Te ʼu Tonu

◼ Te tufa ʼo te māhina ʼo Sūlio Mo ʼAukusitō: ʼE Koutou Lava Kaumeʼa Mo Te ʼAtua! Kapau mole heʼeki maʼu te kaupepa lahi ʼaia, ʼe feala ke koutou tufa he tahi kaupepa ʼi te ʼu kaupepa ʼaenī e pasina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te tagata ʼaē ʼe lahi tokotahi ʼo te ʼu temi fuli peʼe ko Te Tohi ʼo Te ʼu Hisitolia Faka Tohi-Tapu. ʼOketopeli: Te Tule Leʼo pea mo te Réveillez-vous ! Pea kapau ʼe fia logo he tahi, koutou foaki age ia te kaupepa Fakamaʼua.

◼ ʼO kamata mai Sepetepeli, ko te ʼu taupau siliko ʼe nātou fai anai ia te akonaki ki te kaugamālie ʼaē ko tona kupu tāfito “He Koʼe ʼe Tonu Ke Takitaki Tatou e Te Tohi-Tapu?

◼ Ia ʼaho e 30 ʼi muʼa ʼo te ʼaho ʼaē ʼe kole ke kamata ai te selevisi, ʼe tonu ke momoli ki te filiale ia te ʼu pepa fakaʼui ki te selevisi pionie temi kātoa. ʼE tonu ki te sikalaipe ʼo te kokelekasio ke ina toe vakaʼi te ʼu pepa pionie peʼe kua tohi kātoa. Kapau ʼe mole kei manatuʼi e nātou ʼaē ʼe fia pionie tonatou ʼaho papitema, pea ʼe tonu anai ke nātou fakafuafua peʼe ko te taʼu fea. ʼE tonu anai ki te sikalaipe ke ina tohi te ʼaho ʼaia ki te kate Activité du proclamateur (S-21).

◼ ʼE tonu ki te kau sikalaipe ʼo te ʼu kokelekasio ke nātou vakaʼi pe kua nātou maʼu te pepa fakamoʼoni ʼo te ʼuhiga pionie (S-202) ʼo te kau pionie takitahi. Kapau ʼe mole heʼeki nātou maʼu fuli, pea ke nātou fakahā ki te filiale.