he ako Tohi-Tapu.
◼ Ko te tēhina taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ʼi te hili pe ʼo te ʼaho ʼaia. Ka ʼosi te faʼahi ʼaia, pea ʼe tala anai ki te kokelekasio te falā ʼo te māhina. Lau mo te ʼu meʼa ʼofa ʼaē neʼe foaki e te kokelekasio ki te gāue faka malamanei pea mo te tahi faʼahi neʼe tokoni kiai te kautahi.
◼ Ko te sikalaipe pea mo te tēhina taupau ki te gāue, ʼe nā vakaʼi anai te gāue ʼa te kau pionie katoa fuli. Kapau ʼe faigataʼa ki he tahi ke ina fai tona ʼu hola, pea ʼe fai anai e te kau tagata ʼāfea he ʼu fakatuʼutuʼu ke nātou tokoni ki ai. ʼE koutou maʼu anai he ʼu tokoni ki te faʼahi ʼaia ʼi te tohi ʼaē ʼe fai e te Sosiete ʼi te taʼu fuli, te S-201. Vakaʼi mo te ʼu palakalafe 12-20 ʼo te pepa ʼaē ʼe ʼalutahi mo Te Minisitelio ʼo Te Puleʼaga Fakafalani ʼo ʼAukusito 1986.
◼ ʼE ko te kupu tāfito ʼaenī ʼo te akonaki makehe ʼaē ʼe fai ʼi te māhina ʼo te ʼAho Fakamanatu ʼo te taʼu 2003 “Kua Hoko Mai Koa Te Hola Fakamāu ʼo Papiloni?” Vakaʼi te tonu ʼe ʼalutahi mo te tonu ʼaenī ʼi Te Minisitelio ʼo Te Puleʼaga ʼo Sepetepeli 2002.
◼ Mai tona ʼaluʼaga ʼaē kua fakagata te ʼu fakatuʼutuʼu ʼaē ke momoli mai tatatou apone, koia ʼe maʼuhiga ki te ʼu kokelekasio ke nātou foimo tufa te ʼu nusipepa fakamuli ʼo Te Tule Leʼo pea mo te Réveillez-vous ! ʼi te temi pe ʼaē ʼe nātou maʼu ai. ʼE faka fealagia ai ki te kau fai faka mafola ke nātou maʼu tanatou ʼu nusipepa pea ke nātou lau ʼi muʼa ʼo tanatou tufa ʼi te minisitelio.