Fakamanatu ʼo Te Ako ʼo Te Minisitelio Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 30 ʼo ʼAukusito 2004. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 5 ʼo Sūlio ʼo aʼu ki te ʼaho 30 ʼo ʼAukusito. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai ʼe koutou totonu hakotou ʼu kumi moʼo maʼu te ʼu tali.​—Vakaʼi te tohi École du ministère pp. 36-7.]

HE ʼU KALITATE KI TE FAIAKONAKI

1. ʼE tou lava fakamahino feafeaʼi te tupuʼaga ʼo tatatou ʼamanaki “ ʼaki he agamālū pea mo he fakaʼapaʼapa lahi”? (1 Pet. 3:​15, MN ) [be p. 192 pal. 2-4]

2. He koʼe ʼe maʼuhiga ke tou tui papau ki te ʼu meʼa ʼaē ʼe tou palalau kiai? (Loma 8:​38, 39; 1 Tes. 1:5; 1 Pet. 5:​12) [be p. 194]

3. E feafeaʼi hatatou fakahā ʼe tou tui papau? [be p. 195 pal. 3-p. 196 pal. 4]

4. Koteā koa te aga fakaʼeteʼete, he koʼe ʼe maʼuhiga, pea e feafeaʼi hatatou lava fakafuafua lelei te kalitate ʼaia mo te pipiki maʼu? (Loma 12:18) [be p. 197]

5. ʼI muʼa ʼo hana palalau, koteā anai te faʼahi ʼaē ka tokaga kiai he tahi ʼe aga fakaʼeteʼete? (Taag. 25:11; Soa. 16:12) [be p. 199]

AKONAKI N° 1

6. ʼE ʼiloga feafeaʼi tatatou tuputupu ʼi te moʼoni ʼi tatatou ʼu fai palalau pea ʼi tatatou ʼu agamāhani ʼi te ako? [be p. 74 pal. 3-p. 75 pal. 2]

7. Koteā te faka ʼuhiga ʼo te “totogi maʼa koutou te temi faigamālie,” pea e feafeaʼi hatatou lava fai te faʼahi ʼaia? (Ef. 5:​16, MN ) [w02 15/11 pp. 22, 23]

8. ʼE fakahā lelei feafeaʼi mai e te Tohi-Tapu ko te tagata fuli ʼe nātou tatau ia muʼa ʼo te ʼAtua, pea ʼe tonu ke malave feafeaʼi ki tatatou minisitelio? [w02 1/1 pp. 5, 7]

9. Koteā te faka ʼuhiga ʼo te huafa makehe ʼo te Tupuʼaga, ko Sehova? [w02 15/1 p. 5]

10. He koʼe koa ko te sakilifisio ʼa Apele “nee leleiʼage” ʼi te sakilifisio ʼa Kaino, pea koteā te ako kia tatou ʼo ʼuhiga mo tatatou ʼu “sakilifisio . . . fakavikiviki”? (Hep. 11:4; 13:15) [w02 15/1 p. 21 pal. 6-8]

LAU ʼO TE TOHI-TAPU

11. ʼE lava tokoni feafeaʼi mai ia Levitike 18:3 ke ʼaua naʼa tou maʼu he manatu hala ʼo ʼuhiga mo te meʼa ʼaē ʼe lelei pea mo te meʼa ʼaē ʼe kovi? (Ef. 4:​17-​19) (w02 1/2 p. 29)

12. Koteā ʼaē neʼe fakatātā e te ʼu “pane e lua” ʼaē neʼe momoli e te pelepitelo lahi “ko he mōlaga neʼe lī” lolotoga te Lafeti ʼo Te ʼu Vāhaʼa (te Penikosite)? (Lev. 23:15-​17) [w98 1/3 p. 13 pal. 21]

13. Ka hoko he tono ohage ko tona fakahā ia Faka au kapite 5, neʼe faka ʼuhiga feafeaʼi ‘te magemage ʼo te kauaga’ ʼo te fafine ʼaē neʼe agahala? (Fkau. 5:​27) [w04 1/8 p. 24 pal. 6]

14. He koʼe koa neʼe fakafeagai ia Miliame mo Alone kia Moisese ʼuhi ko tona ʼohoana? (Fkau. 12:1)

15. Koteā koa “te tohi ʼo te ʼu Tau ʼa Sehova”? (Fkau. 21:14)