Fakamanatu ʼo Te Ako ʼo Te Minisitelio Faka Teokalatike
Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 28 ʼo Fepualio 2005. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 3 ʼo Sānualio ʼo aʼu ki te ʼaho 28 ʼo Fepualio. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai ʼe koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]
HE KALITĀTĒ KI TE FAIAKONAKI
1. Koteā ʼaē ka ina faka fealagia ke mahino gafua tatatou ʼu palalau? [be p. 226 pal. 1–p. 227 pal. 1]
2. Ko te ʼu kupu fea ʼaē ʼe lelei ke koutou fakamahino? [be p. 227 pal. 2–p. 228 pal. 1]
3. Koteā ʼaē ka tokoni mai anai ke tou fakahā he ʼu manatu ʼe ʼaoga moʼoni anai ki te nofoʼaki? [be p. 231 pal. 1-3]
4. ʼE tou lava foaki feafeaʼi he ʼu manatu foʼou ʼo ʼuhiga mo he ʼu vaega Tohi-Tapu kua ʼiloʼi lelei e te nofoʼaki? [be p. 231 pal. 4-5]
5. Koteā anai tona ʼaoga mo kapau ʼe tou fakaloto mālohiʼi te nofoʼaki ke nātou tokagaʼi tāfito te ʼu kiʼi manatu ʼo te ʼu vaega Tohi-Tapu ʼaē kua nātou ʼiloʼi lelei? [be p. 232 pal. 2-4]
AKONAKI N° 1
6. Koteā ʼaē ʼe pipiki ki tatatou ako ki te hahaʼi ke nātou “manavasiʼi ki te ʼAtua moʼoni pea mo taupau tana ʼu fakatotonu”? (Tnk. 12:13) [be p. 272 pal. 3–p. 273 pal. 1]
7. ʼE tou lava fakatokagaʼi feafeaʼi ki te hahaʼi ia te huafa ʼo Sehova pea mo tona ʼulugaaga? (Soe. 2:32) [be p. 274 pal. 3-5]
8. He koʼe ʼe maʼuhiga ke tou ʼiloʼi ia Sesu pea mo tou fakamoʼoni kiā te ia? (Soa. 17:3) [be p. 276 pal. 1]
9. He koʼe ʼe tonu ke tou mahino ki te tuʼulaga ʼo Sesu ke feala ke tali tatou e te ʼAtua pea mo tou mahino ki te Tohi-Tapu? [be p. 276 pal. 2]
10. ʼE tou lava fakahā feafeaʼi ʼe tou tui moʼoni ko Sesu Kilisito ko te Hau? [be p. 277 pal. 4]
LAU ʼO TE TOHI-TAPU ʼI TE VĀHAʼA FULI
11. Ko Tela, te tāmai ʼo Apalahamo, neʼe tauhi koa ki te ʼu tamapua? (Sos. 24:2)
12. Neʼe mataku koa ia Seteone ʼi tana fakahoko te gāue ʼaē neʼe fakatotonu age e Sehova? Koutou fakamahino takotou tali. (Ktf. 6:25-27)
13. Koteā te ako ʼe feala ke tou tāʼofi mai te faʼahiga palalau ʼa Seteone ki te telepi ʼo Efalaime? (Ktf. 8:1-3)
14. Koteā ʼaē neʼe tupu ai te mole fia tali kāiga ʼa te hahaʼi ʼo Kipea? (Ktf. 19:14, 15)
15. Kapau neʼe ‘ko he agamāhani ʼa te hahaʼi tanatou fai te meʼa ʼaē neʼe matatonu kiā nātou,’ neʼe mole hoko ai koa he ʼu maveuveu? (Ktf. 21:25)