Fakamanatu ʼo Te Ako Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako Faka Teokalatike lolotoga te vāhaʼa ʼaē ʼe kamata ʼi te ʼaho 26 ʼo Tesepeli 2005. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 7 ʼo Novepeli ʼo aʼu ki te ʼaho 26 ʼo Tesepeli 2005. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.​—Vakaʼi te tohi École du ministère pp. 36-37.]

HE KALITĀTĒ KI TE FAIAKONAKI

1. E feafeaʼi hatatou ʼiloʼi ʼe tou fai tatatou fakaloto mālohi “ ʼuhi ko te ʼofa”? (Film. 9, MN ) [be p. 266]

2. E feafeaʼi tatatou “fai he fakaloto mālohi ʼaki te ʼu akonaki ʼo te maʼuli”? (Tito 1:9) [be p. 266 pal. 5–p. 267 pal. 1]

3. He koʼe ʼe maʼuhiga ke tou fai he ʼu fakaloto mālohi mokā tou faiakonaki pea e feafeaʼi hatatou fai ia te fahaʼi aia? [be p. 268 pal. 1-3, pea mo te fakamatala ʼaē ʼe ʼātakai]

4. ʼO mulimuli ki te faʼifaʼitaki ʼo Moisese, e feafeaʼi hatatou fakaloto mālohiʼi totatou ʼu tēhina mo tuagaʼane mo kapau ʼe tou fakamanatuʼi age te ʼu meʼa ʼaē neʼe fai e Sehova maʼa tana hahaʼi? (Teu. 3:28; 31:​1-8) [be p. 268 pal. 5–p. 269 pal. 2]

5. He koe ʼe feala ke lotomālohi te nofoʼaki mo kapau ʼe tou palalau ʼaki he loto fiafia ki te ʼu gāue ʼaē ʼe fai e Sehova ʼi te temi nei pea mo te ʼu meʼa ʼaē ka ina fai anai ʼi te ka haʼu? [be pp. 270-271]

AKONAKI N° 1

6. Koteā ia te Septante, pea he koʼe ʼe maʼuhiga ki te kau kilisitiano? [si p. 307 pal. 12–p. 310 pal. 14]

7. Ko ai te kau Massorètes, pea neʼe maʼuhigaʼi feafeaʼi tanatou lagolago ki te fakaliliu ʼo te Tohi Tapu? [si p. 310 pal. 18; p. 311 pal. 20-21]

8. Ko te tohi fea ʼaē neʼe fakatafito kiai te fakaliliu Fakapilitānia ʼo te koga tohi Faka Hepeleo ʼo te Traduction du monde nouveau, pea he koʼe ʼe feala ke falala ki te fai fakaliliu aia pea mo ʼui ʼe totonu? [si p. 312 pal. 28, 30]

9. Neʼe fakahā feafeaʼi e te kau ʼuluaki Kilisitiano tanatou lotomālohi ʼaē ke faka mafola ia te Folafola ʼo te ʼAtua? [si p. 315 pal. 1-5]

10. Koteā ʼaē ʼe hā mai ʼi te ʼu sivi ʼo te ʼu tohi ʼāfea ʼaē neʼe maʼu pea mo te ʼu Koga Tohi ʼo te Tohi Tapu? [si p. 320 pal. 32]

LAU ʼO TE TOHI-TAPU ʼI TE VĀHAʼA FULI

11. ʼI te mole fakagafua e Sehova ke laga e Tavite ia te fale lotu, ko tona faka ʼuhiga koa neʼe mole ina leleiʼia te ʼu tau ʼaē neʼe fai e Tavite? (1 Fkma. 22:​6-10)

12. ʼI tana faikole ʼaē ki te fakatapu ʼo te fale lotu, neʼe ʼiloga feafeaʼi ʼi te ʼu palalau ʼa Salomone ko Sehova ʼe tokaga ki te ʼu meʼa ʼaē ʼe ʼaoga ki tana ʼu kaugana fuli, kae ʼe ina toe ʼiloʼi foki mo te ʼu ʼaluʼaga ʼo tana hahaʼi takitokotahi ʼaē ʼe manavasiʼi kiā te ia? (2 Fkma. 6:​29, 30)

13. Ko ai koa “te ʼu temonio ʼaē neʼe agaaga ohage ko he ʼu akeno tagata” ʼaē ʼe talanoa kiai ia 2 Fakamatala 11:⁠15?

14. Kapau neʼe kamata te temi hau ʼo Paasa “ ʼi te tolu taʼu ʼo Asa” pea neʼe fai lolotoga taʼu e 24, e feafeaʼi takita mahino ki te ʼui ʼaē neʼe hake ia Paasa “ ʼo fakafeagai ki Suta” “ ʼi te tolugofulu-ma-ono taʼu ʼo te temi hau ʼo Asa”? (1 Hau 15:33; 2 Fkma. 16:⁠1)

15. He koʼe ʼe feala ke tou ʼui ko 2 Fakamatala 20:​22, 23 ʼe ko he faʼifaʼitaki lelei ʼaia ʼo te ʼaluʼaga ʼaē ka hoko ki te mālama ʼo Satana?