Te ʼu Tonu

◼ Te tufa ʼo Sūlio Mo ʼAukusito: He kaupepa e pasina 32: ʼE Koutou Lava Kaumeʼa Mo Te ʼAtua!, ʼE Tokaga Moʼoni Koa Te ʼAtua Kia Tatou?, Koteā ʼAē ʼe Hoko Kia Tatou Mokā Tou Mamate?, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te tagata ʼaē ʼe lahi tokotahi ʼo te ʼu temi fuli peʼe ko Te Tohi ʼo Te ʼu Hisitolia Faka Tohi-Tapu. ʼOketopeli: Te Tule Leʼo pea mo te Réveillez-vous ! Kapau ʼe fia logo he tahi pea koutou foaki age te kaupepa Fakamaʼua, pea mo faiga tāfito ke kamata he ʼu ako Tohi-Tapu.

◼ ʼO kamata mai Sepetepeli, ʼe fai anai e te ʼu tagata taupau faka silikosikilipisio te akonaki ki te kaugamālie ko tona kupu tāfito: “Tou Sisio Ki Te Ka Haʼu ʼAki Te Tui Pea Mo He Lototoʼa.”

◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ki te Fakaʼui Ki Te Selevisi Pionie Katoa (S-205) pea mo te pepa Fakaʼui Ki Te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu katoa.

◼ ʼI muʼa ʼo te momoli ki te filiale te pepa fakaʼui ki te selevisi pionie katoa, ko te sikalaipe ʼo te kokelekasio ʼe tonu ke ina toe vakaʼi te pepa peʼe kua tohi katoa. Kapau ʼe mole kei manatuʼi e nātou ʼaē ʼe fia pionie tonatou ʼaho papitema, pea ʼe tonu pe anai ke nātou fakafuafua peʼe ko te taʼu fea. ʼE tonu ki te sikalaipe ke ina tohi te ʼaho ʼaia ʼi te kate Activité du proclamateur (Fichier de la congrégation).

◼ Kapau ʼe koutou folau pea mo koutou fia kau ki te ʼu fono peʼe ki te ʼu fakatahi ʼaē ka fai ʼi he tahi fenua, ʼe tonu ke koutou kole ki te filiale ʼaē ʼe tokaga ki te gāue ʼo te fenua ʼaia, te ʼu ʼaho, mo te hola pea mo te faʼahi ʼaē ka fai ai te ʼu fono ʼaia. Ko te ʼu tuʼasila ʼo te ʼu filiale ʼe tuʼu ʼi te pasina fakamuli ʼo te Annuaire des Témoins de Jéhovah.

◼ ʼE tonu ke taupau e te filiale te ʼu tuʼasila pea mo te ʼu numelo telefoni ʼa te kau tagata taupau pelesita fuli pea mo te ʼu sikalaipe. Kapau ʼe hoko he fetogi, pea ko te Komite Ki Te Gāue ʼo Te Kokelekasio ʼe tonu ke ina foimo tohi te pepa (S-29) Fetogi Tuʼasila ʼo Te Tagata Taupau Pelesita/Sikalaipe, ʼo sinie pea mo momoli ki te filiale.