Te ʼu Tonu

◼ Te tufa ʼo Sanualio: Te tagata ʼaē ʼe lahi tokotahi ʼo te ʼu temi fuli. ʼE feala hakotou tufa mo Te Tohi ʼo Te ʼu Hisitolia Faka Tohi-Tapu. Fepualio: Te ʼAtamai Mālama ʼAē ʼe Ina Taki Ki Te Maʼuli Heʼegata. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. Kapau kua maʼu e te hahaʼi te tohi ʼaia, pea ʼe feala hakotou tufa te tohi Te tagata ʼaē ʼe lahi tokotahi ʼo te ʼu temi fuli. ʼApelili: Te Tule Leʼo pea mo te Réveillez-vous ! Ka koutou ʼaʼahi te hahaʼi ʼaē ʼe fia logo, koutou ʼaʼahi mo nātou ʼaē neʼe ʼōmai ki te ʼAho Fakamanatu, peʼe ko te tahi ʼu fakatahi faka teokalatike, kae ʼe mole ʼōmai putuputu ki tatatou kautahi. Koutou faiga ke koutou tufa te tohi Te ʼAtamai Mālama. ʼE tou faiga tāfito anai ke tou kamata he ako Tohi-Tapu, tāfito la mo kapau kua maʼu e te hahaʼi hanatou kaupepa Fakamaʼua.

◼ ʼO kamata mai Fepualio, ʼo kaku ki te ʼaho 7 ʼo Malesio, koʼeni te kupu tāfito ʼo te akonaki foʼou ki te kaugamālie, ʼaē ka fai e te ʼu tagata taupau faka silikosikilipisio: “Ko Ai ʼAē ʼe Koutou Faka Maʼuhigaʼi?”

◼ ʼE tonu ki te ʼu kokelekasio ke nātou fai he ʼu fakatuʼutuʼu ʼo ʼuhiga mo te ʼAho Fakamanatu ʼo te taʼu ʼaenī, ʼaē ka fai ʼi te ʼAhotapu ʼaho 4 ʼo ʼApelili, ʼi te ʼosi tō ʼo te laʼā. Logope la ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe tonu anai ke feʼāveʼaki ʼi te ʼosi tō ʼo te laʼā. Koutou vakaʼi fakalelei peʼe ko te temi fea ʼaē ka tō ai te laʼā ʼi te koga meʼa ʼe koutou nonofo ai. ʼI te ʼaho ʼaia ʼe fai pe anai te fono ki te fai faka mafola, koia ʼe fai anai he ʼu fetogi ke fai te ako ʼo Te Tule Leʼo ʼi he tahi ʼaho. ʼE fai anai he ʼu fetogi e te ʼu tagata taupau faka silikosikilipisio ʼo ʼuhiga mo tanatou polokalama ʼaʼahi ʼo te ʼu kokelekasio. ʼI ʼihi temi, ʼe mole feala ki te ʼu kokelekasio ke nātou fai takitahi tanatou ʼu ʼAho Fakamanatu. ʼI te ʼu Fale Fono ʼaē ʼe fakaʼaogaʼi e te ʼu kokelekasio kehekehe, ʼe lagi lelei anai ke vakaʼi e he tahi ʼu kokelekasio ke nātou fakaʼaogaʼi he tahi fale ki te afiafi ʼaia. Kapau ʼe feala, pea ʼe lelei ki te kokelekasio ʼaē ʼe ina ʼuluaki fai tana Fakamanatu, ke ina fakavaha ia minuta e 40 mo te kokelekasio ʼaē ka hoa mai, ke maʼu he temi feʼauga kia tatou fuli ke tou faifai palalau ʼi te ʼosi ʼo te fakatahi makehe ʼaia. ʼE tonu anai ke vakavakaʼi fakalelei mo te feʼaluʼaki ʼa te ʼu motokā pea mo te ʼu taulaga motokā, ʼo feiā mo te ʼaumai pea mo te feʼāveʼaki ʼa te hahaʼi. ʼE vakaʼi anai e te ʼu tagata ʼāfea te ʼu fakatuʼutuʼu ʼaē ʼe lelei ke fai maʼa te kokelekasio.