Te ʼu Tonu

◼ Te tufa ʼo te māhina ʼo Malesio: Fakahā te tohi Te ʼAtamai Mālama, pea tou faiga tāfito ke tou kamata he ʼu ako Tohi-Tapu. ʼApelili Mo Maio: Te Tule Leʼo pea mo te Réveillez-vous ! Ka koutou ʼaʼahi te hahaʼi ʼaē ʼe fia logo, koutou ʼaʼahi mo nātou ʼaē neʼe ʼōmai ki te ʼAho Fakamanatu, peʼe ko te tahi ʼu fakatahi faka teokalatike, kae ʼe mole ʼōmai putuputu ki tatatou kokelekasio, pea koutou faiga ke koutou tufa te tohi Atolasio Ki Te ʼAtua. ʼE tou faiga anai ke tou kamata he ako Tohi-Tapu, tāfito mo te hahaʼi kua nātou ako ia te tohi Te ʼAtamai Mālama pea mo te kaupepa Fakamaʼua. Sūnio: Te Tohi ʼo Te ʼu Hisitolia Faka Tohi-Tapu peʼe ko te kaupepa lahi Fakamaʼua. Ka koutou fakaʼaogaʼi te kaupepa lahi, koutou faiga ke koutou kamata he ʼu ako Tohi-Tapu.

◼ ʼE tonu ke tufa e te ʼu kokelekasio te ʼu Tule Leʼo pea mo te Réveillez-vous ! ʼi te temi pe ʼaē ʼe tau mai ai. ʼE feala ai anai ki te kau fai faka mafola ke nātou lau te ʼu nusipepa ʼi muʼa ʼo tanatou tufa ʼi te fai faka mafola. Pea mo Te Minisitelio ʼo Te Puleʼaga ʼe tonu ke tufa ki te ʼu kaugā fagona ʼi te temi pe ʼaē ʼe tau mai ai. ʼE feala ke tufa ʼi te ʼu fono ʼo te Ako Tohi.

◼ Kapau ʼe koutou folau ki he tahi fenua pea mo koutou fakatuʼutuʼu ke koutou kau ki te ʼu fono, ki he fakatahi, peʼe ko he fakatahi faka tisitilike, pea koutou kole te ʼu ʼaho, mo te ʼu hola, pea mo te ʼu koga meʼa ka fai ai ki te filiale ʼaē ʼe tokaga ki te fenua ʼaia. Ko te ʼu tuʼasila ʼo te ʼu filiale ʼe tuʼu ʼi te pasina fakamuli ʼo te Annuaire.

◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ki te Fakaʼui Ki Te Selevisi Pionie Kātoa (S-205) pea mo te pepa Fakaʼui Ki Te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu kātoa.

◼ Ko te ʼAho Fakamanatu ʼe fai anai ʼi te Felianima ʼaho 24 ʼo Malesio 2005. Kapau ʼi te agamāhani ʼe fono takotou kokelekasio ʼi te Felianima, ʼe feala anai ke fai ʼi te tahi ʼaho ʼo te vāhaʼa mo kapau ʼe ava te Fale ʼo Te Puleʼaga. Kapau ʼe mole feala pea mo fetogi ai takotou Fono Gāue, pea ʼe feala anai ke fakakau ki he tahi Fono Gāue ʼihi ʼu faʼahi ʼe pipiki ki te kokelekasio.

◼ Neʼe telefoni te kau fai faka mafola ki te filiale ʼo ʼuhiga mo te hivaʼi e te hahaʼi ʼo te mālama te ʼu kātiko pea ʼe lolotoga feʼaveʼaki nei e te kau Fakamoʼoni ʼa Sehova. Neʼe nātou fia ʼiloʼi peʼe tali e te kautahi te ʼu hiva ʼaia. ʼE mātou ʼiloʼi te ʼu hiva ʼaia pea ʼe mātou fia fakahā atu ʼe mole mātou tali. ʼAua naʼa koutou feʼāveʼaki ia koutou te ʼu hiva ʼaia peʼe koutou puke ʼi te Internet. ʼE mātou falala ʼe tali anai te manatu ʼaenī ki te ʼu fehuʼi neʼe lagaʼi