Fakamanatu ʼo Te Ako Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako Faka Teokalatike lolotoga te vāhaʼa ʼaē ʼe kamata ʼi te ʼaho 31 ʼo ʼOketopeli 2005. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 5 ʼo Sepetepeli ʼo aʼu ki te ʼaho 31 ʼo ʼOketopeli 2005. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.​—Vakaʼi te tohi École du ministère pp. 36-37.]

HE KALITĀTĒ KI TE FAIAKONAKI

1. E feafeaʼi hatatou ʼiloʼi papau ʼe malave tatatou akonaki faka Tohi-Tapu ki te loto ʼo te hahaʼi? (Mat. 13:19) [be p. 258 pal. 1-2, te fakamatala ʼaē ʼe ʼātakai]

2. Koteā ʼaē ʼe feala ke tou fai moʼo fakaʼasi mai ki tuʼa te ʼu meʼa ʼaē ʼe ʼi te loto ʼo he tahi, kae koteā aē ʼe tonu ke tou tōkakaga kiai? [be p. 259 pal. 2-3]

3. Ka tou faiako, he koʼe ʼe maʼuhiga ke tou faka maʼuhigaʼi ia te ʼu kalitātē taulekaleka ʼo Sehova ? [be p. 260 pal. 1]

4. E feafeaʼi hatatou tokoni ki tatatou kau ako Tohi-Tapu ke nātou mahino tonu ki te ʼu faʼahi aē ʼe tonu ke nātou gāueʼi? [be p. 260 pal. 4–p. 261 pal. 1]

5. ʼE tou lava tokoni feafeaʼi ki tatatou kau ako pea mo te nofoʼaki, ke nātou vakavakaʼi te tupuʼaga ʼo tanatou ʼu aga? [be p. 262 pal. 2-3]

AKONAKI N° 1

6. Koteā te faka ʼuhiga ʼo te “kumi moʼoni” ia Sehova, pea e feafeaʼi hatatou fakahā ʼe ko te faʼahi ʼaia ʼaē ʼe tou fai? (Hep.11:​6, MN ) [w03 15/8 p. 25 pal. 2; p. 26 pal. 1-2; p. 27 pal. 1]

7. Koteā ia “te faʼifaʼitakiʼaga ʼo te ʼu folafola ʼo te maʼuli”, pea ʼe fakahā feafeaʼi anai e te kau tagata ʼāfea ʼe nātou taupau maʼu ia te faʼahi ʼaia? (2 Tim. 1:​13, 14, MN ) [w03 1/1 p. 29 pal. 2–p. 30 pal. 1)

8. Kotea te faka ʼuhiga ʼo te kupuʼi palalau “canon” ʼo te Tohi-Tapu, pea ko te ʼu faʼahi fea ʼaē ʼe feala ke tou ʼiloʼi ai peʼe ko he tohi ʼa te Tohi-Tapu, ʼe moʼoni pea mo haʼu mai te ʼAtua? [si p. 299 pal. 5-6]

9. He koʼe ko te Canon ʼa Muratori, ʼaē neʼe maʼu ʼi te fakaʼosi ʼo te lua sēkulō ʼo totatou temi, ʼe lelei ʼaupito moʼo fakamoʼoni ko te Tauhi Foʼou ʼe kau ki te “canon” ʼo te Tohi-Tapu? [si p. 302 pal. 19]

10. ʼE hā feafeaʼi ʼi te Tohi-Tapu tana fakagafua ʼaē ke fakaliliu, pea koteā ʼaē ʼe fakamoʼoni kiai ia te ʼu fakaliliu Tohi Tapu ʼāfea? [si p. 307 pal. 9]

LAU ʼO TE TOHI TAPU ʼI TE VĀHAʼA FULI

11. Ko te vaega ʼo 2 Hau 13:21 ʼe ko he fakamoʼoni koa ʼaia ʼe feala ke tou tauhi ki te ʼu hui ʼa he tahi ʼe ʼui ʼe ko he sagato?

12. Neʼe fai koa e Esekiasi hana fuakava mo Esipito? (2 Hau 18:​19-21, 25)

13. Logola ʼe mole fakamatala ʼi te ʼu hisitolia ʼo Asilia, te mālo ʼa Sehova ʼi tana tauʼi ia Senakelipe, kae koteā te ʼu meʼa ʼaē ʼe koutou leleiʼia ʼi te ʼu fakamatala ʼaia? (2 Hau 19:​35, 36)

14. Neʼe ko ai te tāmai ʼa Salatiele? (1 Fkma. 3:​16-18)

15. ʼI te ʼu ʼaho ʼo te hau ko Saulo, koteā te faʼifaʼitaki lelei ʼaē neʼe tuku mai e te kau Lupeni, mo te kau Kate, mo te vaeluaʼi telepi ʼo Manase, ki te ʼu kaugana fuape ʼo te ʼAtua ʼo te temi nei? (1 Fkma. 5:​18-22)