Te ʼu Tonu
◼ Te tufa ʼo Tesepeli: Te tagata ʼaē ʼe lahi tokotahi ʼo te ʼu temi fuli. ʼE feala ke koutou tufa mo Te Tohi ʼo Te ʼu Hisitolia Faka Tohi-Tapu. Sānualio: Te Tohi ʼo Te ʼu Hisitolia Faka Tohi-Tapu. Peʼe feala ke koutou tufa te tohi Fakafalani Écoute le grand Enseignant. Kapau ʼe ʼui atu e he tahi ʼe mole hana fānau, pea koutou tuku age te kaupepa lahi Fakamaʼua. Tou faiga tāfito ke tou kamata he ʼu ako Tohi-Tapu ʼaki te kaupepa lahi ʼaia. Fepualio: ʼE feala ke tufa te tohi Te lea faka polofeta ʼa Taniela. Malesio: Fakahā te tohi ʼAtamai mālama, pea tou faiga tāfito ke kamata he ʼu ako Tohi-Tapu.
◼ Ko te ʼu alatike ʼaē ko tona kupu tāfito “Koutou Mahino Ki Takotou Tōketā” ʼi te Réveillez-vous ! ʼo te ʼaho 22 ʼo Sānualio 2005, neʼe fai moʼo tokoni ki te hahaʼi ke nātou mahino lelei age mo tanatou tōketā. Kae ʼe mahino papau ia, ʼe toe fia lau anai e te ʼu tōketā te ʼu alatike ʼaia, heʼe talanoa ai ki te tupuʼaga ʼo te fia logo ʼa ʼihi tōketā ki te logo ʼa te Tohi-Tapu ʼo ʼuhiga mo te ʼamanaki. ʼE lagi koutou fia kole anai hakotou ʼu nusipepa ʼe lahi age pea mo faiga tāfito ke koutou tuku he nusipepa ki takotou tōketā, pea mo he tahi ʼu spécialistes. ʼE tonu ke fakahā e te ʼu kokelekasio ki te filiale mokā lahi te fakaʼui ʼo te nusipepa ʼaia.
◼ Kua vave tau mai ki te ʼu kokelekasio te ʼu pepa fakaafe ki te ʼAho Fakamanatu ʼo te taʼu 2005 ʼi te lea ʼo te ʼu kokelekasio takitahi. Kapau ʼe ʼi ai te tahi ʼu lea ʼi tokotou telituale pea mo koutou loto ki he ʼu pepa fakaafe ʼi te ʼu lea ʼaia, ʼe tonu ke koutou kole fakavilivili te ʼu pepa ʼaia ʼi te pepa Fakaʼui Tohi (S-14). Ko te lisi ʼo te ʼu lea ʼaē neʼe fakaliliu kiai te ʼu pepa fakaafe ki te ʼAho Fakamanatu ʼe tuʼu anai ʼi te pepa “ Avis aux congrégations ” (Logo Ki Te ʼu Kokelekasio), ʼaē ʼe momoli ʼi te māhina fuli ki te ʼu kokelekasio. Koutou kole pe te ʼu pepa fakaafe ʼi te ʼu lea ʼaē ʼe ʼaoga ki tokotou telituale.
◼ ʼUhi ko te maʼuhiga ʼo te ʼAho Fakamanatu, ko te kolesi ʼo te kau tagata ʼāfea ʼe ina filifili anai he tagata ʼāfea kua poto lelei ʼi te faiakonaki, kae mole tonu ke nātou fesuisuiʼaki peʼe hinoʼi tuʼumaʼu pe te tēhina e tahi moʼo fai te akonaki ʼaia ʼi te taʼu fuli. Kapau ko he tēhina ʼāfea fakanofo ʼe feala ke ina fai ia te akonaki, pea ʼe fili anai te tēhina ʼaia.
◼ ʼO kamata ʼi te vāhaʼa ʼo te ʼaho 6 ʼo Tesepeli 2004, ʼe tou ako anai te tohi Koutou Tokagaʼi Te Lea Faka Polofeta ʼa Taniela ʼi te Ako Tohi ʼo te kokelekasio.