Te ʼu Tonu
◼ Te tufa ʼo te māhina ʼo ʼAukusitō: ʼE Koutou Lava Kaumeʼa Mo Te ʼAtua! Kapau mole heʼeki maʼu te kaupepa lahi ʼaia, ʼe feala ke koutou tufa he tahi kaupepa age ʼi te ʼu kaupepa ʼaenī e pasina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te tagata ʼaē ʼe lahi tokotahi ʼo te ʼu temi fuli peʼe ko Te Tohi ʼo Te ʼu Hisitolia Faka Tohi-Tapu. ʼOketopeli: Te Tule Leʼo pea mo te Réveillez-vous ! Pea kapau ʼe fia logo he tahi, koutou foaki age ia te kaupepa Fakamaʼua. Novepeli: Te tagata ʼaē ʼe lahi tokotahi ʼo te ʼu temi fuli peʼe ko te kaupepa Fakamaʼua.
◼ Ko te māhina ʼo ʼOketopeli ʼe ko ʼona fakaʼosi vāhaʼa e nima, koia ʼe ko he māhina lelei ʼaia ke tou toʼo ai te selevisi pionie vaeluaʼi temi.
◼ Koutou taupau maʼu te pasina 5 mo 6 ʼo Te Minisitelio ʼo Te Puleʼaga ʼaenī, heʼe ʼaoga anai ki te fakatahi faka siliko pea mo te fakatahi makehe ʼaho tahi ʼo te taʼu gāue 2006.
◼ Ko te taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Sepetepeli peʼe ʼi te hili pe ʼo te ʼaho ʼaia. Kapau ʼe ʼi ai he falā neʼe tānaki ki hona tahi fakaʼaogaʼi, ohage ko he falā ʼe fakaʼaogaʼi ki te fale fono peʼe ko he laga fale, ʼe tonu anai ke toe vakaʼi mo te falā ʼaia. Ka ʼosi vakaʼi te ʼu meʼa fuli ʼaia, pea ʼe tala anai ki te kokelekasio ʼi te vāhaʼa ʼaē ka lau ai te falā.
◼ ʼE fakamanatuʼi atu, ʼe mole tonu ke fakaʼaogaʼi te tuʼasila ʼo te Sosiete ke tali mai kiai he tahi neʼe tou faitohi ki ai. Ohage ko tatatou ʼu faitohi pea mo te ʼu tohi fuli ʼaē ʼe tou momoli ʼi tatatou fai faka mafola kiā nātou ʼaē ʼe fia logo, ki te hahaʼi ʼaē neʼe mole maʼu atu kiō nātou, peʼe ki te hahaʼi ʼaē ʼe nonofo ʼi te ʼu koga meʼa ʼaē ʼe faigataʼa hata ʼalu kiai. ʼE tonu anai ke fakaʼaogaʼi e he kaugā fagona tona tuʼasila totonu, heʼe kau tana minisitelio ki tana tauhi ʼaē ki te ʼAtua. (Mat. 28:19, 20; Loma 10:14, 15) Kae kapau ʼe mole feala kiā ia hana fakaʼaogaʼi tona tuʼasila mokā fai fagonogono ʼi te faitohi, ʼe feala anai ke ina tohi tona higoa pea mo te tuʼasila ʼo te Fale ʼo Te Puleʼaga.—Vakaʼi Te Tali Ki ʼAkotou ʼu Fehuʼi ʼi Te Minisitelio ʼo Te Puleʼaga ʼo Maio 2002.
◼ Ko te fakaʼau kātoa ʼo te ʼu tohi pea mo te ʼu nusipepa ʼaē ʼe toe ʼi te kokelekasio ʼi te taʼu fuli, ʼe tonu anai ke fai mo kapau ʼe feala, ʼi te ʼaho 31 ʼo ʼAukusitō 2005 peʼe ʼi he ʼaho ʼe hoa atu kiai. ʼE tatau te fakaʼau ʼaia ʼo te ʼu tohi pea mo te lau ʼo te falā e te tēhina ʼaē ʼe ina vakavakaʼi te ʼu tohi ʼi te māhina fuli, pea ʼe tonu anai ki te ʼu fakaʼau kātoa ʼaia ke tohi ki te pepa Stock des publications (S-18). ʼE feala ke fakalavelave age ki te ʼu tēhina ʼo te ʼu kokelekasio ʼaē ʼe nātou tōkakaga ki te ʼu nusipepa, pe ko te ʼu nusipepa e fia ʼaē ʼe kei toe. Ko te sikalaipe ʼo te kokelekasio ʼe tonu ke ina vakaʼi fakalelei te ʼu tohi. Ko te sikalaipe pea mo te tagata taupau pelesita ʼo te kokelekasio, ʼe nā sinie anai te pepa. ʼE foaki anai ki te kokelekasio takitahi te ʼu pepa (S-18) e tolu ʼo te Stock des publications. ʼE kole atu ke koutou momoli mai te pepa ʼaia ki te Sosiete ʼi muʼa ʼo te ʼaho 6 ʼo Sepetepeli. Koutou taupau te lua pepa ʼaia ʼi takotou ʼu tosie. Ko te tolu pepa ʼe feala anai ke fakaʼaogaʼi ko he pepa gāue.
◼ ʼI tanatou pepa fakaʼui tohi, ʼe tonu anai ke fakaʼui e te ʼu kokelekasio te ʼu kaletalio ʼa te kau Fakamoʼoni ʼa Sehova ʼo te taʼu 2006, mo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli—2006, pea mo te Annuaire des Témoins de Jéhovah 2006. Ko he lisi ʼo te ʼu lea ʼaē kua maʼu ai te ʼu tohi ʼaia ʼe tuʼu anai ʼi te pepa “Te Logo Ki Te ʼu Kokelekasio Fuli,” ʼaē ʼe momoli ʼi te māhina fuli ki te ʼu kokelekasio.