Fakamanatu ʼo Te Ako ʼo Te Minisitelio Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 25 ʼo ʼOketopeli 2004. Ko te taupau ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te vāhaʼa ʼo te ʼaho 6 ʼo Sepetepeli ki te ʼaho 25 ʼo ʼOketopeli. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.​—Vakaʼi te tohi École du ministère pp. 36-7.]

HE KALITATE KI TE FAIAKONAKI

1. E feafeaʼi hatatou fakaloto mālohi mo kapau ʼe tou fai he akonaki ʼo ʼuhiga mo he ʼaluʼaga ʼo tatatou gāue faka Kilisitiano? [be p. 203 pal. 3-4]

2. Koteā koa te liuliuga, pea he koʼe koa ʼe maʼuhiga? [be p. 206 pal. 1-4]

3. ʼE tou lava faka maʼuhigaʼi feafeaʼi ia te kupu tāfito ʼo tatatou akonaki? [be p. 210 pal. 1-5, mo te fakamatala ʼaē ʼe ʼā takai]

4. ʼE tou lava filifili feafeaʼi ia te ʼu puani tāfito ʼo he akonaki neʼe foaki mai? [be p. 212 pal. 1-4]

5. He koʼe ʼe tonu ke tou tokakaga naʼa lahi fau te ʼu puani tāfito? [be p. 213 pal. 2-4]

AKONAKI N° 1

6. Neʼe feafeaʼi ia te maʼuli ʼi muʼa ʼo te Tulivio, ʼaē neʼe tupu ʼaki ai te tui gataʼa ʼa te hahaʼi, ʼe fakaʼauha anai te ʼu meʼa fuli ʼaē neʼe nātou sisio kiai? [w02 1/3 pp. 5-6]

7. He koʼe koa ʼe maʼuhiga ke tou tokagaʼi ia te ʼui ʼa te hahaʼi ʼo te temi ʼo Sesu, neʼe mole ko he “Tagata Faifaitoʼo” kae neʼe ko he tagata “Faiako”? (Luka 3:​12; 7:​40, MN ) [w02 1/5 p. 4 pal. 3; p. 6 pal. 6]

8. ʼE fakahā lelei feafeaʼi ʼi te Tāʼaga Lea 11:24, 25 ia te maʼuhiga ʼo hatatou lagolago lahi ki te gāue fai faka mafola? [w02 15/7 p. 30 pal. 3-5]

9. Koteā te fihifihia neʼe malaga ʼi te agatuʼu ʼaē neʼe hoko ʼi Eteni, pea koteā te ʼu ikuʼaga ʼo te agatuʼu ʼaia? (Sen. 3:​1-6) [w02 1/10 p. 5 pal. 6; p. 6 pal. 2-3]

10. ʼE tou ʼiloʼi feafeaʼi ia te taʼu ʼaē neʼe toe fakatuʼu ai ia te tauhi moʼoni ʼi Selusalemi? [si p. 285 pal. 5]

LAU ʼO TE TOHI-TAPU

11. He koʼe koa neʼe ʼita ia Sehova kia Palaame ʼi tana ʼalu mo te kau tagata ʼaē neʼe fekauʼi e Palake, kae neʼe ko ia ʼaē neʼe ina fakatotonu kia Palaame ia te faʼahi ʼaia? (Fkau. 22:20-​22)

12. ʼE feala koa ki he tagata ke ina fetogi te ʼu fakapapau ʼo tona ʼohoana ʼaē ko he fafine Kilisitiano? (Fkau. 30:​6-8)

13. Koteā ʼaē ʼe fakatātā e “te ʼu kolo ʼo te hāofaki” ʼi te temi nei? (Fkau. 35:6) [w95 15/11 p. 17 pal. 8]

14. ʼE tonu koa ke tou fakahoko moʼoni ia te fakatotonu ʼaē ʼe tuʼu ia Teutalonome 6:​6-9 ‘ke nonoʼo te lao ʼa te ʼAtua ki te nima pea ke hage ko he haʼi ki te ʼulu’?

15. Ko te palalau “ko tou kofu neʼe mole popo ia te koe” ʼe faka ʼuhiga pe koa neʼe fetofetogi tuʼumaʼu tonatou ʼu mutuʼi meʼa? (Teu. 8:4)